|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#1
|
||||
|
||||
تقيمكم لسيارة لادا 2105 موديل 1981
العربية دى هاشتريها عايز نصيحتكم يا جماع عشان ما يضحكش عليا .
أيه هيا الطرق السليمة لشراء السيارة وطرق فحصها وسعرها كام حضراتكم . علما بأن البائع حدثنى بعدم وجود أعطال فيها أو مشاكل |
#2
|
||||
|
||||
رد: تقيمكم لسيارة لادا 2105 موديل 1981
بسم الله الرحمن الرحيم
اولا كل شىء نصيب وربنا يكرمك بعربية كويسة العربية اللى حضرتك بتقول عليها دى رنجها حولين الـ 16 الف الـ لادا وبحكم انها دفع خلفى لازم تطمن على الموتور والفتيس والكارونا تشغل العربية حوالى نص ساعة وهى واقفة وتفضل تتفرج عليها بس الموتور يكون داير عشان الزيت يسخن والموتور يقول اللى جواة وبعدين تكل على الله واطلع جربها فى شارع فاضى واسمع صوت المكنة وصوت الفتيس وطبعا هاتحس بصوت الكارونا الموتور لازم يكون صوتة طبيعى مفهوش خبط ولا ترزيع ولا اى صوت غريب والكارونا لو فيها ونة هتبان اول ما تسيب رجلك من على البنزين وتمور الفتيس بعدها تقف وتسمع صوت المكنة وتحدد صوتها لان كل مكنة ليها صوت زى الانسان وتدوس دبرياج وحاول تحدد لو فى فرق فى الصوت قبل وبعد دوسة الدبرياج وكدة يبقى انت بتختبر طقم الدبرياج طبعا موضوع الصاج لازم تتاكد منة قوايم وسقف وحوض وشنطة وعتب يبقى على الاقل مفهمش بارومة والحوض ما يكنشش راشش انما الشنطة ممكن التغاضى عنها العفشة انا اعتقد انها مش مؤثرة اوى لانى واثق ان فيها حاجات عاوزة تتغير الـ لادا كدة بتحب تغير عفشة كتير اختبر العدادات والاضاءة والفرامل شوف حالة الصالون من جوة كام فى المية الابواب امسكها وهى مفتوحة وحاول تحركها فوق وتحت وخصوصا الابواب الامامية لو فيها مشوار كبير يبقى بلاش من العربية بجد لان كدة الحوض بالربع الامامى فى مشاكل وما تنساش صلاة الاستخارة |
#3
|
||||
|
||||
رد: تقيمكم لسيارة لادا 2105 موديل 1981
اة نسيت
بعد ما ترجع من تجربة العربية افتح الكابوت وشيل خرطوم الفايز من عمة الكربراتير وشوفة بيطلع دخنة ولا لا وطبعا بتبص على الشكمان لنفس السبب |
|
|