بفضل الله استلمت البيكانتو امبارح

[rammoo]

المشاركة الأصلية كتبت بواسطة dr_zarry2010 ياااااااااااااااااااااه تصور انا افتكرت انى كنت بسال عن المطبات والحفر مش عن البيكانتو انت توهتنى ونسيتنى كنت بعمل ايه هنا متشكر جدا على اهتمامك وردك بس كلامك عن المطبات والحفر اكتر بكتير من كلامك عن العربيه نفسها بس اللى فهمته من كلامك ان العفشه فى الاتنين واحده تقريبا مع افضليه بسيطه للi10 والوكيل كل الناس بتقول نصير احسن فى المعامله كتييييييييييير من غبور والفول اوبشن فى الاتنين الفرق بينهم حوالى 2000 او 3000 جنيه ده على حسب الاعلانات اللى بشوفها فى الجرايد

طبعا انت صح انا اتكلمت على خواص المطبات المصرية باستفاضة عشان الكل يستفيد من مميزاتها ptmnlo123per1106

وفي نفس الوقت بعرفك بطريق غير مباشر انها مش فارقة كتير لأن الشوارع بتاعتنا زفت فالعفشة الناشفة ممكن تكون احسن شوية فيها طبعا للعربية مش ليك لكن العفشة الناعمة مريحة اكتر في صوتها بس مش أكتر وكمانا انت سألت سؤال محدد في ربع كلمة وسط استفسارات كتيره اترد عليها كتير زي الاوبشن وغيره
لكن للافادة انا بقول انا عفشة البيكانتو كويسة عليها كعربية صغيرة ومش بتتنطط كتير ومش ناشفة ولا ناعمة يعنى تقريبا زي ماقلت 7/10 لكن الهيونداى عامة ناعم أكتر
وأظن الشرح المفصل لتركيب العفشة أو المقارنة المتخصصة بين كل مساعد اوا تكوين العافشة في العربيتين للأسف ياباشا مش هعرف أفيدك كتير ptmnlo123per1127

[s-sara]

أهلا بيكوا كلكم وطبعا مش مساهلة البرج اللى فى دماغكم يطير ولا حاجة بالنسبة للبيكانتو هيا عربية جميلة واحساس انها مش صغيرة احسن بكتير من ال I10 وكمان تقفيل كورى مش هندي زي ال اي تن
بالنسبة للعفشة هيا مش ناعمة قوى زي الهيونداى عامة لكن ده بيروح بعد زيارة التوكيل لو طلع عندك اصلا صوت العفشة قوى حبتين في المطبات الممتعة بتاعت مصر وخاصة البلاعات والحفر وخطوط الغاز والتليفون والطريق الدائرى واللى مش دائري وأي طريق في مصر ماعدا عشان حرام الحق يقال جراج كارفور المعادى او داندى مول الأسفلت حلو قوى غير كده كل الطرق بدون مجاملة المسئولين ( أفخر أنواع المطبات ) وده شعارنا ياجماعة والخدمة المميزة اللى بنقدمها لكل مواطن كل بلاعة عليها حفرتين هدية ونوعدكم اللى هايفلت بالامورة بتاعته ( أيا كانت هيا مين ) من أي مطب او أي بلاعة مايزعلش خالص هيلاقى بلاعة تانية مستنياه وطبعا فيه هدايا كتير جدا على الطرق السريعة واللى مش سريعة وكمان وفرنا سواقين نقل تقيل وخفيف على كل الطرق منهم المحشش ومنهم اللى معاه جوزه في قلب العربية ومنهم اللى نايم وبيشخر ومنهم اللى مش موجود في العربية أصلا والعربية ماشية طبعا عشان نحافظ على معدل الحوادث والنسبة ماتقلش ويبقى شكلنا وحش وسط الدول التانية المنافسة لينا ptmnlo123per1127

المهم عافشة البيكانتو تقيمها بالنسبالى 7 / 10 وال هيونداى عامة 8/10

ويجعلوا ااااا عامر
والسلام عليكم جميعا ptmnlo123per154[/quote]

