الى اهل الخبرة ومالكي بريليانس FSV >>> برجاء المساعدة

[embaby]

انا ناوي احجز ال FSV اليومين دول لانها دخلت دماغي قوي خصوصا لما شوفتها في المعرض وركبتها حسيت انها لا تمت بصلة للصيني المتعارف عليه في مصر ..
ومحتاج مساعدتكم جدا

اولا ... اسعار قطع الغيار فعلا غالية جدا لدرجة مبالغ فيها ولا الفرق مش كبير قوي بينها وبين مثيلاتها

ثانيا ... عايز اعرف تكلفة صيانات ال 1000 وال 5000 وال 10000 وهكذا حوالي كام ... هل تكلفة عالية جدا ولا معقولة.
بالله عليكم ساعدوني اني اخد القرار النهائي لاني بقالي شهور محتار في العربيات من الفيرنا للانوس لل M11 اسبيرانزا وال FSV بس دلوقت انا رسيت على ال FSV ومحتاج اللي يشجعني لان في ناس كتير بتخوفني من اسعار قطع الغيار والصيانات.

[MR/E]

مبروك مقدما
بالتوفيق ان شاء الله تلاقى حد يساعدك ويساعدنى
انا برده نفس المشكله عجبانى ال FRV
بس كله بيقول ابعد عن الصينى
انا كنت بعمل مقارنه بين FRV , رينو ساندرو الاتو
بس عجبتنى الــ Frv عشان من جوه العربيه باين انك دافع فيها فلوس على عكس الرينو

[embaby]

المشاركة الأصلية كتبت بواسطة MR/E مبروك مقدما بالتوفيق ان شاء الله تلاقى حد يساعدك ويساعدنى انا برده نفس المشكله عجبانى ال FRV بس كله بيقول ابعد عن الصينى انا كنت بعمل مقارنه بين FRV , رينو ساندرو الاتو بس عجبتنى الــ Frv عشان من جوه العربيه باين انك دافع فيها فلوس على عكس الرينو

ربنا يوفقك للي فيه الخير ان شاء الله

وياريت لو عرفت اي معلومة خاصة باسعار قطع الغيار والصيانات , تفيدني بيها وانا برضه هافيدك باي معلومة اعرفها

وربنا يوفقنا للقرار الصحيح

[MR/E]

المشاركة الأصلية كتبت بواسطة embaby ربنا يوفقك للي فيه الخير ان شاء الله وياريت لو عرفت اي معلومة خاصة باسعار قطع الغيار والصيانات , تفيدني بيها وانا برضه هافيدك باي معلومة اعرفها وربنا يوفقنا للقرار الصحيح

طبعا بأذن الله
اى معلومه هعرفها هكتبها هنا فى المنتدى علطول
----
انت مشكلتك من العربيه خايف من قطع الغيار بتاعتها بس ؟
يعنى افهم من كده انك مقتنع بالعربيه من حيث الاعتماديه والمتانه ؟

[mhamdy75]

مبرووووووووووووووك مقدما