|
#6
20-12-2009, 12:55 AM
|
|||
|
|||
رد: التقرير السوبر لليوم السوبر في قسم السوبر
تقرير حلو و ربنا يوعدنا ,,, تسلم ايدك بجد علي التقرير اللي يفتح النفس ده
_____________________ لا يا Solidsnake في عربيات عندنا في مصر بس ما بنشوفهاش الا نادرا او في التوكيلات ,,, النهاردة كنت عند الهندسية للسيارات ( او بمعني اصح كالمعتاد لاني بعدي عليهم مرتين في الاسبوع تقريبا ) و كان في حلوة قاعدة جوة بس قلبى ما طاوعنيش ادخل اشوفها ولا حتي المسها ,,, بورش بانميرا الجديدة ,,, واحدة سيلفر و التانية بني فاتح كده او ما بين البيج و البنى و سعر الامورة ,,, 2800000 ايوة 2 مليون و 800 الف جنيه مصرى ,,, عرفتوا ليه بقي قلبى ما طاوعنيش ادخلها ؟؟؟ 
|
|
#7
20-12-2009, 01:18 AM
|
|||
|
|||
|
رد: التقرير السوبر لليوم السوبر في قسم السوبر
الف شكر على التقرير يارب اوعدنا
__________________
|
|
#8
20-12-2009, 01:21 AM
|
||||
|
||||
|
رد: التقرير السوبر لليوم السوبر في قسم السوبر
الف شكر ليك يا شريف باشا يا سوبر السوبر
مبدئيا يا جماعة احب اقولكم انى النهاردة حسيت بنشوة و سعادة ماحسيتش بيهم من زماااااان قوى ... بجد من احسن الايام فى حياتى ولولا الملامة كنت زغردت من الفرحة  بدأت الاحداث لما عدى عليا شريف باشا فى تمام الساعة الرابعة من عصر اليوم على موعدنا و اتفاقنا و ده كان علشان نروح نشوف الجاجوار الجديدة و نعمل لحضراتكم تقرير عنها بالرغم من مرضى والله انا و العيال كمان و نهدى التقرير لأخونا العزيز سامح رمزى حيث انه هو من شجعنا على عمل التقرير نزلت لشريف باشا بعد تليفونه انه مستنينى تحت العمارة و فوجئت بإنه واخد سيارة والده ال S class علشان تبقى مناسبة للعربية اللى هنروح نتفرج عليها و علشان نترسم بيها طبعا وركبت مع شريف باشا المخدة .. قصدى العربية و انطلقنا الى توكيل سيارات جاجوار ووصلنا الى التوكيل ووجدنا السيارة متمركزة فى منتصف قاعة العرض كواسطة العقد من الماسات العربية ما شاء الله فخمة و ضخمة جدا اول ما شفت العربية فى الصور اتضايقت بصراحة لأن جاجوار اتخلت عن شكلها التقليدى و اللى كانت بتتعرف بيه من بين كل العربيات أما لما شفتها على الحقيقة حسيت ان جاجوار عندهم حق انهم يضحوا بالشكل القديم من اجل هذا الابداع الجديد العربية تحفة بكل المقاييس من الداخل و الخارج... الجاجوار ليست سيارة تكنولوجيا متقدمة و افتكاسات و اختراعات جديدة و لكنها سيارة ذات شكل جمالى غير طبيعى يلفت الانظار اليها والى فخامتها التى لا تضاهى العربية من جوة زى ما شفنوا الصور تحفة برده بس زى ما قال شريف باشا يعيبها الضيق النسبى للكراسى الامامية و الخلفية ايضا .. تصميم السيارة المسحوب من الخلف مأثر جدا على السقف للركاب الخلفيين و تحس ان السقف هيخبط فى دماغك اما فى الامام بالنسبة لواحد مليان زى حالاتى فانا كنت قاعد كويس بس كانت ممكن تبقى احسن و اوسع من كدة و