ماتور الكروز

[krim71]

انا عايز حد يقولي ماتور الكروز اللي الناس بيقولوا عليه ضعيف هيفرق اد ايه يعني في السواقة؟ يعني هيبقى عامل ازاي؟ هيضايقني في ايه مع العلم ان الماتور على اده 106 حصان على عكس السيراتو اللي هي اقل في الحجم و الوزن و ماتورها اعلى حوالي 20 حصان
اه و ياريت حد يقولي ايه رأيه في حكاية ان الكروز ضمان 3 سنين 60,000 كيلو و السيراتو 5 سنين 100,000 كيلو

[فادى]

سيبك من موضوع القوة الحصانية,
محرك الكروز 1600 و يولد 106 حصان و هو معدل طبيعى لمحرك 1600, و عزمه 150 عند 4000 ار بى ام على ما اذكر, و هو عند لفات مرتفعة بعض الشىء. لكن القوة الحصانية القصوى و العزم الاقصى يعطينا فقط فكرة عن شكل منحنى العزم و ليس بالضرورة مقياس للمقارنة بين السيارتين.
موضوع انو السيراتو 120 حصان ليس انجازا, لا تثق كثيرا فى الارقام الاسيوية!!
محرك الكروز يعود بأصله الى محركات أوبل لذا فهو افضل تصميما و اطول عمرا حتما من محرك السيراتو الذى يعود بأصله الى محركات ميتسوبيشى المأخوذة من كرايزلر.

[krim71]

مشكور اوي يا فادي باشا بس انا عندي استفسارين تانيين معلش لأني شايف في التقفيل ان كروز امتن ميت مرة من سيراتو و كل العربيات الكوري التاني و متقفلة صح الصح حكاية الضمان دي متخوفش؟ يعني واحدة 3 سنين و واحدة 5؟؟
و الحكاية تانية الي مضيقاني بجد الازاز الكهربة الي قدام بس.. يعني الواحد يدفع 110,000 جنيه و يلاقي ازاز كهربة قدام بس؟ ده الجيلي باندا الي بـ50 الف فيها ازاز كهربا قدام و ورا
و فيه كمان معلش حاجة كمان .. انا عايز اسأل ليه الواحد مضطر انه يجيب عربية اوتوماتك علشان ياخد الكمليات كلها؟؟؟ يعني افرض واحد عايز ABS و مش بيحب الاوتوماتك ولا عايز يدفع تكاليفه يعمل ايه؟؟
مشكور

[mohamed ibiza]

موضوع الضمان ده يا باشا وسيلة للدعاية و الترغيب في العربية بأنهم يعلوا مدة الضمان و ده رأيي !!

اما بالنسبة للكماليات معروف ان العربيات الكوري و الصيني بينزلوها بكماليات كتير و لكن انت مش بتشتري كماليات انت بتشتري عربية و اهم حاجة في العربية انك يبقي معاك موتور حمول يعتمد عليه عفشه متينه تستحمل شوارع مصر الشنيعه !! صاج كويس نوعا ما مش من اي خبطه تلاقي العربية اتعجنت !! و ده هتلاقيه في الكروز فا لما هو يقدملك اساسيات متينه للعربية و يبقي عنده عجز بسيط في الكماليات متبقاش معضله انما لما يهري العربية كماليات و يديك موتور بيجري اكتر لكن اقل اعتماديه طب انت كده استفدت ايه

[krim71]

مشكور يا باشا انا كنت عايز اسأل حضرتك عن عربية زي رينو فلونس خصوصاً انها من نفس الفئة و المانوال بتاعها ب113 الف و محشورة كماليات و هي كبيرة و واحدة 5 نجوم تقريباً امان بس لسة نازلة بقالها اسبوعين و محدش مجاربها