فلتر الهواء الرياضى, كمان وكمان.

[mody soft]

انا كنت بسأل على 128 علشان عندى افيوا لسة فى الضمان والفلتر كدة كدة بيتغير فى التوكيل فا حبيت اشوف الحاجة بنفسى بعدين ابقى اتعامل انا وانا كنت سمعت كلام كتير فا حسيت انك فاهم فا حبيت اسأل بردة :D:D
شكرااا اوووى

[ahmedabogad]

انا دلوقت عايز اسال سوال
هو فلتر الهواء عامل كام و ايه الفرق لو في انواع
وي بيعلي صوت العربيه

[MOHANND]

المشاركة الأصلية كتبت بواسطة Injection - الفلتر الرياضى جزء لايتجزء من السيارات المعدله حيث أنه يساعد على دخول كمية أكبر من الهواء الى محرك السيارة, مما يرفع من كفاءة عملية الأحتراق, فبالتالى تزداد القدرة الحصانية للسيارة, بدون ذكر الصوت الرياضى الرياضى الرائع. - ويتوافر بالسوق المصرى عدة أنواع من هذه الفلاتر منها الصينى الردئ والجيد والتيوانى كالسيموتا و الأمريكى مثل K&N. - فالصينى يتراوح سعره من 50 ال 120 جنيه والسيموتا من 250 حتى 400 جنيه و ال K&N الأصلى اعلاها سعرا وليس له سعر محدد لدى المحلات لتواجد الأصلى والمضروب. - وأنواع الفلاتر كالتالى:. 1- فلتر كاربراتير وده المغشوش منه كتير وأن كان نادر تلاقى الفلتر أصلا. 2- فلتر بديل للفلتر الاصلى وده بيتركب مكان الأصلى على طول ولا يتطلب أى فك و يعطى زيادة طفيفية فى القوة ولا صوت ملحوظ. 3- الفلتر قصير الزراع أو SHORT RAM AIR INTAKE وده بيعطى أداء و صوت رياضى ملحوظ وهو موجود لدى معظم محلات الأكسسوارات ويتم تركيبه بدلا من ماسورة الفلتر وعلبة الفلتر الأصلية. 4- فلتر المشرووم. وده بيدى تحسن ملحوظ فى الأداء ولكن صوته غير عالى(مش بتاع منظره)ويركب على ماسورة فلتر الهواء الأصلية. 5- الفلتر المخروطى. وهو أكثر الأنواع انتشارا وأعلاها صوتا(رأيى الشخصى) ويتم تركيبه أما على ماسورة الفلتر الأصلية أو تحت حوض الموتور. دردشة: الفلاتر الأوريجنال غالية على الفاضى ومن الأحسن شراء فلتر صينى نضيف وتغييره كل سنة (فاصل مع الراجل على الأقل فى عشرين جندى) وهيديك تحسن ملحوظ وصوت رهيب مع ملاحظة أن الفلتر يظهر صوته عند الضغط على دواسة البنزين فقط ولا يظهر عند القيادة على سرعة ثابتة. - أنا معايا عربية دايو لانوس 2 ومركب فلتر مخروطى صينى وعامل أحلى شغل ولاحظت أن عند تركيب الفلتر داخل حوض الموتور يقوم الفلتر بسحب هواء ساخن من الموتور(كلما سخن الهواء قلت كثافته وبالتالى يظهر فقد واضح فى قدرة الموتور). - الحل:تركيب الفلتر تحت حوض الموتور اما بماسورة بلاستيك مخصوص من عند أحد محلات الأكسسوارات (250 جندى فيما فوق) أو حل الشاب الفقير وهو الذهاب لمحل أدوات صرف صحى و شراء كوعين وماسورتين نفس قطر ماسورة فلتر الهواء طولهم 40 سم(10 جندى) وتركيب الفلتر تحت الحوض والفرق فى السحب والصوت لايوصف. - صورة الفلتر المخروطى متركب جوه الحوض ولاحظ أنه راكب على الماسورة الأصلية وبيركب هو و المشرووم بنفس الطريقة. - الفلتر للكربراتير هو راكب. - صورة الفلتر"قصير الذراع" وهو راكب. ملاحظة : لتركيب أى نوع من الفلاتر الأسبور فى العربيات الأنجكشن (ماعدا بديل الفلتر الأصلى) يجب أزالة علبة الفلتر القديمة(حسب أرادتك) وعلبة الصوت (توجد أسفل علبة الفلتر القديمة وفائدتها كتم صوت الهواء الداخل للموتور). مواقع مهمة:- http://www.simota.com http://www.knfilters.com ptmnlo123per1140

على فكرة انت باشا بجد والله باشا انا كان عندى فلتر متركب جامب الموتور عالطول عملت زى ما انت قولت وخاليت الفلتر بعيد عن الموتور وشيلت المسورة الحديد وركبت مسورة بلاستك من عند محل ادوات صحية بس مش بى 10 جندى اكتر حجات بسيطة بس مشاء الله الفرق جامد جدا جدا صوت وسحب وكل حاجة ربنا يبراكلك يا معلم ويخليك للمنتدى علشان تفدنا كمان وكمان

[abd.aladwan]

الله يعطيك العافيه على هالموضوع الحلو .. انا جديد عالمنتدى وهاي اول مشاركه الي واتمنا الاجابه على استفساري .. عندي هونداي اكسنت ركبتلها فلتر رياضي مخروطي .. صار في فرق بالصوت ولا اكون بالسياره ومسكر الشبابيك غير ملحوظ حتى لو عدد لفات المحرك 6 !! شو الحل

مع العلم انو في حد مركب نفسه وصوته خرافي على متسوبيشي لانسر

[خالد عبدريه]

المشاركة الأصلية كتبت بواسطة Injection -[FONT=Comic Sans MS] دردشة: الفلاتر الأوريجنال غالية على الفاضى ومن الأحسن شراء فلتر صينى نضيف وتغييره كل سنة (فاصل مع الراجل على الأقل فى عشرين جندى) وهيديك تحسن ملحوظ وصوت رهيب مع ملاحظة أن الفلتر يظهر صوته عند الضغط على دواسة البنزين فقط ولا يظهر عند القيادة على سرعة ثابتة.

انا اعرف معلومه ان الفلتر الصيني بتبقي فتحاته واسعه فا بيدخل تراب جوا المكنه