المشاركة الأصلية كتبت بواسطة pharm45
الف مليون مبروك على الرفرف الجديد لانج...بس سؤال بسيط..هو مش المفروض انها لما تترد على البارد هيبقى فيها شوية تعريجات بسيطة طيب ليه لما بتترش مش بتبان التعريجات دى والرفرف باين انه جديد؟؟؟ده يشككنى فى ان واحد يقول ان دى عربية مستعملة ابريكة وهى عاملة حادثة ورشة ....وازاى ارعرف ان العربية بتبقى رشة برة سواء استعدلت على البارد او الساخن؟؟؟؟انا برده كنت خدت حتة كدة فى الجنب الشمال والسمركى حبيبى رجعهالى أصلى من غير ما أدهنها كمااان ومفيش اى أثر خبطة
|
الله يبارك فيك ياباشا والعربيه فعلا لما بتترد على البارد بيبقى فيها شويه تعريجات بسيطه وبتروح مع المعجون لان العربيه قبل ما تترش بتاخد طبقه معجون بسيطه وبعد كده بتتسنفر وبعد كده بتاخد معجون بسيط جدا تانى وبردو بعد كده بتتسنفر وبعد كده بتترش فيلر وبيسبها شويه وبعد كده بيرشها فى الفرن فطبعا بتختفى التعريجات دى بعد المعجون وفى حاجه انت ممكن تلاحظ ان الرفرف رش قبل كده عن طريق عده حجات اولا من السوك الى فيه والدورنات بيبقى فى اختلافات بسيطه جدا ممكن تلاحظها لو ركزت مع الرفرف جامد وفى حاجه تانيه مهما كان الصنيعى شاطر لازم يغلط غلطه فى الدوكو حتى ولو بسيطه جدا جدا وفى حاجه كمان وهى صعب ان الفروق الى بين الرفرف والباب او الكبوت هتبقى مظبوطه زى الرفرف التانى بالظبط لازم يبقى فى فرق بين الفبريكه والى اتفك وركب تانى ولو مطلعش فى ولا حاجه من دى احدث حاجه واسهل حاجه على الاطلاق فى جهاز فيه شاشه صغيره بيبين اذا كانت اللوحه دى رشه ولا لا عن طريق رقم بيظهر على الشاشه دى وبيفرق عن طريق سمك الدوكو وحضرتك تامر وربنا يكفيك شر الحوادث
26-08-2011, 11:10 AM
رد: تصليح رفرف اللوجان بالصور والاسعار
