كيا ريو اتخبطت هل التامين يعمله عادي لو العربيه معلقتش نمر لسه ؟

[abu adam]

اشكركم على ردودكم و انا لحد دلوقتي سايب الخبطة .. و بأذن الله يوم الحد حعلق النمر .. و بعد معلقها حطلع على المعادي
على مركز كيا سيرفرس اتربيل ايه علشان يعاينو الخبطة و احتمال اسيبها عندهم يصلحوها و مش حتفرق التامين يعملها او لا
حعملها على حسابي لان مش شايف انها حتكلف رقم كبير .. و شكرا ليكم لتاني مرة

[pepito]

السلام عليكم،
انا عايزة اعرف اذا كان ممكن العربية ما تدورش و لا تشتغل الا بوجود ال smart key، ولا ممكن بمجرد الضغط علي مفتاح البصمة انها تدور حتي اذا الsmart key مكنتش فيها. شكرا.

[jojojojojo]

الف مبروك اولا ومعلش ديه عين وان شاء الله ترجع زي الاول هوه حضرتك لو اللون اللي علي الرفرف ده لون من عربيه اللي خبطك يبقي انت بس هتحتاج سمكري نضيف وان شاء الله يستعدلك الرفرف ومش هتحتاج ترش حاجه بس التوكيل اعتقد هيقلك غير رفرف وهيبقي حرام والعربيه لسه زيرو تغير رفرف احنا عندنا سمكري ف المنصوره شاطر جدا بيعمل الحاجات ديه ع البارد وبيرجعها زي الاول واكيد ف القاهره في سمكريه كده فحاول تدور افضل ع حد يعملهالك عشان انا شايف انها بسيطه وربنا يديك خيرها ويكفيك شرها

[AbOnOrA]

اولاً الف مبروك ربنا يهبك خيرها ويكفيك شرها يارب

بالنسبة للتأمين لازم تعمل الرخصة وتعلق النمر علشان الاجراءات تبقى صح فلو عايز تعملها فى التأمين استنى لما تلخص الرخصة وتعلق النمر

الحاجة التانية بقى انك انت اللى لازم تحدد انت عايز تصلح الخبطة ازاى
الخبطة الحمد لله بسيطة وزى ما انا شايف فى الصورة كلها فى الرفرف الشمال فقط
معنى كده انك ممكن تعمل حاجة من تلاتة

1- شغل التوكيل تروح تفك الرفر ويركبلك رفرف جديد ويرشهولك
(يعنى قيمة الاصلاح هتبقى سعر الرفرف + تكاليف الفك والتركيب + تكاليف دهان الرفرف)

* اعلى تكلفة لكن افضل نتيجة من الاصلاح


2- برة التوكيل ترد الخبطة على السخن (بحموات) وبعدين يرش الرفرف
(قيمة الاصلاح هتبقى استعدال الرفرف + دهانة )

* لو فى مركز محترم هتبقى النتيجة زى التوكيل بالظبط لكن القيمة هتبقى اوفر

3- بره التوكيل ترد الخبطة على البارد وتلمع الرفرف (سحق وتلميع)
(قيمة الاصلاح هتبقى مصنعيات الاستعدال والتلميع فقط من غير دهان

* وديه ارخص حاجة فى التكلفة بس اسرع حاجة مش هتاخد اكتر من يوم شغل

[abu adam]

اشكركم على الردود
لكن انا فضلت خدمة المركز المعتمد و غيرت الرفرف نهائياً