عاجل 000000 الى البروتانية

[haytham elfar]

السلام عليكم اولا احب اهنيك على السياره فهى حقا متميزه جدا امتلك واحدة منها
احب اقولك خبرتي عن السياره عندى من 2007 التوكيل بتاعها فعلا زي الزفت انا اسف بس هما فعلا كده او على الاقل في الاسكندرية فهم فعلا عباره عن مهندسين بالاسم فقط لا غير
اما عن الصوت فخبرتى البسيطة انك تحاول تكون موجود اثناء تربيط العفشة الخلفية اثناء رفعها على الكوريك في التوكيل اما عن صيانة 10000 فحسب ذاكرتى انها عادية زيت وفلتر فقط الصيانات الكبرى هي 20 و40 و 60
بالتوفيق كيميائي هيثم الفار

[أبو الحسين محمد]

جزاك الله خيرا أخى هيثم وبورك فيك وبورك فى جميع البروتانية
أولا مع أن السيارة بروتون بجميع أنواعها ممتازة ولا يعيبها شيء سوى سوء التقفيل
وأنصح من أراد أن يشترى أى نوع من هذة السيارات أن يدقق فى كل شيء ويمعن النظر فى كل صغيرة وكبيرة
أنتم عارفين الصوت ألي كان فى العربية من أيه ؟
هقلكم 000000
طبعا فى البتوكيل معرفوش يعملوه
وديتها لميكانيكى كان عندة سيارة شغال فيها قالى تعلالى بعد نصف ساعة وبما أن الميكانيكى بجوار المنزل تركتها عندة وبعد نصف ساعة لقيتة عملها وقالي أنه وجد العفشة مفكوكة وقام بتربيطها وشحم الجلب وكلة تمام وقالي أذهب الى البنزينة ليقوموا بغسلها من أسفل بالزيت والجاز ففعلت فوجدت أن الصوت قد أختفى نهائى
وظل هذا الوضع لمدة ثلاث أيام ثم ظهر الصوت مرة أخرى
فتيقنت أن الميكانيكى لم يفعل شيء
فذهبت بها الى عفشجى متقن عملة فأخذ يكشف على العربية من تحتها ( العفشة وخلافة )
فوجد أن الحزام الذى يربط التنك غير محكم على التنك وهو الذى يصدر الصوت بأحتكاكه بالتنك عند أى مطب
وهذا عيب خطير فقام بوضع قطعة كاوتش بين التنك والحزام وقام بربطهم جيدا وأختفى الصوت نهائى ولة أكثر من عشرة أيام ولم أسمع الصوت مرة أخرى
فطبعا هذا عيب تقفيل وأذا لم أهتم بهذا الصوت ومن أين يظهر فكان لا قدر الله حدثت كارثة لى أذا أهملت أصلاح هذا العيب فمع مرور الوقت ووجود هذا الأحتكاك بين التنك والحزام يحدث تأكل للتنك فى المنطقة التى يحدث فيها الأحتكاك
مع وجود البنزين داخل التنك فيحدث أنفجار للتنك عفانا الله وأياكم

[ehab 49]

شكرا لك انك وضحت الصوت دة قادم منين وعلي فكرة عربيات البروتنون جميعها فية الصوت دة من جين الي بيروسونا الي الواجا ولله واعلم علي الساجا .

[أبو الحسين محمد]

والله يا أخ أيهاب الواحد مش عارف يعمل أية مع التوكيل
الجماعة دول معاهم كنز ولكن للأسف لم يحسنوا أستخدامة وكمان مش عارف لية هما بيعملوا كدة مع العملاء
المفروض الناس دية ( العملاء ) قد فضلوا هذة السلعة (سيارات بروتون ) على سيارات كثيرة غيرها ليس لخفض ثمنها مع هذه الأمكانيات الكبيرة
ولكن لسمعة هذة السيارة من حيث كل شيء فهى جيدة جدا فوق الوصف ولا توجد بها مشاكل نهائيا مثل كثير من الأنواع الأخري التى تفوقها سعرا ولكن مشاكلها لا تكاد تذكر
أنا محتار هل عز العرب يعاقب كل من يشترى هذة السيارة
المفروض مقابلة الأحسان بالأحسان وليس الأحسان بالأساءة
فأنا بأقترح على أخوانا البروتانية وأنا سمعت أن هناك نادى أو رابطة تدعى البروتانية تضم مجموعة لا بأس بها من ملاك السيارة يروتون بجميع أنواعها وأنا بشجع مثل هذة الأعمال وأحب أن أنضم أليهم وكل من يمتلك سيارة بروتون
ينضم اليهم
فأنا بأقترح عليهم أن نقوم بعمل حفل كبير بمناسبة دخول السيارة بروتون الى مصر ونقوم بدعوة هشام بيه عز العرب
ونطرح علية مشاكلنا مع التوكيل وأسعار قطع الغيار الغالية وعدم توفيرها خارج التوكيل ( بالأخص الموديلات الجديدة ) لعل وعسى أن يأتى بخير على البروتانية
وهذا أقتراح منى 000لعل أن ينال أعجاب أخوتنا البروتانية ونقوم بالتصويت لهذا العمل

[luckyman]

المشاركة الأصلية كتبت بواسطة بدر بسيونى ياباشا الصوت اللى بتتكلم عنه احتمالية ان يكون ايه حاجات كتيرة اولا لو داخلى اى داخل العربية من جوه ممكن قفل الكنبة فعلا او جزء فى الباب او جلد الباب او ماكينة الازاز ولو خارجى ممكن رمان بلى العجل ناشف جلد العفشة الخلفية ناشفة انا رائ الشخصى تروح لعفشجى يفحص العربية كويس وعند اقتراح سهل كمان اطفى العربية وانزل اضغط بايدك على الجنب اللى فيه الصوت وانت بره طبعا وحتعرف مصدر الصوت او على الاقل المنطقة اللى بيطلع منها وياسلام لو معاك حد يضغط على العربية وانت تسمع عشان تركز وتعرف تحدد الصوت وبالتوفيق

الله ينور عليك هو دة الكلام