اهل الخبره فى بريليانس جالينا

[luckyman]

السلام عليكم ورحمة الله وبركاتة ارجو من مالكى البريليانس او اللى عندة خبره بالسياره النصيحة بالنسبة لطراز جالينا موديل لاكتشيرى زى الاداء الثبات الفرامل استجابة صندوق التروس التوجية والتحكم والتطاوف بالسيارة على الطرق السريعة وايه هى اهم ايجابيات السيارة وسلبياتها اى ما لها وما عليها دون تحيز بشكل منطقى واحترافى لانى لقيت عرض على موقع كونتكت لنفس الطراز و ب 100 الف انا مش عارف السعر صحيح او فية غلط لكن هى موديل 2011 ولو كان فعلا ده سعرها حتبقى ضمن اختياراتى انا اطلعت على مواصفات السيارة تماما لكن مجربتيش قيادتها بنفسى انا عايز حد مجربها بشكل فعلى ارجو ارد للاهمية اشكركم واسف للاطاله

[semsem sabbah]

ابعد عن الزيروووووووووووووووووووو وووو
لان دي عربيات كانت متخزنه وسافرت كذا بلد ورجعت تاني ولم تقبل في اي دوله نظرا لسوء الخامات المستخدمه وسوء التقفيل خليك في القديمه 2006 او 2007 لان دي اول انتاج ليها ومصنعه بأجود الخامات والتقفيل كأنها bmw لان القديمه متقفله بره وجايه جاهزه انما الجديده متقفله في 6 اكتوبر ولان الجديده هتحتاج منك تغير عفشه بعد 5000كم لانها عفشتها تعبانه من الوقفه وعدم التحرك والجلب نشفت وهتقرفك ومش هتريحك وعلي العموم هي عربيه في منتهي الجمال والثبات وعن تجربه شخصيه انا معايا اتنين واحده 2006 وواحده 2009 ال2006 مريحااااااني اوي اكتر من التانيه لانها كانت بدايه الاصدار وعلي فكره انا جايبهم زيروووووووو فلو هتجيب جالينا هات مستعمل يكون بحاله كويسه وتكون فابريكه وعدادها يكون خفيف ومتسترخسش لان كل ما هتسترخص هتلاقي الحاله بتقل معاك وهتتعب فيها اوي وهتصرف معاك كتيررررر
وده رقمي لو حبيت تستفسر عن اي حااااااجه
01000211660

[hammoda]

الكلام ده مشكوك فىه يا سمسم باشا العربيه سعرها نزل لانها فشلت فى مصر فلقلة الطلب عليها ولانها اقل فى الخامات من عربيات منافسة لنفس الطراز ولقله اهتمام التوكيل الفاشل بالدعايه لها واللى ياريته ماقفلها فى مصانعه سعرها نزل فمثلا لما كانت ب150000 كان معروض اوكتافيا ب155000 واللانسر شارك ب 151000 والتويوتا ب 144000 وبالتاكيد هما اعلى منها فى كل حاجه (الكلام دة 2009) على طول التوكيل الفاشل نزل سعرها 135000 ملقاش فايدة نزلها ل100000 وهنا مربط الفرس السعر دة ليها يقدر ينافس يعنى تركبها ولاتركب اوبتراب 98000 لا ههيا افضل طبعا

[luckyman]

اشكركم جزيل الشكر لكن عايز اعرف ايه المقصود بالخامات يعنى خامات تابلوة والصالون ولاه المكونات اللى بتدخل فى صناعتها والغير مرئية بالعين
لان اللى اعرفة ان ما سمعتيش شكاوى منها كمان سيارات كتير حديثة خامات التابلوة والصالون بلاستيك رخيص زى الالنترا والكيا والسول والكارينز والكورولا مش مواد ثمينة ومبطنة ومستغرب جدا من غلو سعرها الغير مدروس