المشاركة الأصلية كتبت بواسطة rammoo اذيك ياباشا انت صح في نص كلامك بس عشان معلش الناس هتتلخبط وممكن يفهومك غلط فعلا وصدقت كيا وهيونداى أصلا مجموعة واحده مع اختلاف ادارة كل شركة والمصصمين طبعا اقصد ال Designer لكن كماليات ال I10 أكتر بكتير شبه كاملة وتوكيل كيا وهيونداى مش فارقة كتير قوى كل في مصر يعنى انسى اللى أي حد بيحلم بيه على فكره فيه حاجة اكتشفتها حالا أي حد فينا بيلاقى أي حاجة وحشة بيقولك مصر ( طيب مصر مالها ده جماد احنا اللى بنوظفة ) بالعكس الجماد ده احنا كلنا من خيره كتير وقاعدين على النت المصرى وبنكتب حروف مصرية بالعامية واللى مش عامية المشكلة فينا احنا يعنى عندك مثلا لو انت في الهندهتلاقى طبقة من الشعب بتاكل طينه وطبقة تانية بتاكل كل اللى نفسها فيه هنا في مصر كله بياكل عيش في البلد ده ( أيا كان نوع العيش ده ايه ) فبلاش نظلم البلد ده مجرد جماد احنا اللى بنوظفة طبقا للى احنا عايزينه واللى ربنا مقدره لينا وبعدين احنا هاننهب ماكفاية الحكومة موفرة لينا جميع سبل الراحة والأمان على الطرق - مطبات صناعية ( ده عشان تقف بالعافية وغصبن عنك ) - مطبات طبيعية ( ده ياجماعة غلطة الناس اللى بتسفلت الشوارع مهم بشر طبعا وعمرهم مايعملوا حاجة صح ) - بلاعات صناعية ( ده طبعا ضرورية جدا عشان كلنا نروح الحمام في أي وقت على الطريق ) - بلاعات طبيعية ( قولى بقى مفيش حاجة اسمها بلاعات طبيعية ) أقولك أنا ياسيدي ده البلاعات أم البلاعات الصناعية ولا في بلاعة من غير مامتها ptmnlo123per1147 - حفر ( مش هاقولك ده لازمتها اي ) لكن في عشان الموسوعة تبقى كاملة ده عشان تلين بيها عفشة العربيات الجديدة - عين الكلب اللى كلنا بنحبها ( ده بقى عشان تعمل فايبرشن للعربيات عشان لوحد نام وهوا سايقى يصحى بسرعة وممكن تكون معمولة بالارتفاع ده عشان الحصى اللي بيتجمع في فواصل الكاوتش يقع عندها والله أعلم - الرمال والحصى ( يالهوى عليكم انتوا عالم طماعة عايز تمشي في حته من غير حصى ولا رمل أمال هتروح تغسل رفارف وعجل كل خمس سنين ( ده عشان مصلحة ونظافة سيارتك يافندم ) ويجعلوااااااا عامر أو منى عامر أو محمد عامر ( ايه ده مين محمد عامر ده ) معرفوش والله ptmnlo123per111 يالا سلاموااا عليكم -

انا متشكره جدا لردك علينا وشكرا على شرحك الفظيع لموضوع العفشه والمطبااات الجميله بتاعتنا حاجه ممتعه ومطمئنه في نفس الوقت موتني من الضحك والله
يعني انا بدل ما بتهبد في المطب شويه حيبقى شويتين اكتر بسبب العفشه (اعذروني اصلي لسه بتعلم السواقه وباكل نص المطبااات)

[s-sara]

المشاركة الأصلية كتبت بواسطة dr_zarry2010 والفول اوبشن فى الاتنين الفرق بينهم حوالى 2000 او 3000 جنيه ده على حسب الاعلانات اللى بشوفها فى الجرايد

