تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب

[abdohtaby]

عبببببببببببببببببببببببب بببببببودي حبيبي واحشني يا قمر جامد والله اخبارك ايه طمني عليك واخبار العربيه ايه معاك يا جميل

[3bdo]

المشاركة الأصلية كتبت بواسطة abdohtaby عبببببببببببببببببببببببب بببببببودي حبيبي واحشني يا قمر جامد والله اخبارك ايه طمني عليك واخبار العربيه ايه معاك يا جميل

اهلاااااااااااااااااا
ازيك يا استاذ عبدالله عامل ايه
انا تمام الحمد لله
العربية زى الفل وكله تمام
الفنتازية عاملة معاك ايه يا كبير
: 140109~347:

[abdohtaby]

والله تمام الحمد لله والله واحشني يا جميل والفانتازيا بتسلم عليك

[3bdo]

المشاركة الأصلية كتبت بواسطة abdohtaby والله تمام الحمد لله والله واحشني يا جميل والفانتازيا بتسلم عليك

أنت اكتر والله والفانتازيا الله يسلمها حافظ عليها بس:140109~347 :

[eng.noureldin]

المشاركة الأصلية كتبت بواسطة 3bdo لموضع ك اابتدى ان الحاج كان لسة جاى من سوريا بقاله 3 شهور عشان قفش مع بشار هههههههه وكنا عايزين نشترى عربية جديدة فسابلى انا مهمة الاختيار عشان عارف انا بعشق العربيات وان اول حاجة اتعلمت ارسمها كانت العربيات وقالى احنا عايزين حاجة فى حدود 100 الف وتكون اوتوماتيك وطبعا بعد مانزلت فى المعارض ولف ومشورة وبهدلة و تجميع البروشورات بتاعة معظم العربيات اللى فى السوق استقريت على هيونداى النترا او لانسر بومة طبعا مع علمى ان الانسر بومة اقوى كميكانيكا و وسائل امان لكن الصراحة الابشنز اللى فى الالنترا وشكلها تخليك محتار فروحنا انا و بقيت العيلة معرض سمير ريان وابويا وامى معجبتهمش الالنترا خالص بيقولولى حاسين انها مكببة لتحت كده و واطية وشكلها مش حلو لما تعد فيها تحس انك غطسان فروحنا اتفرجنا على البومة و عجبتهم جدا واتفقنا اننا هنجيب البومة رغم انى كنت مايل للالنترا فجيت هنا المنتدى شوفت الناس بتقول ايه على الالنترا الى يقولك فراملها ضعيفة والتانى يقولك عفشتها ناشفة والتالت يقولك بتعوم فى الملفات والرابع يقولك ثباتها وحش بعد ال 140 والخامس يقولك الخامات وحشة والسادس يقولك العربية مخنوقة لما بتبقى لسة طالع من زحمة السابع يقولك الفانوس اللى قدام بيعبى بخار جامد والتامن يقولك بتحك فى المطبات والتاسع يقولك بتاكل بنزين العاشر يقولك فى صوت تكتكة تحت العربية والحداشر يقولك العربية فى عيب دركسيون والاتناشر يقولك نتشة فى الفتيس والتلاتاشر يقولك الباور خفيف والاربعتاشر يقولك النور مش عايز يرعش والخمستاشر يقولك التكيف ضعيف ده غير المصيبة الاكبر وكلنا عارفينها وهى توكيل غبور قولت خلاص بلاها عربية وقررنا اننا نشترى الانسر بس انا كنت عايز اعلى فئة الى ب 135 وبقيت الاهل كانوا عايزين الفئة اللى ب 126 واعلى فئة كانت زايدة فتحة سقف وسبويلر بمصباح ستوب ليدات وفتيس وفرامل يد وطارة جلد طبيعى المهم اعدت اقنعهم باهمية السبويلر فى الثبات والجلد الطبيعى بيبقى مريح للايد وفتحة السقف بتخليك تحس ان الصالون واسع وبعدين احنا بنجيب العربية للعمر كله واتفقنا اننا ناجل موضوع العربية شوية واتفاجئت تانى يوم فى انتخابات الاعادة الحاجة بتكلمنى وبتقولى انزل على باب العمارة خد منى الحاجة نزلت وفضلت واقف مستنيها ابص مرة واحدة الاقى عربية لانسر معدية من جنبى وراكب فيها العيلة كلها طبعا فضلت واقف متنح وهما عمالين يقولولى اركب وانا اقولوهم بتشتغلونى بتضحكوا عليا تلاقى الحاجة كان مستلمها من يوم 14-6 وراكنها بعيد عن البيت المشكلة انى مكنتش عايز اروح معاهم الصبح عشان الجو كان حر واحنا مكانش معانا عربية ودى صور العربية http://www.masr1.com/?di=X2E7 http://www.masr1.com/?di=02CM http://www.masr1.com/?di=SQ7W http://www.masr1.com/?di=M9G8 http://www.masr1.com/?di=XHT5 http://www.masr1.com/?di=KNB4 الشكل الخارجى للعربية يوحى بانسيابية كبيرة والشبكة الجديدة مخلية شكل العربية فخم وشيك وشبابى جدا ودى صور التابلوه والصراحة شكله برضه فخم وشبابى جدا وخاماته محترمة مش زى عربيات كورى كتير والوانة جميلة جدا رغم