ارجو حل لتسريب زيت عربيه 128 موديل 84

[mr_astra]

كلام جميل وزى الفل ومشكور لكل الناس اللى قالت رايها وربنا يكرمكم يا رب ويجعلى فى ميزان حسناتكم
بالنسبة للاخ الكريم اللى بيسال
عشان انا شايفك فاكك العربية كلها وعاوز تشدها وتبقى عربية كويسة مش تحتاج مصاريف ووقفة ميكانيكية
لازم تعرف ان طقم الشنبر هو عبارة عن مسكن لكن طويل المفعول
فى عرف الميكانيكا طالما حكمت الموتور من فوق هايرزع من تحت
يعنى ما ينفعش تعمل طقم شنبر بس لانك هاتضر تفك الموتور تانى بعد سنة تقريبا تعملة عمرة كاملة
وعلى فكرة لو جبت موتور استيراد هاتضر تعملة طقم شنبر قبل التركيب
حلقة مغلقة يا صديقى واحنا فى مصر بسم الله ما شاء الله قطع الغيار كلها مضروبة خصوصا الفيات
راى المتواضع بعد راى الناس الافاضل اللى قالو رايهم
حاول تعمر المكنة من الال الى الياء بمعنى
خرط 4 شمايز
طقم شنبر
طقم سبيكة
تظبيط وش السلندر
تغيير طلمبة الزيت وترس الزيت بتاع الاسبراتير
تغير سير الكاتينة وطقم كهرباء
بالتوفيق

[farouk89]

المشاركة الأصلية كتبت بواسطة amr elsisi 1 دي احلي حاجة وهوا مفكوك بس ياريت تروح لحد عندة استعمال وتسأل المكنة بكام ولما تفك لو شنبر بس توكل علي الله ولو عايزة خرط وسبايك انصحك تجيب استيراد

طب يا باشا تقصد ايه بــ عنده استعمال يعني الرجل عليه كتير تقصد ومكنة ايه الي تقصدها

[farouk89]

المشاركة الأصلية كتبت بواسطة mr_astra كلام جميل وزى الفل ومشكور لكل الناس اللى قالت رايها وربنا يكرمكم يا رب ويجعلى فى ميزان حسناتكم بالنسبة للاخ الكريم اللى بيسال عشان انا شايفك فاكك العربية كلها وعاوز تشدها وتبقى عربية كويسة مش تحتاج مصاريف ووقفة ميكانيكية لازم تعرف ان طقم الشنبر هو عبارة عن مسكن لكن طويل المفعول فى عرف الميكانيكا طالما حكمت الموتور من فوق هايرزع من تحت يعنى ما ينفعش تعمل طقم شنبر بس لانك هاتضر تفك الموتور تانى بعد سنة تقريبا تعملة عمرة كاملة وعلى فكرة لو جبت موتور استيراد هاتضر تعملة طقم شنبر قبل التركيب حلقة مغلقة يا صديقى واحنا فى مصر بسم الله ما شاء الله قطع الغيار كلها مضروبة خصوصا الفيات راى المتواضع بعد راى الناس الافاضل اللى قالو رايهم حاول تعمر المكنة من الال الى الياء بمعنى خرط 4 شمايز طقم شنبر طقم سبيكة تظبيط وش السلندر تغيير طلمبة الزيت وترس الزيت بتاع الاسبراتير تغير سير الكاتينة وطقم كهرباء بالتوفيق

شكرا جدا علي التعليق بس عندي اسئله لو تسمحيلي

افهم من كلامك ان عمره كامله للمتور افضل من ماتور استيراد ده سؤال ؟
السؤال التاني مع التسريب ده اقدر اكمل بالعربيه قد ايه وايه خطورته علي العربيه ؟ بحيث ان ترخيص في شهر 11 الي جاي ممكن اصبر واعمل عامره كامله للمتور قبل الفحص
ارجو خبرتك فالسؤالين دول وياريت تكاليف العامره من الالف للياء

[حمدى مخترع مانيوال بدون د]

اوعى تعمل عمرة الا ازا كان فيه اصوات تخبيط فالمتور خليه يغيرلك جميع الجونات والاولسيهات بما فيهم اولسيهات الكبلان حتى لو سليمة وبالمرة غير الشنبر فقط وما تنساش جوان الاسبراتير وكوتش الصباب وانتى بتلين حط زيت شنبر ابرو حتى لو الميكانيكى اعترض مع زيت دلفاك ام اكس تربو ديزل ويا ريت تنفز هتنبصط قوى انا بستعملهم فالبى واى دى بتعتى ومتورى سليم مش خفيف

[mr_astra]

المشاركة الأصلية كتبت بواسطة farouk89 شكرا جدا علي التعليق بس عندي اسئله لو تسمحيلي افهم من كلامك ان عمره كامله للمتور افضل من ماتور استيراد ده سؤال ؟ السؤال التاني مع التسريب ده اقدر اكمل بالعربيه قد ايه وايه خطورته علي العربيه ؟ بحيث ان ترخيص في شهر 11 الي جاي ممكن اصبر واعمل عامره كامله للمتور قبل الفحص ارجو خبرتك فالسؤالين دول وياريت تكاليف العامره من الالف للياء

الموتور الاستيراد افضل لكن ليس فى العربيات الـ 128 لان بمنتهى البساطة العربيات دى مش موجودة فى اوروبا دلوقتى واللى بيستورد مكن من اوروبا بيجيب من دول افقر من مصر ومواتيرهم طلعان عنها زى سراييفو ومقدونيا وشوية دول فى اوروبا تعبانة والتاجر اللى بيستورد من اليونان تلقية بيؤلهاك وهو بيقول اكنة جايبة من المنيا وادينا شايفين اليونان عاملة ازاى قربت تفلس
انما لو موتور بى ام او كورى او يابانى كان ممكن الموتور الاستيراد يكون حل احسن من انك تعمر المكنة بتعتك
=================
تسريب الزيت غير ان الموتور بياكل زيت نتيجة البخر ولان المكنة خفيفة
تسريب الزيت ممكن يتلم بالجوانات ومع ذلك هاتفضل العربية تاكل زيت لان المكنة خفيفة ومع الايام وخصوصا واحنا فى الحر ممكن تلاقى بوجية او اكثر غرقان زيت واصبح لا يعمل
========================= =============
بالنسبة انك تستنى لغاية شهر 11 عشان الترخيص
احنا عاوزين نعمل عمرة ونظبط المكنة مش عشان تعدى من المرور لانها كدة كدة هاتعدى ولكن عشان تفرح بعربيتك ومش كل شوية تروح لميكانيكى والامر متروك لك بس انا بقول طالما الموتور برة العربية وانت فاككها مش معقول ترفع الموتور تانى وعشان كمان تستفاد بالوقت ممكن عمرة الموتور تخلص والموتور يلين على الارض والعربية تكون لسة بتتشطب وكل الشغل يخلص فى وقت واحد
========================= ===========
تكاليف العمرة
مصنعية للميكانيكى من 300 الى 500
وممكن تجيب حاجات ومصنعية خراط فى حدود 1300 جنية او اقل