عاوز اظبط عربيتي

[zezox5]

ارجو الافادة يا جماعة انا دلوقتي معايا كليو 2008 و لونها زيتي و ناوي احط 5000 جنيه اظبط بيهم بس عاوز اعرف هايكافو ايه يعني هكتب لسته و قولولي الفلوس هتكفي ايه و مش هتكفي ايه
1-بودي كيت
2-طقم جنوط 14 او 15
3-زينون عالي بس
4-فلتر هواء سبورت
5-ديفل صوته ناعم او حلية شكمان محترمة
6-فوانيس ليدات
7-بازوكا
8-بوجيهات سبورت
هل هايكفو ولا لأ و لو لأ ممكن حتي يكفو من الحاجات دي مستعمل ؟ ارجو سرعة الرد و يا ريت اسماء ناس كويسة في الاسكندرية انا معرفش غير pro tunners بس

[ramy safwt]

هيا ممكن تجيب الجنوط و البوجيهات الاسبورت و دول مهمين و حاجه مفيدة للعربية

عيد النظر فى موضوع الديفيل و البازوكا و الفلتر الاسبورت عشان ملهمش لزمة مؤثرة فى العربية مش هترفع الاداء فى اى حاجه

طبعا معاك فى انك تعمل طاقم اضاءة محترم

البودى كيت ركز فيه على الايرودينامك قبل اى اعتبارات تانية و بما انك فى اسكندرية و البيئة عندك فيها نسبة رطوبة عالية فأنصحك تركز كمان على مضادت الصداء و عزل جسم العربية للمستقبل و تشميع الدهان بعد الغسيل

[zezox5]

متشكر جدا يا باشا معلش بس هطول عليك شوية بالنسبة للجنوط جنوط العربية 14 هل فيها حاجة لو كبرت الجنط يعني اركب مثلا 15 او 16 عادي ولا ده هيضر العربية ؟

[ramy safwt]

هيبهدل المساعدين حط للعربية جنوطها بالمقاسات اللى فى الكتالوج انت ممكن تجيب جنوط عريضة و تخرجها لبرة بأقراص فوق الطنابير و يبقى شكلها مجرم جدا و ثبات عالى بس هتحس بكل مطب تعدى عليه و ده الحال فى اى جنط سبور او عفشة سبور بأستثناء اللورايدر و الكيت بتاعتها ربنا يوعدنا بقى

[ahmed oqda]

هذه هى سيارتى وارجوا من زوى الخبرة طرح لى ما يجب فعله لتعديل السيارة وساضع صور اصلية للسيارة وصور من الانتر نت لوضوح السيارة اكثر فبرجاء ايجاد صور او انكوا تقولوا لى اعمل اية فى العربية دى علشان اروشنها وتكون من الاخر وتكون برضة باقل تكلفة وياريت كمان تقولولى اذا كانت العربية دى بتقبل التعديلات ولا لا:t hnkr::thnkr : وللمعلومة السيارة تسمى نيسان داتسون بولسار 120a