ارشيف الاستراحة 2009

[ayman abdelrazek]

يا جماعة فى حديث عن النبى صلى الله عليه وسلم يقول

وعن عبد الله بن عمر- رضي الله عنهما- قال: قال رسول الله - صلى الله عليه وسلم-:" كل مسكر حرام، وما أسكر كثيره فقليله حرام"

ومتهيألى كدة انى لو شربت كرتونة بيريل مش هيسكر وأكيد يا جماعة ده لو فى كحول ولو نسبة ضئيلة كانت المملكة العربية السعودية أوقفت استيراده بحكم منعها دخول مثل هذه المشروبات ولكنه موجود هناك ويباع بلا حظر...ويجب على المرء ان يتق الشبهات فمن اتقى الشبهات فقد استبرأ لدينه

أما نهاية القول أحب أختم برضه بحديث عن النبى صلى الله عليه وسلم

" دع ما يريبك الى ما لا يريبك" صدق رسوالله

[mooz55]

كل هذة المنتجات يمكن مقاطعتها بمنتهى البساطة ولا اننا نبقى مشتركين فى مساعدة الكفره

[sam ram]

طب يا ايمن انت كده جبتني يمين وشمال...
انا من الناس اللي بتشرب الفيروز والبيريل وده على مستوى البيت ...مش كشخض بس ... ولسبب بسيط ..
نقلل من شرب البيبسي اللي معروف مشاكلها خصوصا للأطفال
الحاجه التانيه لأني بشرب مياه معدنيه كتير و الاملاح معروف تأثيرها ... وبالتالي الفيروز والبيريل مش رفاهيه على اد ماهي حاجه مفيده للكلى
وبعدين كده مبقتش البيريل بس
الموسي و الباربيكان و الاخيره دي من الامارات !!!

هي النسبه 4 من الالف ... يعني الليتر فيه 4 مللي ... بس خلي بالك انك لو شربت 20 كان تبقى كأنك شربت ازازه الاقصر ... واشرب 4 كمان و تبقى ضربتلك واحده ستيلا

انا شكلي كده حعمل زي ما حازم باشا قال واشري معسل
بس بدل ما اظبط الكلى حظبط الدماغ و ابوظ الرئه ptmnlo123per1106

[Ahmed Anwer]

ملحوظة بس

American Furniture

مالهوش علاقة بامريكا

دي شركة مصرية

بس عاجباها الأسم

[فادى]

يا جماعة لا تحملوا الاعلان أكثر مما يحتمل, الاعلان سواء كان دمه تقيل او خفيف هو فى النهاية نكتة و هزار لا أكثر و لا أقل, بلاش كل حاجة نديها حجم أكتر منها, مخرج الاعلان مكنش عايز اكتر من تيمة يعلق عليها الناس عشان يروج للمنتج, لا فى باله مفاهيم الرجولة و لا يبوظ الشباب و لا يحقر من النساء و لا اى حاجة.

بالنسبة لموضوع الكحول فى البيريل, فهى لا تحتوى على كحول و لا اعتقد ان الشركة المنتجة تضحك علينا, لكن سمعت انها لو قعدت فترة بدون تبريد, يتكون داخلها نسبة قليلة من الكحول بفعل التخمر, ده اللى اعرفه بس.