حدث بنادي نقابة المهندسين بمدينة السادس من أكتوبر أثناء تواجدي (خناقة محترمة) لم أكن أتمنى حدوثها بعد ثورة الحرية

مش معنى رفضي للجلباب اني غني وماشي بالبدل صيف شتا
انا مافتكرش اني لبست بدلة من ساعة الجواز يعني من 6 سنين
وانا كل لبس بنطلون وقميص دايما على طول صبح وبليل
اعتراضي اذن مش عشان انا مش بلبس جلابية او لأ
الشكل اعتقد مش حضاري
وبعدين بيقولك زمان
كل اللي يعجبك والبس اللي يعجب الناس
البس اللي يعجبك في البيت ان شا الله تقعد من غير هدوم
حتى في ماتش الزمالك الشهير كل الناس سابت الخناقات اللي حصلت وتكسير الاستاد
ومعلقوش الا على الاخ ابو جلابية
مش عايزين نقف على موضوع جلابية ولا بدلة
المفروض الثورة تكون غيرت عقولنا للاحسن مش للاسوء
اخر تعليق بين الحرية والفوضى شعرة
دلوقتي انا شايف الشعرة دي مش موجودة اصلا في كل تصرفاتنا
وشكرا

[ahmed1981]

المشاركة الأصلية كتبت بواسطة walidelwahsh مش معنى رفضي للجلباب اني غني وماشي بالبدل صيف شتا انا مافتكرش اني لبست بدلة من ساعة الجواز يعني من 6 سنين وانا كل لبس بنطلون وقميص دايما على طول صبح وبليل اعتراضي اذن مش عشان انا مش بلبس جلابية او لأ الشكل اعتقد مش حضاري وبعدين بيقولك زمان كل اللي يعجبك والبس اللي يعجب الناس

أولاً الجلباب النضيف أغلى من البدلة

كلمة الشكل مش حضاري بتفكرني بعنصر المطاط
لأنها كلمة مطاطية جداً
وممكن اللي لابس جلبية يرد عليك بنفس الكلمة المطاطية على القميص والبنطلون

إلبس اللي يعجب الناس (ولا يعني أني أتفق مع هذه الجملة لكن بنرد بنفس الحديث الذي ذكر)
حضرتك متفتكرش إن كل الناس معجبة بما تعجب به أنت وتظنهم مشاركين لك في نفس الإعجاب به وبالتالي تريد أن تفرض عليهم ما أنت معجب به

أنا كنت لابس قميص وبنطلون وقت تلك الحادثة
لكن زعلت من إستمرار تلك العقليات التي تستعر من الجلبية التي كان أجدادنا جميعاً يرتدونها قبل الإستعمار وكأننا نستعر من أصولنا


-

[Egy News]

لا حضرتك كده شاركت بدور ايجابي و فعال

[mesho70]

المشاركة الأصلية كتبت بواسطة walidelwahsh على فكرة موضوع الجلباب دا في كل الاندية على السواء يعني الاندية الرياضية واللي مش رياضية على السواء - اتفق مع حضرتك تماما ً فى هذا وبعدين يعني ماحنا خلاص مهندسين ومش عارفين نكبر مخنا شوية جلباب ايه وبنطلون ايه الدنيا وصلت القمر والناس هنا مصممة تدخل النوادي بالجلابية افكار غريبة وحاجات اغرب - حضرتك ربطت بين التخلف ولبس الجلباب واختلف هنا معك يعني هي الجلابية اللي حاتدخل الاخ دا الجنة ولا عمله - ليس بالضرورة ان يكون الجلباب قصير واسفلة بنطلون وطويل اللحية شكرا للاخ صاحب الموضوع

المشاركة الأصلية كتبت بواسطة walidelwahsh مش معنى رفضي للجلباب اني غني وماشي بالبدل صيف شتا انا مافتكرش اني لبست بدلة من ساعة الجواز يعني من 6 سنين وانا كل لبس بنطلون وقميص دايما على طول صبح وبليل اعتراضي اذن مش عشان انا مش بلبس جلابية او لأ الشكل اعتقد مش حضاري - حضرتك مُـصِّـر تربط بين التخلف ولبس الجلباب !! وبعدين بيقولك زمان كل اللي يعجبك والبس اللي يعجب الناس البس اللي يعجبك في البيت ان شا الله تقعد من غير هدوم حتى في ماتش الزمالك الشهير كل الناس سابت الخناقات اللي حصلت وتكسير الاستاد ومعلقوش الا على الاخ ابو جلابية مش عايزين نقف على موضوع جلابية ولا بدلة المفروض الثورة تكون غيرت عقولنا للاحسن مش للاسوء اخر تعليق بين الحرية والفوضى شعرة دلوقتي انا شايف الشعرة دي مش موجودة اصلا في كل تصرفاتنا - وهنا اتفق مع حضرتك فالفوضى للاسف عمت الشوارع والمصالح الحكومية والكثير ....... وشكرا

- يوجد رد باللاقتباس
- وليد باشا اصحاب الكروش يرتاحوا فى لبس الجلباب
- كما ان السفر مسافات طويلة قد يصل الى 12 ساعة متواصلة يجعل ( صوابع القدم ) نعم الصوابع تلتصق ببعضها وتلتهب من لبس البنطلون والشراب
- وعنى انا شخصيا ً افضل لبس الجلباب ولكن بسبب هذة النظرة لمرتدى الجلباب تجعلنى اسافر كل تلك المسافة مرتدى البنطلون
- ولكِ الله يا اصابع قدمى
- وارجوا ان يتسع صدرك لردى
- مع الشكر

[AMMI]

اللى انا اعرفه من تعاملى مع موظفين النادى خاصة نادى ابو الفدا خاصة مدير النادى مش عارف ازاى نقابة المهندسين مختاره واحد زيه فى منصبه