|
#6
24-07-2009, 12:41 PM
|
||||
|
||||
رد: مشكاح وريما 2009
-3-
مشكاح طير الفلوس فى يومين وآخر مبلغ أشترى به فستان لريما مثل شوال الخيش00 لما أرتدته وخرجت عليه تتحنجل كانت مثل حماره ببردعة وبدا كدشها مثيرا للضحك قال وهويضحك: -ايه اللى انتى عملاه فى شعرك ده ياوليه؟ -هه هه دا كنيش -كنيش ايه؟ دا عامل زى فروة الخروف -خروف يا كبش يا بن ال00 وانا اللى عامله لك ستايل -ههههههه00 ستايل!! والله اتنجرتى يابنت نفوسة -طول عمرى مودرن00بس انت اللى اعمى -ماشى00 ح نعمل أيه؟ قالت بغضب: -انت متعرفش تفكر أبدا!! ح تفضل تنبل -انتى المعلم اللى بيخطط00 وانا عليا التنفيذ -شوف انت عارف ان فيه فرح فى الحته النهارده -آة 00بنت المعلم حسونة الندل معزمنيش -وأحنا برضة مستنين عزومة00 والنبى لا أخيلها له ليلة ضلمة النتن -حلو ضمنّه عشوة مكن الليلة لكن نقلبه ازاى -سبيها للظروف نتعشى الاول وخليك معايا على الخط *********** الانوار فى كل مكان وصوت المطرب النشاذ يخترق الآذان00 أدينى عود كبريت اولع السيجارة وأكحرت الكحاريت اطلع فوق العمارة وأكل الكتاكيت فى العشة فى العشة بت صاروخ جبارة ست البنات الامارة فى العشة فى العشة وبحب القطاقيط وح أخليها فتافيت وتستمر الاغنية مع التكرار الملل والنشاز المثير للاعصاب دخل مشكاح يتمطع ويحيى المعازيم كأنه صاحب الفرح!! تقدم من المعلم حسونة وصافحة بحرارة وكأنه صديق مقرب00 والمعلم يستقبله بقرف جلس فى صدارة الفرح00 ودقيقة وأعتلى المسرح يتمايل ويصفق كأنه جبل يهتز00 رقص مع الراقصة البدينة وكأنهم يرقصون رقصة الكرنب نزل يتلمس الطعام00 فبغيته العشاء00 دخل صوان العشاء مع اول فوج00 المعلم دابح ثلاثة عجول فهو جزار والاكل للركب!! وبالطبع نسف الاطباق فى دقيقة وطلب المزيد00 واكل المزيد!! خرج الجميع ومع دخول الفوج الثانى تبعهم وألتهم طعام يكفى لخمسة اشخاص وبعدها مسح بقايا الاطباق ولم يشبع00 خرج وأعتلى المسرح ليقدم التحية المجانية للعرسان ثم يرقص وتكاد خ0شبة المسرح أن تتهاوى تحت خبط أقدامه!! ومن المسرح لصوان الاكل ودخل أول واحد ليلتهم المزيد وكان خروجه الاخير والمعلم يلمحه ويكبت غيظه 00 الراجل مش عاوز فضايح 00 ليلة وتعدى00 وفى وسط المرح والضحك00 انطلق صوت الكونتيسة ريما00 رقعت بالصوت الحيانى00 وصرخة بعد صرخة 00 صمت الفرح00 انطلق مشكاح وخلفه المعلم الى البيت حيث مصدر الصوت00 كانت ريما تتألم وتصرخ 00وما أن رأت مشكاح حتى صرخت فى وجهه: -ألحقنى يا مشكاح أنا بسقط العيل ح أموت 00ألحقنى يا أخويا -ليلتك سودا00 أروح فين وآجى منين00 نشنتنى على الحالة الضنك ورقعت صوت يخلع القلوب: -ألحقنى ح أموت نظر مشكاح للمعلم فى قلة حيلة واراد المعلم انقاذ الليلة00 أخرج مبلغا من المال ومد يده لمشكاح: -خد مراتك وأتكل على الله وما أن دخلا المنزل حتى أخرج مشكاح النقود يعدها00 -شفتى الراجل أدانى ميتين جنية مصمصت شفتها وقالت: -أما راجل بخيل ونتن صحيح تتبع
__________________
|
|
#7
24-07-2009, 03:48 PM
|
||||
|
||||
|
