بروتون جن 2 او برسونا 2012 او عربيات اخرى محتار فى الشراء

[kimokimo]

انا بحب جدا جدا ال
bmw m3 1987 او العربيات اللى قبلها اللى نفس الشكل و تكون الفئة الثالثة
ليها كذا اسم e30 or 316 1987 1988 1989 او قبلها

و برضوا بحب جدا الفئة الثالثة موديل التسعينات اللى هى الدبانة

المهم يا جماعة دلوقتى العربية دى انا بحبها جدا و نفسى اجيبها و دى هتبقى اول عربية اركبها بتاعتى فانا مش عارف اعمل ايه هل اجيب عربية زى دى و تكون بقالها اكتر من 20 سنة و هتتعبنى فى المصاريف و ماعرفش حصلها ايه قبل كدة
ولا اجيب جديد و ادفع تقسيط
الميزانية ممكن تبقى 60 الف او اقل
ملخص الموضوع لو معاك فى حدود 60 الف او اقل تعمل ايه
تجيب بى ام قديمة عشان انا بعشق الفئة الثالثة
ولا تجيب عربية مستعملة و اية يكون نوعها
ولا تجيب جديد خالص و تقسط
بالنسبة للجديد انا عجباااانى جدا
ال kia rio 2102 hatchback
,بيجو 206 2011
و لانسىر 2011
و بنتو كلاسيك 2012
نسيسان صنى 2012
بروتون جن 2 او برسونا 2012

[MmFFoR]

انا شايف تفكيرك شبابي
انصحك جديد و يكون جين 2
لو كايز شنطة كبيرة ( بس بدون كراسي طيارة ) يبقى بيرسونا

لكن اولا و اخيرا نا مؤمن بمبدأ على قد لحافك و طالما البي ام في فكرك و معاك فلوسها يبقى لي تحرم نفسك

الدبانة قطع غيارها رخيصة بس حاول تشوف حاجة حالة شاذة يعني فابريكة دواخل بالكامل و العفشة في البي ام اغلى من الميكانيكا فشوف حاجة عفشتها صح الصح و الميكانيكا امرها سهل بس اهم حاجة الدواخل و العفشة تعمل في حدود 58 - 65 الف موديلات 1992 - 1995

و بعدين كل ما يجيلك قرشين تظبط حاجة جديدة في العربية و جايز تسقطلها موتور الفانوس VANOS

[Zazoksh]

/ kimokimo

لو حضرتك رب أسرة (مثل العبد لله) يبقى اختيارك للبيرسونا

لو حضرتك لسة شباب (ربنا يديم عليك الصحة .. وتفضل شباب عالطول) يبقى اختيارك للجين تو

الفارق كما قال صديقنا/ MmFFoR هو حجم الشنطة

أنا بعت سياراتى السابقة (رغم عشقى لها) لأنها كانت هاتشباك ... كان لازم أرمى حد من عيالى برة السيارة علشان أقدر أحط طلبات البيت فى السيارة ... وفى أخر أيامها .. كنت بضطر أروح بمفردى لشراء متطلبات البيت (حاجة تكسف .. مش كدة)

مع أطيب تنمياتى للجميع بالصحة والسعادة والسلامة ،،،،،

Zazoksh - Cairo, EGYPT

[kimokimo]

المشاركة الأصلية كتبت بواسطة Zazoksh / kimokimo لو حضرتك رب أسرة (مثل العبد لله) يبقى اختيارك للبيرسونا لو حضرتك لسة شباب (ربنا يديم عليك الصحة .. وتفضل شباب عالطول) يبقى اختيارك للجين تو الفارق كما قال صديقنا/ MmFFoR هو حجم الشنطة أنا بعت سياراتى السابقة (رغم عشقى لها) لأنها كانت هاتشباك ... كان لازم أرمى حد من عيالى برة السيارة علشان أقدر أحط طلبات البيت فى السيارة ... وفى أخر أيامها .. كنت بضطر أروح بمفردى لشراء متطلبات البيت (حاجة تكسف .. مش كدة) مع أطيب تنمياتى للجميع بالصحة والسعادة والسلامة ،،،،، Zazoksh - Cairo, EGYPT

متشكر جدا جدا لرد و اهتمام حضرتك و على الرغم انى مش رب اسرة بس حبيت البرسونا اكتر عشان فونيسها الجديدة احلى اللى ورا
و الشنطة فعلا كبيرة جدا
شكرا لحضرتك و العربية جميلة جدا ربنا يحفظك انتا و اسرتك و يكفيكم شرها

[SaimOnatoR]

طب يا شباب افيدونا ربنا يكرمكم انا عجباني جدا الجين 2 و انا و الحمد لله رب اسرة صغيرة فهل هتكون مناسبة و ياريت حد من الاخوة الافاضل مشكور يوضحلنا الفرق بين الجين و البيرسونا، بصراحة انا سامع كلام مش ولابد عن العربية و عن التوكيل بس ماشاء الله العربية فعلا تحفة و مش شايف منافس ليها.