البساطة اللى موجودة فيه وسلام مخصوص للاستاذ عبدوتهابى http://www.masr1.com/?di=KGZE http://www.masr1.com/?di=EYC4 http://www.masr1.com/?di=2ORV والكتاب الازرق الى فوق ده هوه الكتالوج http://www.masr1.com/?di=0LH1 http://www.masr1.com/?di=7RV8 دى بقى اسمها woodprint ومش موجودة غير فى فئات 1600 اوتوماتيك http://www.masr1.com/?di=F1JY العربية مشاء الله من ورا واسعة جدا والصورة دى تثبت كده http://www.masr1.com/?di=ETHU http://www.masr1.com/?di=TQ13 ودى صورة الكاسيت وبصراحة الالوان اللى فى شاشته جميلة جدا وشكله شبابى جدا وفيه فتحة USB http://www.masr1.com/?di=GNUG ودى صورة العدادات اضائتها قوية جدا وشبابية ومريحة للعين http://www.masr1.com/?di=D488 ودى صور الشماسة http://www.masr1.com/?di=ZTNH ودى صورة الفتيس ستيبترونيك ناعم ومريح وملوش صوت http://www.masr1.com/?di=4Z5D ودى ورقة تثبت ان العربية يابانى مية فى المية عشان فى ناس بتقول انها تقفيل جنوب افريقي http://www.masr1.com/?di=GT2E ودى جنوط رياضية مقاس 15 ومدية للعربية شكل وثبات فظيع http://www.masr1.com/?di=170B ودى مرايا ابويا بيركبها فى اى عربية يجيبها من ايام ال128ههههههههههههه http://www.masr1.com/?di=0Y4G ودى خبطة لسة طازة امبارح من الحاج http://www.masr1.com/?di=MLNV ودى صورتى جمب العربية مشاء الله قمر ههههههه http://www.masr1.com/?di=PFSO نيجى للمميزات و العيوب مميزات العربية كلاتى من خلال سواقتى وسواقة الحاج 1-العربية الحاج كان ماشى على سرعة 80 وهو مش بيحب يزود عن كده وانا لسة مطلعتش بيها على طرق سريعة المهم كان جايب 80 على طريق السندباد والعربية كانت ماشية زى السهم فى الطريق يعنى لو انت متعرفش انها ميتسوبيشى هتفتكر انها عربية المانى 2-سحب وتسارع ممتاز بمعنى الكلمة يعنى مع كلة سنة بنزين بتدوسها هتحسها فى سرعة العربية 3- مساحة الشنطة والكنبة واسعين جدا وممكن تنام فى الكنبة اللى ورا منغير ماتحس بقلق 4-الباور جميل و ومتوسط يعنى مش خفيف ولا تقيل هتحس بالمتعة وانت بتحرك الدركسيون 5-العربية عالية جدا وللعلم هى اعلى من الكيا سول عشان هيا 165mm والسول 164mm و هتخش على اى مطب بثقة وانت مش خايف من حاجة ومرة كنا راكبين وانا بقيت العية (4 افراد) والشنطة كان فيها حوالى 3 شنط سفر ولقينا مطب من اللى بيبقى سوى واحد مع الرصيف ده وكلنا العربية هتدمر من تحت والحمد لله مسمعتش صوت حكة خالص رغم اننا مخدناهوش بزواية 6-توفر قطع الغير باسعار معقولة وارخص من عربيات من نفس الفئة كتير 7-تكيف قوى ودى حاجة معروفة عن اليابانى 8- خامات السيارة من الداخل والخارج محترمة جدا والباب تحس انو تقيل وفخم 9-اقتصادية جدا جدا فى البنزين رغم انها لسة فى فترة التليين نيجى للعيوب عيوب السيارة كالاتى 1-اول يومين جبنا العربية كانت العفشة ناشفة شوية ومع كل مشوار والتانى العفشة كانت بتطرى اكتر واعتقد ان الموضوع ده هيتحل نهائيا بعد صيانة ال1000 2 ضعف تكنولوجيا التابلوه لكن التابلوه برضه عاجبنى جدا لكن هو دا اليابانى قوة فى الميكانيكا قلة الاوبشنز يعنى مفيهاش مثلا بلوتوث ولا طارة مالتى مينفعش تسترخص فيها يعنى لازم دايما تجيب قطع الغيار الاصلية عشان العربية متتبهدلش وتفضل جديدة الحاج طبعا مش عايز يسيبهالى اخرج بيها مع صحابى عشان لسة مطلعتش رخصة يدوب بسوقها قريب من البيت وببقى سارقها منه ههههه بس هانت كلها سنتين واطلع رخصة اى سوال ليا انا جاهز بالرد بس عموما العربية محترمة والله وانصح اى حد معاه اكتر من 100 الف يجيبها وهيدعيلى ومحتاج نصايحكم فى الخبطة دى اعمل فيها ايه اسيبها كده عشان العين ولا اصلحها بنفسى ولا اوديها عند سمكرى على العموم انا وريت العربية لسمكرى قالى هنفك الاكصدام وهنرده تانى و هترجع زى الجديدة والتكلفة هتبقى بسيطة وللعلم انا كاتب الموضوع ده 3 مرات عشان النور كان بيقطع وانا بتكتبه والسلام عليكم ورحة الله وبركاته

al salam 3leckom
sorry this car hafe sport ???
and you see toyota hatch back yaris
sorry i have prop. with arabic typing