شيزوفرينيا - 1- الفانوس بالفانوس والبادى اظلم

[eslambaron]

المشاركة الأصلية كتبت بواسطة mr_astra السلام عليكم ورحمة الله بامانة لى الشرف انى ارد على مشاركة ليك انا متابع كتير من مواضيعك وصدقنى والله هى قلوب تتالف اسمحلى اقولك انت غلطان اولا وسواق التاكس غلط بس رد الغلط بغلط ما يبقاش غلط احنا نفرح فى فندق او نادى او الشارع حتى بس يكون يسمح بكدة بيتعمل حركات فى الافراح جميلة وبتكون مبهجة لكن مش على حساب اناس ......صدقنى يا واان بقرا موضوعك افتكرت نفس الحالة اللى انا كنت فيها ابنى ومراتى وامى كلهم فى حالة خطر على طريق مصر اسماعيلية نتيجة انقلاب اتوبيس الرحلة وراحو مستشفى الزقازيق ( احالات الخطرة بس) امى وابنى ...... رحتلهم زى المجنون مش عارف هلاقى مين ومش هلاقى مين شعور اعوذ بالله ربنا ما يورية لحد وانا ماشي كان فى زفة وموتسيكلات بقى وحركات من دى صدقنى ما قدرتش امسك نفسي اكتر من نص دقيقة واحلى رفرف للموتسيكل رميتة على جنب وفعلا لو كان طول كان ممكن اعدى علية بالعربية .... ما تعرفش ظروف الناس اية كل واحد فية اللى مكفية وانا ممكن اؤلك شعور سواق التاكسي افتراضيا ........ انة طول النهار عند الميكانيكى ويا دوب لسة مصلح العربية وواخدها من صاحبها وطلع يشتغل اى سعتين تلاتة عشان يرجع لعيالة اخر النهار جايبلهم اللبن والفينو بتاع المدارس فلما لقة انة مش هايعرف يعدى والوقت هايضيع ولازم يودى العربية لصاحبها باليل طبعا كان لازم يعمل كدة من الغيظ ....طبعا الكلام دة افتراضي وهاسيبك لخيالك ممكن يتخيل السواق اللى عمل معاك كدة دة لية عمل كدة وعارف انه ممكن ياخد علقة موت منك ومع ذلك عملها اكيد السبب قوى السلام عليكم

احترامى وتقديرى الشديد لصاحب هذه المشاركه وانا بأيد رايه كاملا وندعو الله جميعا ان يصبغ علينا صبرا فى جميع مواضع حيا تنا مع تحياتى للجميع

[SHABRO]

سهل اوي اني اقعد انظر عليك واقولك لألأ انت غلطان ومحدش يعمل كدا وحرام عليك وبتاع , مع ان لو اتحطيت في نفس الموقف ممكن اعمل أكتر من كدا... ده نتيجة غياب القانون وحالة العك اللي احنا عايشين فيها كمجتمع...
بس برضه احب اثني على انك بتعدي للناس اللي بتخبطك مش قاصدة... انا حسيت بقيمة الناس اللي بتعمل كدا جدا لما عجنت باب واحد وانا طالع من ركنة ومشفتش العربية بتاعته خالص مع انها كانت ورايا على طول... غلطة ميعملهاش مبتدئ , بس كان عندي ظروف ومنمتش وتركيزي كان صفر... ومع اني غلطان بنسبة 200% والعربية عندي مجرالهاش اي حاجة بس الراجل سامح وعداها وحمدربنا مع اني قلتله اني ميخلصنيش أظلمه , ربنا يبارك للطيبين اللي زيكم

[spider_amrdiab]

يعنى ايه شهااب؟ دى نوع عربية يعنى؟؟