أوبل فيكترا و دايو لانوس و نوبيرا

[MineGraph]

السلام عليكم و رحمة الله و بركاته
إخواني أريد مقارنة العربيات دي

أنا بصراحة معايا 45000 و لقيت إن العربيات إللي عجباني في السعر ده

إما أوبل فيكترا 1997

أو لانوس 1 أو 2

أو نوبيرا

بس بصراحة أنا محتار جداً

أنا عجباني الأوبل جداً بس المشكلة إنها موديل قديم شوية مع إنها فيها كل الإمكانيات إللي أنا عايزها و كمان خايف من قطع غيارها

و مش عارف أفاضل بين اللانوس و النوبيرا

ياريت يا جماعة لو ترجحولي عربية من التلاتة خاصة إني عايز عربية واسعة و تستحمل سواقتي العنيفة

و لو عندكم إقتراح عربية بالسعر ده ياريت تفيدوني

و جزاكم الله خيراً

[samirayad]

لو النوبيرا حالتها حلوه

توكل على الله

[ggaamm]

الأوبل طبعاً هى التوب فنقارن بيها
عافشة أديها 8/10
موتور 8/10
كماليات 7/10
ثبات 8/10

وده لو هتقارن بالكورى
وطبعاً مشكلت الأوبل اللى مكرهة الناس فيها هى أنها بتسخن أكيد شأنها شأن كل الألمانى
وكمان قطع غيارها عالية نسبياً عن العربيات اللى فى مستواها

بص هو اللى قريب من الأوبل كتير هى النوبيرا وفكك من اللانوس

النوبيرا موتور ممتاز اقوى من اللانوس بكتير فيها فرق بتاع 25 حصان .. عافشتها كويسة لكن غير معمرة لو بتمشى فى طرق مكسرة

عن تجربة بقى الباور بتاعها زى اللبانة وأحلى من الأوبل )
الصالون واسع ومريح
ثابتة على الطريق انا بمشي بيها 140 فى العادى ومش ببقى حاسس بأنها ممكن تغدر بعكس اللانوس بحسها خفيفة قوى بالذات فى تعاريج الأسفلت ومطبات الهوا

قطع غيارها معقولة جداً ومش دبح زى الألمانى
تفتقر للكماليات اللى أصبحت اساسيات دلوقتى زى ال ABS والايرباج .. لكن الأوتوماتيك فيه الحجات دى .. لكن ابعد عن الأوتوماتيك منها كذا حد عاب عليه

موتورها ماشاء الله عليه سحب ممتاز

فيها عيب كمان أنها فيها مشكلة دايماً فى الدوارة أنها بتطول شوية والرشاشات بتاعتها دايماً تبوظ وده طبعاً بسبب البنزين السئ وأنا بحطلها 90 فى الغالب وأوقات 92
وكمان فيها مشكلة تانى وهى ان صوتها عالى شوية وبالذات فى السحب


وعلى فكرة انا جربت التلاتة دول بالترتيب كده
الأوبل 96 وبعدها لانوس 99 وبعدها اشتريت نوبيرا 2004 وجبت بعدها نوبيرا تانى 2009
وكل ده كان جديد يعنى التجربة على حق

فخدها منى نصيحة لو عاوز عربية تشيلك وتستتك وتهنيك بس لما تعطل هتركبك الغلط يبقى هات أوبل
لو عاوز عربية تشيلك وماتشتكيش غير لما تقسا عليها يبقى نوبيرا
لو عاوز عربية كويسة وتمشى الحال ولما تتعب ماتتعبكش يبقى لانوس

وعلى فكرة النوبيرا فى السعر ده نضيف هتحتاج تدور شوية

وصحيح النوبيرا دور على موديلات اوائل ال 2000 .. يعنى 2005 أو 2004 حلو قوى ... وأبعد عن الحديث منها لأن تقفيله أى كلاااااام

[tamer.koko]

