مرسى يقرر اعاده مجلس الشعب

[sherifabden]

استاذ طارق
لا يجوز الغاء القانون بقرار جمهوري
والحكاية بانت من اولها
حتى لو مجلس الشعب هيقعد ستين يوم
دا مخالف للقانون تماما
هوا دا مرسي اللي انتخبتوه
افرحوا بيه بقا
منه لله هوا والاخوان
عمل فيها بتاع ربنا
وخدعنا بكام كلمة من عنده
منه لله

[محمدصلاح القاضى]

يا جدعان الحكايه وما فيها
ان محمد بيه مرسى بيسدد الفاتوره للاخوان
يعنى ايه راجل يقدم ورق ترشيحه قبل ساعه من غلق باب الترشيح
لا ودعايه واعلانات ومؤتمرات هنا وهناك ولا وبعد دا كله ينجح
ويجوا يطلبوا من حاجه يقولهم لا
دا كانوا يقطعوا رقبته قبل ما ينطقها
فهو بيعمل ايه دلوقتى بيسدد الدين اللى بأذن واحد احد مصر كلها هتسدد وراه لو وقفت ساكته
الراجل دا عامل زى عصام شرف فاكرينه جه من التحرير على مجلس الوزراء وفى الاخر اللى جابوه هما اللى مشوه فاكرين !!!!
فالراجل دا هيبقى عامل زى اللعبه فى مسرح العرائس الرجاله هى اللى بتحرك من فوق واحنا ما علينا الا اننا نصفق لا ولازم نصقف جامد ماهو فى الاخر احنا اللى هنلبس فى الحيط

[طارق عبد السلام]

هو لو حصل انتخابات تانى
اقسم بالله فيه بعض اشكال مش هنشوفها تانى لان بجد المجلس ده كان اكبر مقلب


بس المشكله ان قرار العوده ده فيه تحدى كبير


والموضوع مش هيعدى بسهوله

[محمدصلاح القاضى]

واحنا مكملين
والثوره لسه شغاله يمسكها العسكرى تانى ارحم شويه على الاقل فاهمينه

[محمد عبد النور]

هيا من اولها

مين اللى عمل قانون مجلس الشعب ومين اللى نزل الاعلان الدستورى ومين اللى حله ؟؟؟؟؟؟؟؟؟

القرار بيقول استئناف عمله لحين اجراء انتخابات فى خلال 60 يوم بعد الدستور الجديد



وبعدين كويس حسسنى انه رئيس كده