إيه رأيكم ,أجيب i10 automatic و أدفع فيها كل اللى حيلتى..مع العلم إن دى أول عربية حاسوقها

[Persuader]

بلاش ماروتى دى .

من رايى بيكانتو افضل من i 10 , وسعرها من 57 لـ 67 الف , بعدين غريبه الناس الى بتنصح بـ 128 علشان الواحد يخبط فيها براحته طالما جديد فى السواقه , يعنى الواحد يمشى بايعها ويخبط فى الناس والعربيات علشان معاها عربيه تعبانه , كلام غريب ويودى فى مليون داهيه .

كل الناس بتخبط سواء محترفين او مبتدئين , دا عادى فى القاهره , يعنى دلوقتى بشوف العربيات بتسلم على بعض احضان وبوس عاااادى جدا ومحدش بقا بيتعب نفسه وينزل يشوف ايه الى حصل , تلاقى الشارع كله كلاكسات .

[بدر بسيونى]

ايه رايك لو نمسك العصاية من النص
تجيب فيرنا او لانوس مافيش اتوماتيك اه حتضغط شوية بس العربية موجودة ولاقدر الله اتخبطت مش حتزعلك للدرجة لان قطع غيارها منتشرة جديد واستعمال وكبيرة وموتورها محترم واسرية و1600 سى سى يعنى شغل التكييف براحتك
واحب اضيف الاى 10 مش وحشة كعربية لكن المشكلة ان سعرها غالى حبتين على فئتها مش اكتر وكمان تعتبر الاقل انتشارا فى هيونداى بعد الاتوس فقطع غيارها اقل قى الانتشار ايضا

[dr.Emma]

المشاركة الأصلية كتبت بواسطة بدر بسيونى ايه رايك لو نمسك العصاية من النص تجيب فيرنا او لانوس مافيش اتوماتيك

لكن أنا أفضل هاتش باك علشان أركنها بسهولة و أتحكم فيها , دول كبار عليا

المشاركة الأصلية كتبت بواسطة بدر بسيونى اه حتضغط شوية بس العربية موجودة ولاقدر الله اتخبطت مش حتزعلك للدرجة لان قطع غيارها منتشرة جديد واستعمال

طب فى إيه تانى قطع غياره رخيصة ؟

[/quote=بدر بسيونى;167848] وكبيرة وموتورها محترم واسرية و1600 سى سى يعنى شغل التكييف براحتك [/quote]
بس كدة حتسحب بنزين كتير و أنا ماعنديش إستعداد أصرف كل شهر ,كدة المواصلات تبقى أرخص ,كمان أنا مش فارق معايا التكييف و مش عندى أسرة

و شكرا على النصيحة

يا راجل يا طيب ال اي 10 مشروع فاشل يا راجل حرام عليك ده برنامج التوب جير عمل نص حلقة علشان ال اي 10 وكان مش عارف يقول عليها ايه والله كان بيقارنها بالمرسيدس في سرعة اخد الملفات وال اي 10 كسبت والله

وده تيست دريف لل اي 10