معلومات عن الكاوتش و الجنوط 5

[svneleven]

المشاركة الأصلية كتبت بواسطة tameromarw عايز اغير الكاوتش . لكن عندي فكره مش عارف تنفع ولا لا هجيب كاوتش تيوبلس واركب داخله جوان داخلي .... طيب ليه ؟ اولا احافظ علي الكاوتش التيوبلس من خوابير الصنايعيه وتقطيع جسم الكاوتش ثانيا ممكن يكون امان اكثر لان الكاوتش الداخلي لما هيتخرم .. هل هيريح علي طول ولا لا .. ممكن لا لان التيوبلس هيقوم بوظيفته وهي انه بياخد وقت شويه في عمليه الترييح ؟؟؟؟ الكلام ده ينفع ولا ايه رأيكم

سيادتك ناس كتير بتعمل الحركة ديه لما يكون عنده تيوبلس و اتبهدل و بينام منه كل شويه. يقوم جايب داخلي و يمشي حاله. لكن كده أنت هتفقد الميزة الأساسية للتيوبلس و هي توفير البنزين و عدم ارتفاع درجة حرارة الاطار و توفير تمن الداخلي. و حكاية الخوابير اللي مدايقاك ديه عشان توفرلك الوقت فقط لكن لو أنت مش عاوز ممكن تلحم التيوبلس لحام مكواه عادي زي الداخلي و تبقي أخذت كل المميزات.

[esameltony]

عندى استفسار لو سمحت عربيتى rb وكنت عاوز اغير الجنت من 14 الى 16 و دة مكتوب على باب العربية فهل دة هيفدنى فى ثبات العربية خصوصا انى شغلى كلة سفر والعربية بعد 120 بتكون ريشة معايا .
ارجو النصيحة

[svneleven]

المشاركة الأصلية كتبت بواسطة esameltony عندى استفسار لو سمحت عربيتى rb وكنت عاوز اغير الجنت من 14 الى 16 و دة مكتوب على باب العربية فهل دة هيفدنى فى ثبات العربية خصوصا انى شغلى كلة سفر والعربية بعد 120 بتكون ريشة معايا . ارجو النصيحة

حضرتك مقاس الجنط مش هو اللي هيزود الثبات. فيه حاجتين يزودو الثبات. عرض الكاوتش طبعا كل ما يزيد الثبات هيزيد. الحاجة التانيه سمك الكاوتش فوق الجنط كل ما يقل هيزود الثبات لكن هينشف العفشة. الخلاصة الموضوع كله حسابات. احسب و شوف يا اما تبعتلي مقاس الكاوتش اللي علي قايم العربيه و أنا احسبهولك. و تحت أمرك في أي استفسار.

[M.TONSY]

:pod_of_gol d:

[svneleven]

المشاركة الأصلية كتبت بواسطة M.TONSY :pod_of_gol d:

شرف لينا يا باشا و الله.