تقصد الفول اوبشن مانيوال ولا اوتوماتيك؟

المانيوال فول اوبشن دلوقتي في الإتنين من الوكيل ب63900
والشهر اللي فات كانت الi10 ب 63000 في الوكيل وب 62000 عند الموزعين
والبيكانتو كانت 64000 في الوكيل و 63000 عند الموزعين

يعني تقريبا مفيش فرق الفرق الوحيد ان الفول اوبشن بتاع الi10 كامل والفول اوبشن بتاع البيكانتو هو الهاف اوبشن بتاعة بره

[rammoo]

اذيكم ياشباب
النهارة نازل الصبح كالعادة ريح مشوار كده كنت مستعجل ركبت العربية وهيا معفنة حتى ماكلفتش خاطرى ومسحت الزجاج الأمامى وماشي في أمان الله وبعد فتره حسيت بحاجة غريبة وقفت ونزلت لاقيت افردة اليمين نايمة على الأرض خالص وبتشخر كمان ( قولت بلاش ازعجها ) الست تعبانة من اللف ليل ونهار وعادى انها تريح شويتين ( رحت على طول زي الأبطال بتوع أفلام الأبيض وأسود ) نازل وفاتح الشنطة ومطلع الكوريك والعجلة الأستبن هههههههههههههههههههه ( لاقيتها عجلة فيسبا ) وقفت قدام العجلة والكوريك متسمر مش عارف مين ده بقيت عامل زي عوكل لما قعد يقول مين اللى جاب القلعة جمب البحر بجد مش عارف مين العجلة ده ومكتوب عليها 80 كيلو MAx بجد مهزلة ( قال يعنى كده من دواعى السلامة انوا يحط عجلة صغيرة وجنط مختلف عشان يجبرك تصلح التانية ( بالذمة ده طريقة ) حاجة تقرف وتوكيل يقرف ومصنع يقرف وفكره معفنة المهم ركبتها وانا منظرى منيل أمشي ازاى والمشوار اللى رايحة خرب وكان يوم الحد وقاعدت الف على بتاع عجل فاتح لحد مالقيت واحد انا كنت في الشارع الساعة 10.30 والمشوار مش هياخد عشان أوصلة الا 20 دقيقة فضلت عند بتاع الكاوتش ومدة تغير العجلة بعد الشلل المؤقت اللى جالى من منظر الاستبن لحد الساعة 12.30 بالذمة ده طريقة حسبى الله ونعم الوكيل أسيبكم مع الصور يمكن أصعب عليكم ( واللى يفكر يشترى بيكانتو يبقى مجنون رسمى ptmnlo123per195ptmnlo123p er195ptmnlo123per195

[dr_zarry2010]

المشاركة الأصلية كتبت بواسطة s-sara تقصد الفول اوبشن مانيوال ولا اوتوماتيك؟ المانيوال فول اوبشن دلوقتي في الإتنين من الوكيل ب63900 والشهر اللي فات كانت الi10 ب 63000 في الوكيل وب 62000 عند الموزعين والبيكانتو كانت 64000 في الوكيل و 63000 عند الموزعين يعني تقريبا مفيش فرق الفرق الوحيد ان الفول اوبشن بتاع الi10 كامل والفول اوبشن بتاع البيكانتو هو الهاف اوبشن بتاعة بره

لو العربيه زى ما شفت فى توبيك نزل هنا فى المنتدى يبقى فعلا هاف اوبشن او من غير اوبشن خالص
حد كان اشتراها فول اوبشن واوتوماتيك لما استلمها لقاها من غير اوبشنز خالص
وورانا صورها وكانت بجد مهزله
عشان كده عندك حق ان الاى 10 احسن من حيث الاوبشنز بتاعتها
انما العفشه معظم اللى سالتهم قالو كويسه وتستحمل جامد فى السفر الطويل
وبكده تبقى حيرتى زادت عن الاول
لو شفتى سوزوكى سيليريو الجديده قوليلى رايك فيها
ptmnlo123per122