خلو بالكو طبعا اننا حاطينها فى مقارنة مع المرسيدس الاس كلاس لأنها المفروض من الفئات المنافسة ليها... اما بالنسبة للمواتير فكلها جبارة و لا يوجد اختلاف عليها ..... و من محاسن الصدف على رأى الاستاذ عبد المنعم دى صبرى .. ان يكون وكيل جاجوار هو نفسه وكيل بنتلى و فيرارى و مازيراتى تخيلوا تحت سقف واحد تجتمع هذه المعجزات فى عالم السيارات فا كان موجود عربيات بنتلى كتير كلها GT و فيه منهم GTC و كان فيه كام فيرارريهاية كدة و احدة منهم f430 سيكودريا و الباقينن 599 و طبعا كام واحدة مزيراتى كدة على الماشى ... انا كنت فاكر انى مش هشوف العربيات دى غير فى الجنة ... بس الحمد لله ربنا كتبهالى و شفتهم فى الدنيا و احنا خارجين من المعرض كان فيه حتة لامبوجينى مورسيلاجو سوداء واقفة برة بتاعت 2 شباب كانو بيتفرجوا على الفيرارى جوة ... طبعا رحنا جرى على عربيتنا علشان نخرج من الوهم بسرعة و نقدر نستعيد وعينا و نروح ... نروح ؟؟؟؟ نروح ازاى ... معقولة يبقى معايا شريف باشا منسى و نروح ...قلتل له يلا بينا ناخد جولة كمان و انطلقنا الى معرض مرسيدس لنكمل جولة التعقيد الكبرى ..و لنتأكد من شكل الاى كلاس الجديدة اللى ماكانتش عاجبة شريف باشا من جوة و انا كنت شايفها وهمية ... بس انا بصراحة شفتها من جوة صور بس ... و احنا بنركن قدام المعرض شفنا وحشين انويين واقفين برة و احدة رمادى و واحدة حمرا و الاتنين SLR كشف ... واحدة منهم عادية و التانية 722 ... انتا حسيت انى كنت فى برنامج توب جير و خلصته فى معرض جاجوار و داخل على برنامج فيفث جير و مكنش ممكن نفوت الفرصة دى و كان لازم نسلم على جوز الطيارات دول و نبوسهم من هنا و من هنا .... و سبناهم و دخلنا لسيارات الشعب الحقيرة من مرسيدس السى بقى و الاى و الاس و الام و الجى .... فعلا كلام شريف باشا كان صح الاى الجديدة من جوة فعلا اقل من التوقعات بجد ماتبسطش منها خالص و كان فيه فى المعرض الشكل اللى قبلها بصراحة من جوة احسن منها ميت مرة و شوية و رجعنا للوحوش تانى اتصورنا معاهم و انطلقنا الى المنافس الاكبر لمرسيدس اللى هى طبعا البى ام و من حسن الحظ ان وكيل بى ام هو نفسه و كيل رولز روس و رينج روفر طبعا احنا كنا راحين اساسا نتفرج على بى ام الفئة السابعة الجديدة و اول ما خلنا و شفنا الولز رويس اتخشبنا فى مكانا و بلمنا و كان لازم اتصور مع الوحش ده علشان ابين لكم حجمها قد ايه و كان فيه واحدة كمان دروب هيد باب واحد بس قلنا كفاية تعقيد بقى ...و لعلمكم هى ارخص من SLR تخيلوااا...... ثم انطلقنا الى بى ام بموديلاتها المختلفة الفئة السابعة هى فعلا اقوى منافس لمرسيدس و لكنها تأتى الثانية فى الترتيب بصراحة .. فالمرسيدس لا يضاهيها شئ......