غاز طبيعى مع النيو اكسنت

[ملك القلوب سوفت]

السلام عليكم ورحمه الله وبركاته

يا ترى فيه حد من الى فى المنتدى مركب غاز طبيعى لعربيته النيو اكسنت

يا ريت لو حد مركب يقلنها ايه اخبار العربيه على الغاز وهل هيه بوضع النزين ولا لا
واكلف عليه كام

مع ذكر موديل العربيه ومانوال ولا اتوماتك وهوه شغال بيه بقاله مده اد ايه

تحياتى

[ملك القلوب سوفت]

27 مشاهده ومفيش ولا رد ايه يا رجاله محدش ركب الغاز او جربه على عربيته

على فكره انا بفكر اركبه لانه بيعادل 92 غير انه اكتر اوكتان من 92
وكمان احسبوها تفويله الغاز بى 7 جنيه بتمشى مش اقل من 170 كيلو يعنى تقريبا
معدل 20 لتر بنزين 92

يا ريت حد يعرفنا تجربته مع الغاز

تحياتى

[reda310]

و20 لتر بنزين 92 من 35 الى 40 جنيه فرق كبير طبعا
دا غبر الازمات واحيانامش بنلاقيه واحيانا مخلوط
فكرة كويسه

[moslem2]

صديقى العزيز :انا متفق معك ان الغاز الطبيعى موفر ومنقذ من ازمات البنزين ولكن له عيوبه زى انه حامى جدا عالموتور وبيقلل عمر الموتور بشكل كبير وبيأثر على سحب العربيه بشكل ملحوظ (الراى ده منقول من صديق مركب غاز طبيعى على بيجو 504)

[ملك القلوب سوفت]

المشاركة الأصلية كتبت بواسطة moslem2 صديقى العزيز :انا متفق معك ان الغاز الطبيعى موفر ومنقذ من ازمات البنزين ولكن له عيوبه زى انه حامى جدا عالموتور وبيقلل عمر الموتور بشكل كبير وبيأثر على سحب العربيه بشكل ملحوظ (الراى ده منقول من صديق مركب غاز طبيعى على بيجو 504)

السلام عليكم اخى
عاوز اقلك ان بعد مشى العربيه 10 الف كيلو البنزين بيعمل طبقه مش متزكر بيطلقوا عليها اسم داخل الموتور وده بيخفف جدان ضرر الغاز على الماتور بنسبه لسحب العربيه هوه الاستارت بتاعه قليل نسبه بسيطه عن البنزين ولاكن فى الجرى والسحب زى الفل مش بيقول لا بنسبه لتقصير عمر الماتور انا سالت ميكانيكى قالى بنسبه لانك ملاكى مش مضر اوى ولو حسبت فرق الفلوس من غاز الى بنزين تطلع حق ماتور جديد فى سنه واحده توفير من الفرق اكبر تجربه هيه طبعا التاكس بيفل الماتور من 3 الى 4 سنين زى الفل مع الغاز وشوف التكس مش بيبطل

اما تجربه صحبك ده معاه بيجو 504 يعنى ماتورها اساسا ضعف من كتر المشى واكيد عمره بدل المره 10 مرات ولا حاجه

تحياتى