عايز اعمل صيانه للعربيتى كامله

[maio_do]

السلام عليكم ورحمه الله وبركاته

انا يا رجالة هعمل صيانه للعرب ية لانى خلاص جبت اخرى وعايز عربية محترمة تبقى معايا وهكتب كل حاجة انا عايز اجيبها ولو نسيت حاجه فى الصيانه تقولوا عليها او تعديل فى ماركة او مكان الصنع او سعر

1 .زجاج امامى لو حد يعرف سعره ومصنعيته يقول

2. بوجيهات وفيه واحد قالى ركب 4 شمعه ومش عارف اية الفرق
3.طنابير امامى لان فيه صوت غريب عندى وشاكك انوا من الطنابير ولما بغير الفرده اللى قدام الاخرام بتزوغ منى وبتسحل سحله وحشه

4. تيل فرامل امامىgm

5.كاوتشين للتجديد

6 .سير كتينه

7 .فلتر هواء وبنزين وزيت

8 .شكمان كامل او اللى بايظ فى العربيه

9.زيت موتور والناس بتنصحنى بشيل

10. رفرفين لان الرفرين اللى عندى بالسلامه ممكن اجيبهم استيراد وبيقوا بنفس لون العربيه؟؟؟؟

11 .دوسات واللى يعرف سعرها يقول

12. طاسات

13.ماسحات بس تكون نوع نضيف

14.عوامه بنزين منفصله للمؤشر بس لان المؤشر عندى بيهيس ومش بعرف اذا كان البنزين خلص ولا لا

15. جوان غطا التاكيهات لانه تقريبا سبب تسريب الزيت

16.عايز فرش يبقى على عربيتى لان الفرش لونه مش عاجبنى حاسس انه مش شبابى بس فرش يركب فيه مش يكون بيتربط

17. مرايا كهرباء يمين

18.اسبولير سعره كام؟

19.سطاير للعربيه حلوه ولا ؟

دا غير انى عايز اسمكر الجانبين وارشهم هما والاكصدامين هيتكلفوا كام

كده دى الحاجات الل ى عايز اعملها علشان عربيتى ترجع عربيه محترمة لو فى اى حاجه تتغير تانى

لو حد يقدر يقول الموضوع دا كله بالنظر كده ممكن يتكلف كام يبقى كتر خيره

[احمد على 1999]

بوجيهات وفيه واحد قالى ركب 4 شمعه ومش عارف اية الفرق

مفيش اى فرق

.زيت موتور والناس بتنصحنى بشيل

عن نفسى بحط شيل الترا هيلكس و اغيره كل 20 ل 25 الف كم النهم بتابع و لما يتقص بزود

عوامه بنزين منفصله للمؤشر بس لان المؤشر عندى بيهيس ومش بعرف اذا كان البنزين خلص ولا لا

و ديى حتعملها منفصلة ازاى؟

جوان غطا التاكيهات لانه تقريبا سبب تسريب الزيت

المهم ان مع الجديد ابقى حط سيلكون رمادى

[maio_do]

المشاركة الأصلية كتبت بواسطة احمد على 1999 مفيش اى فرق

المشاركة الأصلية كتبت بواسطة احمد على 1999 عن نفسى بحط شيل الترا هيلكس و اغيره كل 20 ل 25 الف كم النهم بتابع و لما يتقص بزود و ديى حتعملها منفصلة ازاى؟ المهم ان مع الجديد ابقى حط سيلكون رمادى

ماشى يا معلم شكرا لمتابعتك

العوامه دلوقتى بتاعت المؤشر بتتباع منفصله وبيبقى سعره من 50 ل 65 جنية بالكتير فى التوفقية

انا مش فاهم اية سيلكون رمادى؟

[احمد على 1999]

العفو يا باشا
السيلكون الرمادى انبوبة شبه انبوبة معجون السنان بتوع الكماليات بيبوعها و هى صناعة امريكى
كل مرة بتضطر اغير جوان التاكيهات لازم احط مع الجوان الجديد السيلكون الرمادى يا الا حيسرب

[maio_do]

المشاركة الأصلية كتبت بواسطة احمد على 1999 العفو يا باشا السيلكون الرمادى انبوبة شبه انبوبة معجون السنان بتوع الكماليات بيبوعها و هى صناعة امريكى كل مرة بتضطر اغير جوان التاكيهات لازم احط مع الجوان الجديد السيلكون الرمادى يا الا حيسرب

تمام يا كبير تم التنفيذ وفعلا طلبها الراجل وانا جبتهالوا شكرا يا كبير على متابعتك