#6
|
||||
|
||||
رد: مطلوب كريستاله نظيفه جدا
بص ياباشا
انا والله كنت زيك من اسبوعين بالظبط بردو بدور علي عربيه نضيفه ومش لاقي خالص اغلب الكريستالات اللي في السوق وحشه ومتهانه وعاوزه فعلا شغل والنضيف منها غالي ومبالغ فيه بس الصراحه العربيه فعلا ركوبه تحفه ناعمه وجميله وتستاهل فعلا تدور عليها انا كنت بدور في حتتين مواقع بيع العربيات عالنت وسوق السيارات يوم الجمعه والاحد السوق ميزته ان العربيه بتكون قدامك وشايفها وعيبه ان العربيات بتاعت تجار ودول متشتريش منهم حاجه خالص وخصوصا تجار المنصوره والشرقيه والدقهليه يعني اي عربيه ملاكي الحاجات دي ابعد عنها من غير ما تفكر لان العربيات دي كلها متظبطه هناك واغلبها طالع من حوادث ومهما حترفعها ولا حتعرف لانهم محترفين سمكره ودوكو هناك بالنسبه للسوق انا رفعت عربيتي في بنزينه وطنيه اللي جمب السوق اللي بيكشف هناك اسمه فيشه اطمنت عالاساسايات وطلعت تمام عشان خدتها من تاجر للاسف طبعا مكشفتش عالكهرباء والتكييف ودي نصيحتي ليك عشان انا خدت العربيه بطاريتها بايظه والكباس بتاع التكييف بايظ حتكشف عالبطاريه تشوفها كهربتها اد ايه وان طلعت بايظه تشيله تمنها والكباس لو قالك التكييف عاوز يتشحن ياريت ياتشحنه وتشوفه يااما تخليه يشحنه عشان انا اتقالي كده وطلع الكباس مش شغال اما لو رايح تشوفها من عالنت طبعا حتسمع اسعار غريبه شوف المنطقه فين وشوف اقرب توكيل لمتسوبيشي فيها فين لو مفيش ارفع في اي بنزينه بس يفضل التوكيل عشان فاهمين في العربيه اوي اوي انا جربت بتاع بنزينه موبيل اللي في المعادي تحفه واسم العامل اللي هناك عبده راجل بيراعي ربنا وفاهم شغله كويس وانا بقي اي حاجه كنت بلاقيها بقول هنا في المنتدي عليها والناس تنصحك بالمفيد ونصيحه متشتريش من اول مره انا قعدت شهر الف واشوف هنا وهنا اللفه اول مره بتفرق عن تاني مره عن تالت مره وانا كمان مبفهمش في العربيات خالص بس فعلا اللف بيعلم وتسأل ده وتسأل ده لحد ما تتعلم وتلاقي حاجه كويسه انا علي فكره معايا لانسر 2000 اخر موديلات اللانسر والفرق بينهم تقريبا علي ما اتقالي ان التابلوه ابانوس ومقابض الباب متنكله وفيها ار بي ام بس كده علي ما اعتقد وعلي فكره انا بردو واخدها ب50 عشان حالتها مش اكتر وربنا يوفقك وتلاقي حاجه كويسه زي مانا لقيت
__________________
my mitsubishi love 4 ever |
#7
|
رد: مطلوب كريستاله نظيفه جدا
كلامك مضبوط يا ميكي لكن اعترض معاك في انك تلف مره و اتنين و تلاته
انا من رأيي لو لقيت عربيه سليمه تاخدها فورا حتي لو تمنها غالي شويه لان فعلا الاتومبيل النضيف من الصعب تلاقيه و خصوصا في اللانسر عن الكورولا مثلا لان اللانسر معظم اللي راكبينها شباب علشان كده تلاقي فيها حالات بشعه و كميه اهمال لا حصر لها
__________________
حـازم خـضـر
|
#8
|
||||
|
||||
رد: مطلوب كريستاله نظيفه جدا
والله لو لقي طبعا ميفكرش اصلا
بس اهم حاجه يلاقي لان فيه ناس بجد بتستهبل انا قابلت واحد في السوق بيقولي 61 الف فابريقه بره وجوه وعامله 45 الف عداد ده مش استهبال هوا عشان العربيه نضيفه افتري؟؟ وناس تانيه عايشه الدور وتلاقي العربيه متبهدله من جوه ده قصدي انه يلف كتير عشان يفهم
__________________
my mitsubishi love 4 ever |
#9
|
|
رد: مطلوب كريستاله نظيفه جدا
بس فعلا اللي طالب 61 في عربيه موديل 2000 لمجرد انها فابريكه بره وجوه و عامله 40 الف كيلو دا بيستهبل اخرها 55 الف و يبقي فيها 5000 زياده علشان نضافتها و فعلا النضافه تستاهل
__________________
حـازم خـضـر
|
#10
|
|||
|
|||
رد: مطلوب كريستاله نظيفه جدا
والله يا ميكي انا مش عارف اشكرك ازاي على رايك المحترم وردك الرائع ونصائحك الغاليه
فعلا كلامك مفيد جدا وباذن الله حاخللي بالي من كل اللي قلته وانا باشتري جزاك الله خيرا |
|
|