المشاركة الأصلية كتبت بواسطة ggaamm الأوبل طبعاً هى التوب فنقارن بيها عافشة أديها 8/10 موتور 8/10 كماليات 7/10 ثبات 8/10 وده لو هتقارن بالكورى وطبعاً مشكلت الأوبل اللى مكرهة الناس فيها هى أنها بتسخن أكيد شأنها شأن كل الألمانى وكمان قطع غيارها عالية نسبياً عن العربيات اللى فى مستواها بص هو اللى قريب من الأوبل كتير هى النوبيرا وفكك من اللانوس النوبيرا موتور ممتاز اقوى من اللانوس بكتير فيها فرق بتاع 25 حصان .. عافشتها كويسة لكن غير معمرة لو بتمشى فى طرق مكسرة عن تجربة بقى الباور بتاعها زى اللبانة وأحلى من الأوبل ) الصالون واسع ومريح ثابتة على الطريق انا بمشي بيها 140 فى العادى ومش ببقى حاسس بأنها ممكن تغدر بعكس اللانوس بحسها خفيفة قوى بالذات فى تعاريج الأسفلت ومطبات الهوا قطع غيارها معقولة جداً ومش دبح زى الألمانى تفتقر للكماليات اللى أصبحت اساسيات دلوقتى زى ال ABS والايرباج .. لكن الأوتوماتيك فيه الحجات دى .. لكن ابعد عن الأوتوماتيك منها كذا حد عاب عليه موتورها ماشاء الله عليه سحب ممتاز فيها عيب كمان أنها فيها مشكلة دايماً فى الدوارة أنها بتطول شوية والرشاشات بتاعتها دايماً تبوظ وده طبعاً بسبب البنزين السئ وأنا بحطلها 90 فى الغالب وأوقات 92 وكمان فيها مشكلة تانى وهى ان صوتها عالى شوية وبالذات فى السحب وعلى فكرة انا جربت التلاتة دول بالترتيب كده الأوبل 96 وبعدها لانوس 99 وبعدها اشتريت نوبيرا 2004 وجبت بعدها نوبيرا تانى 2009

كلام مظبوط نفس اللي كنت هقوله:018A1D~ 146::018A1D~1 46:

[MineGraph]

المشاركة الأصلية كتبت بواسطة ggaamm الأوبل طبعاً هى التوب فنقارن بيها عافشة أديها 8/10 موتور 8/10 كماليات 7/10 ثبات 8/10 وده لو هتقارن بالكورى وطبعاً مشكلت الأوبل اللى مكرهة الناس فيها هى أنها بتسخن أكيد شأنها شأن كل الألمانى وكمان قطع غيارها عالية نسبياً عن العربيات اللى فى مستواها بص هو اللى قريب من الأوبل كتير هى النوبيرا وفكك من اللانوس النوبيرا موتور ممتاز اقوى من اللانوس بكتير فيها فرق بتاع 25 حصان .. عافشتها كويسة لكن غير معمرة لو بتمشى فى طرق مكسرة عن تجربة بقى الباور بتاعها زى اللبانة وأحلى من الأوبل ) الصالون واسع ومريح ثابتة على الطريق انا بمشي بيها 140 فى العادى ومش ببقى حاسس بأنها ممكن تغدر بعكس اللانوس بحسها خفيفة قوى بالذات فى تعاريج الأسفلت ومطبات الهوا قطع غيارها معقولة جداً ومش دبح زى الألمانى تفتقر للكماليات اللى أصبحت اساسيات دلوقتى زى ال ABS والايرباج .. لكن الأوتوماتيك فيه الحجات دى .. لكن ابعد عن الأوتوماتيك منها كذا حد عاب عليه موتورها ماشاء الله عليه سحب ممتاز فيها عيب كمان أنها فيها مشكلة دايماً فى الدوارة أنها بتطول شوية والرشاشات بتاعتها دايماً تبوظ وده طبعاً بسبب البنزين السئ وأنا بحطلها 90 فى الغالب وأوقات 92 وكمان فيها مشكلة تانى وهى ان صوتها عالى شوية وبالذات فى السحب وعلى فكرة انا جربت التلاتة دول بالترتيب كده الأوبل 96 وبعدها لانوس 99 وبعدها اشتريت نوبيرا 2004 وجبت بعدها نوبيرا تانى 2009 وكل ده كان جديد يعنى التجربة على حق فخدها منى نصيحة لو عاوز عربية تشيلك وتستتك وتهنيك بس لما تعطل هتركبك الغلط يبقى هات أوبل لو عاوز عربية تشيلك وماتشتكيش غير لما تقسا عليها يبقى نوبيرا لو عاوز عربية كويسة وتمشى الحال ولما تتعب ماتتعبكش يبقى لانوس وعلى فكرة النوبيرا فى السعر ده نضيف هتحتاج تدور شوية وصحيح النوبيرا دور على موديلات اوائل ال 2000 .. يعنى 2005 أو 2004 حلو قوى ... وأبعد عن الحديث منها لأن تقفيله أى كلاااااام

كلام جميل جداً و أفدتني جداً

بس يا باشا سؤال برضو الله يكرمك

أسعار قطع غيار الأوبل مقارنة باللانوس و النوبيرا ؟ لو عندك أمثلة يبقي كتر خيرك

و متشكرين يا باشا قوي علي الإفادة