فى مرسيدس بالسعر دا ... ولا دا حلم ؟

[lost2008]

المشاركة الأصلية كتبت بواسطة Tarekyusry كلام غير واقعي بالنسبه للمعدل وانسى

هيه ديه اسعار المعدل فى السوق انسى اسعار زمان ديه الى كانت فوق الخمسين

[eskenderiya]

تقد تجيب واحدة موديل 82

بس ليه يعنى

ماتجيب لانوس 2001 ب 40 الف

[mercedes]

السلام عليكم و رحمة الله و بركاته

أنا من رأيى أنك لو لقيت المرسيدس المعدلة بحالة جيدة, هاتها و أنت مطمئن الضمير تماما لأنها عربيات فاخرة و فخمة و مريحة و فى نفس الوقت للخدمة الشاااااااااااااااااقة الى أبعد الحدود , يعنى تمرمط فيها زى ما أنت عايز و تقولك كمان .

أما بالنسبة للعفشة و قطع الغيار , فهى متوافرة جدا و مش غالية خااااااااااااااااااالص و معمرة جدا و صيانتها سهلة للغاية و أى صنايعى يقدر يشتغللك فيها و يعملك كل اللى أنت عايزه و بسهولة و أنا عمرى ماسمعت عن عيب فى العربيات دى , صاحبها ماكانشى عارف ايه سببه أو لف بالعيب اللى فيها لما داخ و ماتحلتش و كفاية أن مواتير الزلمكة لحااااااااااااااااااد 6-1993 بيركب عليها, لأنل مرة لما فكرت فى الموضوع ده سألت فى بورسعيد على المواتير بتاعتها لأنى كنت عاوز أجيب MERCEDES E230 مو 1984-1985 و أسقطلها موتور زلمكة, فتاجر من بورسعيد قاللى أن موتور الزلمكة ال1993 بالتكييف و الفتيس المانوال ال6 سرعات ب 9000جنيه , الكلام ده من بؤه, من غير فصال لسه و لا اى حاجة.

و النبى لما يبأه معاك العربية دى و راكبلها الموتور ده , تبقى عاوز حاجة تانية من الدنيا؟؟؟؟!!!!

اللى كان خلانى أفكر فى ال230 مش ال200 , أن اللى بيجيب عربية 230 و دى كانت ضرايبها أعلى من ال200 لأن ضريبتها كانت 300 جنيه أيام ماكان ال200 ضريبتها 175جنيه و كمان استهلاك ال230 فى البنزين أعلى شويه صغيرة من ال200 , ماحدش هيجيب العربية دى الا ادا كانت الفلوس مش فارقة معاه أوى و بالتالى , هيبقى محافظ عليها و مش هاينها و فى نفس الوقت اليومين دول , ال230 مش مرغوبة اطلاقا فى البيع لأن ضريبتها أصبحت 1100 جنيه و بتزيد ل1300جنيه على ماتخلص من الأفاعى و الأبالسة اللى فى المرور , عشان كده هتلاقى سعرها واااااااااااااااااقع .

و أنا من رأيى أنك ترسل رسالة عالخاص للأخ الفاضل, زميلنا / الأستاد أحمد بدر الدين -مشرف العربيات بتاعت اسكندرية كلها- , تسأله على اللى أنت عاوزه, لأنه كان شارى عربية MERCEDES E230 قريب و كان واعدنا أنه يعمل عنها موضوع هنا فى المنتدى, بس الظاهر أنه مشغول اليومين دول شويتين , ربنا يعينه .

الأهم , أنك تصبر لحد ماتلاقى العربية البيتى المتصانة المحترمة اللى تستاهل فلوسك .

MERCEDES E230

[kohana]

المرسيدس هى سيدة السيارات
ده رأيى من زمـــــــــــــــــــــــ ـــــــــــــــــــــــــ ـــــان

[MmFFoR]

المشاركة الأصلية كتبت بواسطة kohana المرسيدس هى سيدة السيارات ده رأيى من زمـــــــــــــــــــــــ ـــــــــــــــــــــــــ ـــــان

و مين بقى سيدها؟ البي ام؟