مساعدة من اهل خبرة فى 128وخاصة الاستاذ طارق ابو زيد

[engmms]

جايبها من شهر تقريباً 89 1300cc
الدنيا كانت تمام ... من أسبوع لقيت ترشيح زيت من تحت من الجانب الشمال
وعرفت بعد كده أنه ناحية الفتيس ... المهم
قلت شيك فى بنزينة قريبة على زيت الفتيس قالى العامل أنه تمام بس عندى ترشيح من الكوبلن الشمال ...قلت أروح لميكانيكى ...قال ده حاجة بسيطة هارت على مسامير وخلاص ...فضل الموضوع زى ماهو... رحتله تانى لقيت عندة شكله واحد بيفهم (صنايعى) قالى لازم اغير كوتش الكوبلن من ناحيتين وكمان كاوتش الفتيس (جبت الاربعة ب 40جنيه ) مفيش مشاكل ... طبعاً فك الجنبين وركب الكوتشات... وأطريت أحط زيت تانى للفتيس 2 ك (20 جنيه ) وخد مصنعيه 75... وقالى كدة الدنيا تمام...تانى يوم لا التنقيط زاد وبردة من الناحية الشمال ...مش عارف أعمل ...مش عارف ده زيت من الفتيس ولا الماتور... ومقاس زيت الماتور ثابت ما بينقص ...كمان الفتيس أبتدى يحجرفى الغيرات بعد الميكانيكى ما أشتغل وحطيت زيت تانى ...بجد مش عارف اعمل ايه...حاسس ان الميكانيكى على قده وغير الكاوتش وخلاص ...ياريت الحل من اهل الخبرة..ولو حد يعرف ميكانيكى أو بتاع فتيس كويس فى شبرا الخيمة أو شارع شبرا ... أكون شاكر

[طارق ابوذيد]

بسم الله الرحمن الرحيم . اولا احب ان اشكر حضرتك على هذه الثقه راجيا من اله ان اكون عند حسن ظنك . اما بخصوص سؤال حضرتك اذهب الى مغسله واغسل الموتور جيدا ثم انظر لمكان الزيت بعد اول مشوار وسيكون واضح من اين الترشيح ومنتظر الرد بعد ذلك والله الموفق .

[AMMI]

هوه طبعاً ده من كوتشات الكوبلن والكاوتشات اللى داخله على الفتيس
واللى حصل بعد كده غالباً ان فيه كاوتشه اتقطعت من الاربع كاوتشات ديه. روح لميكانيكى تانى والموضوع بسيط ان شاء الله

[mr_astra]

العيب عندك فى اكسات الكبالن اللى خارجة من الفتيس ورايحة للكبالن ودة عيب شائع فى الـ 128 ..... الاكسات دى من احتكاكها بكاوتش الكوبلن الداخلى ( كما يسومنة ) بيحصل لها تاكل فاحنا مهما جبنا كاوتش كوبلن محكم لكن بيكون الخلوص فى الاكس نفسة وانت لو فكيت الاكس هتلاقى تاكل حاصل على مسافة حوالى 5 سم وهى المسافة الى بياكل فيها الكاوتش وهتلاقى لونها بيلمع حتى بخلاف لون الاكس الاصلى
الحل من وجهه نظرى تغيير الاكسين وهاتهم استيراد افضل من الجديد بس مش هارع بيتباعو لوحدهم ولا مع الصلايب
واللى هايقدر يفدنا فى الحتة دى هو الشيخ طارق
السلام عليكم

[engmms]

شكراً جزيلا لكل الردود....
أخى العزيز طارق فعلاً قبل ما أروح للميكانيكى اول مرة غسلت الماتور...
وكان نشع الزيت واضح على المساميرالتى اسفل كاوتشكت الفتيس الشمال... ما كنش واضح لى انه من الكاوتشة نفسها ... وعشان كده اول مرة قرط على المسامير فقط... وتانى مرة قالى غير الكاوتش ... سؤال هى المسامير اللى تحت كاوتشات الفتيس خاصة بافتيس نفسه ولا بالماتور... اعذرنى فى جهلى ...ثانياً هل معنى أن الزيت من الفتيس مش الماتور ده يطمن شوية....ثالثاً الفتيس محجر شوية ده سببه أيه ... زيادة فى الزيت...ولاشغل الميكانيكى لما فك الجانبين .... ولا تسرب الزيت وقلته....أسف على التطويل ... ولو محتاجة الاكسين ثمنهم كام استيراد ... والمصنعية ...ول حد عارف ميكانيكى بيفهم لحسن حاسس أن اللى روحت له على قده شوية ... شكرأ جزيلاً