و شفنا طبعا X5 و X6 و M3 و Z4 الجديدة كليا و اللى شكلها اتحسن كتيييير عن الاول .... تحفة بصراحة و مررنا بموديلات رينج روفر المختلفة مرورا سريعا و هى اقل من توقعاتنا بعد ما شفنا الوحوش اللى قبلها ..... بس طبعا هى برده عربيات ملهاش حل ....... بعد ما خلصنا شريف باشا قاللى يلا بينا عاملك مفاجأة بس يا رب تكمل .... و المفاجأة كانت حلم الاحلام و وهم الاوهام Aston Martin Rapide ايه ده ... هى العربية دى موجودة فى العالم الحقيقى ؟؟؟؟؟ انا كنت فاكرها هتبقى على صفحات المجلات و الانترنت فقط و طبعا زى ما شريف باشا قال فضلنا نلف حواليها زى المجانين مش مصدقين من هول المفاجأة و فضلنا متنحين شوية كأننا بنتفرج على لوحة لفان جوخ تحفة بكل المقايس و تعتبر هى ايكون استون مارتن الجديدة .... بجد عيشتنا معاها فى عالم الخيال و مشينا و احنا حاسين بالنشوة و ركبنا عربية شريف باشا و شغل لنا مزيكا هادية و انا قلتله انا حاسس ان النهاردة يوم فرحى و كنت هنام منه و من عربيته الغريبة دى نسيت اقولكم انى سقت عربية شريف باشا لمدة صغيرة كدة و ماشاء الله ربنا يبارك له فيها يا رب شعور لا يوصف و روحنا بيتنا و احنا ناسيين همومنا كلها و انا عن نفسى زى ما اكون شارب حاجة من كتر النشوة و الانبساط..... بجد يوم لا يوصف ......ptmnlo123per144
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#9
20-12-2009, 01:28 AM
|
|||
|
|||
|
رد: التقرير السوبر لليوم السوبر في قسم السوبر
والله مش عارف اقولكم ايه ...
بجد انا سعيد جدا جدا بالموضوع ... وسعادتي اكبر طبعا بالاهداء ptmnlo123per161 انا كنت فاكر حشوف كام صوره لل XF وكلمتين عنها .... لكن الموضوع طلع كبيييير اوي انا برضو بقول محمد باشا شالها ليه من التوقيع و حط مكانها الرابيد !! لكن الغريب ان ال XF برغم ضخامتها وقاعده عجلاتها الطويييييييييييييييله ضيقه من ورا ... يمكن بسبب الارتفاع القليل للسقف والميل الجامد للخلف (عيب تصميم )؟؟!! لكن طالما طلعت اي كلام يا شريف باشا يبقى خلاص .... مش حفكر فيها ابدا مع ان سعرها اقل من نص تمن الرابيد !!! وكمان الرابيد ضيقه من ورا ... و ال E التابلوه مش قد كده وال SLR مكشوفه و الدنيا برد الواحد بقى محتار بصراحه .... يعني مفيش الا الفانتوم كده ... ولا اجيب حته جران توريزمو كسر زيرو لحد ما الاقي حاجه مناسبه بس الزيرو برضو بيفرق أمري لله ... فانتوم فانتوم ptmnlo123per1115 ابغي 6 حبات فانتوم و حبتين سي فوار  لا بجد ... الف شكر يا رجاله على التقرير الرائع ... جميل جدا .... جمييل اوي ... جميل خااالص ... ptmnlo123per191
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#10
20-12-2009, 01:36 AM
|
|||
|
|||
رد: التقرير السوبر لليوم السوبر في قسم السوبر
هو مفيش حد ممكن يعمل تقرير مماثل عن بورش بانميرا لاني بصراحة متعقد منها من ساعة ما شوفتها في التوكيل هنا في مصر ,, و لازم اعدي من جنبها مرتين في الاسبوع و مع ذلك مش بقدر ادخل اشوفها ,,, صحتي بتتعب ,,, سعرها معدي زيادة ,,, 2.800.000 جنيه ptmnlo123per111ptmnlo123p er172ptmnlo123per1106
|
 |
|
|