رد: مشكاح وريما 2009
يا سلام على القصص الجميله .. على ناس موش جميله خالص ptmnlo123per1127
كمل يا د تامر هى حلوة اوى لحد الان مستنيه تخلص واقولك راى اجمالا ولا انت عاوزة تفصيلاptmnlo123per122
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#8
25-07-2009, 12:03 PM
|
||||
|
||||
|
رد: مشكاح وريما 2009
-4-
ذهبت ريمال للسوق تشترى طلبات البيت بال200 جنية ولما عادت كان مشكاح فى انتظار وليمة الغداء فى ترقب00 وبعد ساعات00 جلس مشكاح امام دكر البط والوزة ليقضى عليهما فى دقيقتين مع تناول اصابع الكرنب ازواجا فنسف كرنبة بحجم كرشه الضخم ثلاث مرات00 وصينية بطاطس00 وحلة ملوخية وخمس ارغفة بلدى مفرود بخلاف حلة الارز وعندما نظف الصحون00 وضع يده على بطنه ونظر لريما00 قالت: -كل ده ومشبعتش00 معدشى فيه الا اتنين كيلو لحمة بتوع بكره -قومى هاتيهم خلينا نكمل اكل -عندك جوة نيين روح كلهم ما أنت انسعرت -هوه كل يوم لازم أقوم من على الاكل جعان ايه العيشة دى؟! -عيشة هباب على راسك00 انا مش عارفة معدة ايه اللى بتشيل ده كله!! تعرف لما تموت أنا ح أبيع معدتك للمتحف الناس تتفرج عليها لانها أكيد أكبر معده فى العالم قام من على الاكل وهو يقول: -جتك البلا سديتى نفسى قالت: -هيه بتنسد أبدا!! ده أنا لو حطيت قدامك كلب ميت بقاله شهر عمر نفسك ماتنسد قال بقرف: -ولية حيزبون -أيه حلزبون دى؟ -أنا عارف 00أهى شتيمة وخلاص -بتشتمنى يا حشملة -أيه حشملة دى؟ -يعنى نطع بالهندى -بتعرفى لغات يا بنت نفوسة الندابة آدى أخرة الفرجة على الدش المهم عندك ايه النهاردة -نفس السبوبة00 المرة دى نختار مطعم عيلاوى فى الميدان من بتوع الناس الهاف لايف -حلو قوى00 بس بقولك أيه شوفى فار محندق شوية عن الفحل بتاع المرة اللى فاتت ************************* ***** وعندما جاء المساء00 ارتدى مشكاح البدلة الزفرة00 وتدلى كرشة مترا وأصبحت أزرار البدله عند جانبيه من فرط ضخامته وحاجته لمقاس اكبر بعشرين نمرة على الاقل وارتدت الكونتيسة ريما القديمة فستانها الجديد الذى بدت فيه كالبوصة داخل شوال قطن وفى الاعلى شهرها وقد خاصمت خصلاته بعضها البعض فبدا كشعر أمنا الغولة دخلوا المطعم منتفخين جلس وهو يصفق للجرسون كانه فى قهوة بلدى00 كاد الجرسون أن يغمى عليه ومشكاح يطلب الاكل00 قال : -فيه سعادتك ناس معزومين معاكوا؟ -آه 00آه جايين بعد شوية والنبى الاكل بسرعة وبعد دقائق جاء طابور يحمل الاكل الذى امتلأت به منضدتين00 وانكب مشكاح فى التهام ديك رومى محشى كانه عصفورة ثم الحمام الواحدة تلو الاخرى يتخللها قطع الكباب والكفته قبل ان يأخذ استراحة00 قربع زجاجتين بيبسى ثم تجشأ بقوة أثارت قرف كل الموجودين قالت ريما: -يخرب بيتك بالراحة فرجت علينا العالم -معلهش مخدتش بالى أصل الاكل حلو حلاوة يا بت وأكمل التهام الطعام وقبل ان تفرغ الاطباق 00 تلفت حوله قبل أن يخرج الفأر ليضعة فى الطاجن00 وقبل أن يضعه كانت يد الجرسون تمسك به00 قال الرجل: -شايفين يا جماعة الراجل بيعمل أيه؟ ورد الجميع : -كلنا شايفين وشاهدين00 قال الرجل: -أتفضل معانا جوة للمدير ودخل مشكاح وريما مجرورين من العاملين قال المدير: -أنت جاى تصيع علينا قال مشكاح بغضب: -محبش الاسلوب ده قال المدير: -ماشى 00الحساب يابيه ومع السلامة ولا كأننا شفنا حاجة قال فى صفاقة: -معييش قال المدير: -أطلب البوليس قالت ريمة: -يا لهوى بوليس أيه؟ احنا ناس غلابة يابيه سماح يا أهل السماح قال مشكاح بصوت عالى: -بوليس بوليس أطلب يا أفندى أنا ميهمنيش وجاء رجل ضخم من خلف مشكاح ورقعه على قفاه قلم طرقع فى مساحة كيلو صرخ مشكاح: -ياولاد ال0000 وثار كالثور وأخذ يحطم فى أثاث المكتب00 وريما تصرخ انقض عليه العاملون ضربا وركلا حتى سقط كالثور لكنه قاومهم وهاج فيهم أكثر00 يبطح هذا ويجرح ذاك00 ودخلت الشرطة لتقبض عليه00 جرجروه على القسم وريما تندب خلفه تتبع
__________________
|
|
#9
25-07-2009, 02:23 PM
|
||||
|
||||
|
رد: مشكاح وريما 2009
متابع بشغف
بس تسلم ايديك ودماغك يادكتور
__________________
أبو الفتوح رئيسأ
|
|
#10
26-07-2009, 04:23 PM
|
||||
|
||||
|
رد: مشكاح وريما 2009
-5-
تم حبس مشكاح بالقسم قبل ترحيله الى النيابة بعد رفض التصالح 00 جرت الكونتيسة ريما فى محاولة لانقاذ زوجها 00 ذهبت الى المحامى زغلول زبادى ليجد لها مخرجا ولانه ماكر جدا وألعوبان ويتقاضى أجره بالآجل فقد كان هو الحل00 جلس مع مشكاح وأخذ توقيعه على وصل أمانة بالاتعاب!! قام باصطحاب مشكاح لعمل تقرير طبى بعد مضاعفة الاصابات ذاتيا وبعد عودته جلس مع مشكاح لتحفيظه -بص يا مشكح -معاك يابيه -هما قالوا فى المحضر انك مرضيتش تدفع الحساب الفين جنيه انت ح تقول للبيه الوكيل انك طلبت تروح للمدير عشان تسال عن الفاتورة غالية كده ليه!! مجرد استفسار -ماشى يابيه -أصبر عليا يا مشكح00 قوم ضربوك من غير سبب لما قلت لهم انتوا سرقتونى فى الحساب وقالوا لك يعنى احنا حرامية قلت لهم آه وانت كنت بتدافع عن نفسك -حلو قوى -وبعدين ازاى واحد يضرب عشرة لوحده وكل واحد فيهم عامل زى الحيطة -بس على فكرة انا أقدر وضربتهم ولاد ال000 -يا مشكح عارف انك زى الفحل لكن متبقاش حمار00 انت راجل غلبان وصاحب عيا -أنا عيان ؟ -ياجدع افهم بلاش شغل الحمير ده00أتمسكن -معرفش دى شغلانه ريما -أعمل زيها أرمى بلاك -ماشى يابيه -الوكيل ح يسألك كان معاك فلوس تقول طبعا ح يقول انت راجل غلبان جبت مبلغ زى ده منين؟ تقول مراتى باعت حته صيغة وقلنا نفكها علينا شوية ما أحنا بطولنا يابيه لاعيل ولا تيل ح يقولك معاك فاتورة بالبيع تروح مطلعها له -أنا مش معايا حاجة قال زبادى بانفعال: -انت حصاوى صحيح وبتنط ف الكلام ولا انت فاهم حاجة -معلهش يا بيه -أنا بكره الصبح ح أجيب لك فاتورة وهما خدوا منك الفلوس اللى معاك لما ضربوك -حلو نلبسهم قضية -بدأت متبقاش حمار قال مشكاح بفخر: -أنا مفتح قوى أعجبك خالص -باين باين نقول تانى م الاول -نقول أيه ؟ -الحوار اللى قلناه تحفظه بالحرف -متخفش أنا فهييم وأعجبك -على الله متكنش بهيم وتغرقنا تتبع
__________________
|
 |
|
|
