العربية سخنت أنا خايف جدأومش عارف أعمل أية برجاء المساعدة

[samirayad]

المشاركة الأصلية كتبت بواسطة gogofreedome يعنى يابشمهندس المية من الشكمان والعربية سخنة يبقى دة جوان ؟ طب أنا غيرت البوجيهات من 6 أيام والجديدة مصدتش وعلى أفتراض أن أنا فكيت وش السلندر مع العلم أن دية أول مرة الموتور يتفتح أية الأضرار اليممكن تحصل وهل ممكن يرجع زى الأول وهل دية يعتبر عيب فى العربية وممكن لو مطلعش فى حاجة فى الجوان يقفل تانى من غير منغير حاجة !!!! برجاء الإفادة فى حاجة كمان أنا شلت ثرموستات الكوعة هلى دة صح ولا لاء علشان كدة العربية حرارتها بتوصل لغاية 85 وبعد كدة بتنزل لغاية 75 وطبعاً أنا شلت الترموستات لما العربية سخنت ووصلت حرارتها والمروحة شغالة 120 درجة وفى حاجة كمان موضوع المية من الشكمان والعربية سخنة دة بقالة فترة يعنى ممكن سنة معلش أنا طولت عليك

حقول لسعادتك على حاجه

أحنا أيه اللى يهمنا حاليا

أن منسوب الميه يكون ثابت معاك مهما كانت الظروف

والله وضع الميه تمام مع متابعتك لدرجة الحراره

فلاداعى من التفكير فى تغيير الجوان حاليا

وبالنسبه لموضوع الثرموستات

فعملية شيل الثرموستات مش صح فنيا وبيأثر على المكنه مستقبلا

ولازم المكنه تكون ذات حرارة تشغيل مقبوله

غالبا فى الحدود من (80 إلى 90 درجه مئويه ) علشان تبقى مرتاحه وتأخد منها

أحمال كويسه دون التأثير على كفائتها الفنيه مستقبلا

[mr_astra]

هات عربية زيرو ودور موتورها فى الصباح الباكر هتلاقى ان الشكمان بيرشش مية وبينقط مية وبيعمل كل حاجة فى المية دة دليل على قوة الموتور

[gogofreedome]

المشاركة الأصلية كتبت بواسطة samirayad أن منسوب الميه يكون ثابت معاك مهما كانت الظروف والله وضع الميه تمام مع متابعتك لدرجة الحراره ا

هو أنا راقبت العربية النهارة وروحت بيها كام مشواريعنى عملت حوالى 100 كم والمية نقصت حاجة بسيطة ولقيت الشكمان مبيطلعش مية والعربية سخنة مع أنة أمبارح كان بيطلع مية كتير بس العربية زى متكون كدة وهى على السلانسية هتبطل لما بدوس دبرياج يعنى يحس أنها بتلت روحت معدى على الميكانيكى بتاعى وقالى ممكن يكون فى تفحيم فى الجوان بسيط سعات بيعدى المية وبيخلى البوجية القريب منة ميشتغلش بكفاءة دية حاجة ,
الحاجة التانية أن العربية من ساعة لما شلت الثرمستات زى ما قلت لحضرتك الحرارة مبتعديش التسعين غير فى الحر ومع التكيف والزحمة على السلانسية ممكن بتوصل 105 درجة

[gogofreedome]

المشاركة الأصلية كتبت بواسطة mrastra هات عربية زيرو ودور موتورها فى الصباح الباكر هتلاقى ان الشكمان بيرشش مية وبينقط مية وبيعمل كل حاجة فى المية دة دليل على قوة الموتور

المشكلة وهية سخنة مش الصبح

[samirayad]

الحاجة التانية أن العربية من ساعة لما شلت الثرمستات زى ما قلت لحضرتك الحرارة مبتعديش التسعين غير فى الحر ومع التكيف والزحمة على السلانسية ممكن بتوصل 105 درجة

لا كده الكلام يخوف

ومعناه فيه شوية كبس بيهربوا لمية التبريد وبيرفعوا الحراره

كنصيحه عامه

جرب تكشف على البوجيهات تانى

لقيت عليها آثار صدأ تانى

يبقى ما باليد حيله

ولازم تغير الجوان

___________________

وأحساسى الفنى بيقوللى أن الجوان عندك بأه غير صالح حاليا

على فكره

أنا عندى العربيه لسه عامله 23 ألف كيلو

ومن يوم ماجيبتها

مفيهاش موضوع طرطشة الميه الوارده فى موضوعك

موضوع الميه ده أساسا بيعتمد على مدى رطوبة الهواء الموجود داخل الشكمان

ليس أكثر من هذا