من الاسكندرية وعايز اطلع رخصة اية المطلوب

[yoyo_1989]

لازم تتعلم فى المدسة بتاعة المرور لان حايساقطوك لو دخلت على الامتحان على طول او ممكن تكون عارف واسطة او سمسار كويس سلكلك الامور .. بالتوفيق ان شاء الله

[طارق حسن 2]

لو سمحت امتحان الاشارات وحرف الاس فى نفس اليوم ولاه كل واحد فى يوم

[bosa_50]

المشاركة الأصلية كتبت بواسطة طارق حسن 2 شكرا لحضرتك انا سلمت الورق النهارده والامتحان يوم السبت وحملت كتاب وزاره الداخليه عن الاشارت وصمته بس عايز اعرف هو الامتحان الاشارات مدة اد اه

بيبقو 12 سؤال على ما افتكر(( مش متأكد)) وكل سؤال مدته 30 ثانيه ((اهم حاجه السرعه فى الإجابه )) مع التركيز طبعا .

وده نفس البرنامج ونفس صوت الخِضَم اللى هاتسمعه من الكمبيوتر فى الامتحان دربك نفسك عليه لكن الاساله اكيد انت لقيتها .

الموقع اهو http://www.futuredriver.net/Exam/ExamForm.aspx

على فكره انا دخلت امتحان الكمبيوتر بعد ما قعدت على الموقع ده كتير جدا وذاكرت الاساله كويس جداً والحمد لله خليت امين الشرطه الى قاعد على الكمبيوتر برق لحد ما عينه كانت هاتخرج بره من سرعة الاجابه مع العلم انى اقدر اجيب كوسه كبيره تعمل غدا لعيلتين
بالتوفيق ان شاء الله واعتمد على ربنا سبحانه وتعالى ثم على نفسك

[crime]

ايه يا جدعان ده كلوا انا لما طلعت الرخصه عملت الاتى
1_شهاده باطنه ونظر من اى دكتور الشهاده ب 25 جنيه من غير كشف ولا دياولو
2_احفظ الاشارات لانو بيجيبلك اشارات مش موجوده ع الطريق اساسا
(الظابط سالنى على 3 اشارات بس ايه ده؟ وايه ده؟ وايه ده؟)
3_لو نجحت بتنزل على اختبار القياده على طول لو الوقت سمح
انا بقى عملت ايه هههههههههههههههههه
طلعت دماغى من شباك العربيه وماشى بحزى الاقماع والظابط الرخم قالى ارجعها بقى بدهرك ورينى ازاى هاتبص من الشباك رحت فاتح باب العربيه ومخرج نص جسمى بره العربيه ورجعت برده بحذى الاقماع
الظابط قالى انا هانجحك مش علشان انت بتعرف تسوق لاء علشان انت طلعت ارخم منى
وبس يا سيدى

[bosa_50]

المشاركة الأصلية كتبت بواسطة crime ايه يا جدعان ده كلوا انا لما طلعت الرخصه عملت الاتى 1_شهاده باطنه ونظر من اى دكتور الشهاده ب 25 جنيه من غير كشف ولا دياولو 2_احفظ الاشارات لانو بيجيبلك اشارات مش موجوده ع الطريق اساسا (الظابط سالنى على 3 اشارات بس ايه ده؟ وايه ده؟ وايه ده؟) 3_لو نجحت بتنزل على اختبار القياده على طول لو الوقت سمح انا بقى عملت ايه هههههههههههههههههه طلعت دماغى من شباك العربيه وماشى بحزى الاقماع والظابط الرخم قالى ارجعها بقى بدهرك ورينى ازاى هاتبص من الشباك رحت فاتح باب العربيه ومخرج نص جسمى بره العربيه ورجعت برده بحذى الاقماع الظابط قالى انا هانجحك مش علشان انت بتعرف تسوق لاء علشان انت طلعت ارخم منى وبس يا سيدى

ههههههههههه ده ايام اللوحه بتاعت الاشارات وهما كام اشاره وخلص الكلام لكن دلوقتى كمبيوتر ووقت وحاجات ولا ليها اى ستين لازمه .