حدث بنادي نقابة المهندسين بمدينة السادس من أكتوبر أثناء تواجدي (خناقة محترمة) لم أكن أتمنى حدوثها بعد ثورة الحرية

[TheSantos128]

المشاركة الأصلية كتبت بواسطة walidelwahsh على فكرة موضوع الجلباب دا في كل الاندية على السواء يعني الاندية الرياضية واللي مش رياضية على السواء وبعدين يعني ماحنا خلاص مهندسين ومش عارفين نكبر مخنا شوية جلباب ايه وبنطلون ايه الدنيا وصلت القمر والناس هنا مصممة تدخل النوادي بالجلابية افكار غريبة وحاجات اغرب يعني هي الجلابية اللي حاتدخل الاخ دا الجنة ولا عمله شكرا للاخ صاحب الموضوع

ا[COLOR="rgb(255, 192, 203)"]ولا انا اسف للمشاركه بس حبيت افهم حاجه.طبعا يا فندم هو رائيك ويحترم ,بس مش مفهموم!!
انا فى بلد حر ديمقراطى من حقى البس اى حاجه مناسبه ليا او على زوقى مادام لاتخدش الحياه والاداب العامه..حضرتك متضايق على الجلبيه ليه بقى؟؟ يعنى بالنسبه ليك مثلا يعنى لو واحده مهندسه داخله ولابس عبايه متدخلش ,وواحده تانيه لابسه ميكرو جيب وبادى تتدخل !!!!! عفوا كلامك مش منطقى
طبعا حضترك هترد عليا تقولى انا بتكلم على الراجاله هقولك لا لان القانون لما بيصدر بيكون "معمم".
على فكره انا مش بلبس جلبيه اساسا غير فى صلاه العيد حته الجمعه ساعات وساعات؟.
على فكره انا محامى وساعات بروح نادى المحامين وبيكون معايا والدى "وبيلبس جلابيه او عبايه"..والدى بقى طول عمره تقريبا عايش فى الخليج واقل عبايه عنده "مش بقى شغل الدفه والاصيل والكلام الفاكس ده " اغلى او تساوى ثمن بدله من مورييس حنا او سرار!! وبيدخل عادى ومحدش بيكلمه.... اللى يدعو للسخريه اكتر انى ساعات بروح نادى المحامين "باعتبارى محامى ومسجل بالنقابه"... وبكون لابس شورت ,ومحدش "يقدر يقولى انت لابس ايه " ....
افتخر فانت فى ام الدنيا
ودمتم فى خير
[/COLOR]

[خالداعزالناس]

انا اتضامن مع كاتب الموضوع
ولازم ,,,,, الناس تدخل زى ما هى عاوزه

الجلابيه او الثوب العربى ..... مريح فى البس وجميل جدا
وايه المشكله جلابيه او بدله او قميص وبنطلون
دا ..... تخلف ...... وقوانين عفا عليها الزمن

انا فى السعوديه .... قمت بتفصيل جلابيه متواضعه بسعر 120 ريال سعودى أى ما يقارب الـــ 190 جنيه مصرى

[Dr/Mohammed]

انا ساكن قدام النادي ده في الحي المتميز
عايز اقولك اني اتمنعت كذا مره لنفس ذات السبب
والانيل من كده بقي بسبب اني لابس شيبشب مش كوتشي
ولو لابس جزمه ياويلي مينفعشي لازم كوتشي
عمرك شفت هبل اكتر من كده
وكل مره اقل ما فيها وللتعبير الصحيح الامن هناك بيتبهدل وبتوصل للخناقه زي ما صحبك عمل بس مش بنعتزر في الاخر وبنخش
لانهم اشخاص مبتفهمشي حاجه
ما بخش نادي المهندسين في المنصوره وبجلبيه وبكل احترام بيقولي والله مينفعشي يا فندم اقوله بس هالعب الولد ربع ساعه وهامشي والله ومش هاتحرك معلشي اعزرني بيتفهم الامر وبينتهي الموضوع
لكن نادي 6 اكتوبر ده نادي الامن فيه مضروب اساسا

[Ahmed Anwer]

واحد زميلي حصله نفس الموقف في نادي 6 أكتوبر (( مش نادي المهندسين ))

بس للأسف كان حماه راجل كبير في السن و بركه من اهالينا الكبار و بياخد راحته في الجلابية

صاحبي الصراحة رد فعله كان مختلف

هوا مدخلشي بس رزعهم كمية شتايم محترمة اعتراضا علي الموقف لأنه أحرج جدا عشان اللي معاه ده حماه و راجل كبير في السن

الصراحة مش قادر أحدد الموقف و أحدد الصواب كل طرف ليه وجهة نظره

بس السؤال لو واحد خليجي بجليبته برده ،، طيب ما هو بيخش أرقي الأماكن في مصر ؟؟؟

[ahmed1981]

المشاركة الأصلية كتبت بواسطة بدر بسيونى انا ليا وجهة نظر طالما القانون المكان ينص على منعه فلا مجال للاختلاف وافضل رد على سبب المنع ليس مننا لكن من المنوطين على المكان لان اكيد لهم وجهة نظر وبرضه النادى لو لقى واحدة داخلة بمايوه او واحد حيمنعه يدخل من الباب وكذلك لو متسول داخل ولنفترض معاه كارنيه حيمنعه فالتحيز مش ضد الجلباب فى حد ذاته

مش مظبوط يا باشا
لو واحدة داخلة بالبكيني لا يجوز لأحد أن يمنعها
ولو واحد لابس لبس عبدة الشيطان برضه مش ممنوع
ولو واحد مسقط البنطلون لغاية ركبته برضه مش ممنوع

لوحة التعليمات على البوابة لم يكتب فيها أي بند عن الأزياء إلا بند واحد (ممنوع الدخول بالجلباب)