ساعدوني قبل ماروح للميكانيكي

[farouk89]

المشاركة الأصلية كتبت بواسطة samirayad ممكن يكون الكارتير بتاع الموتور عاوز يتغيرله جوان فقط وغير زيت وفلتر وظبط مقاس الزيت وربنا هيوفق بإذن الله ويكون الموضوع بسيط أى مجرد جوان كارتيره وعلى أسوأ الظروف ممكن يكون سيل كرنك تالف ( أمامى أو خلفى ) حسب مكان تسريب الزيت -------------------- بس طبعا لا زم تكون المكنه من فوق نظيفه قدامك ومفيش عليها أى أثر لتسريب الزيت وخصوصا من عند جوان غطاء التاكيهات

هوه انا ان شاء الله هغير الفلاتر وكلها والزيت كمان وهجرب اشوف ايه الحاله وهشوف برضه الميكانيكي هيقولي ايه يوم الجمعه ان شاء الله وشكرا جدا علي المشاركه

[farouk89]

المشاركة الأصلية كتبت بواسطة sayed2077 دلوقت اللى هقول لحضرتك عليه تعمله بالظبط هتروح تجيب فلتر زيت ب 15 جنية وجركن زيت التعاون البرتقالى ب 60 جنية يبقى كله 75 جنية وتخلى اللى اشتريت منه الزيت ينزل الزيت الى فى الماتور ويشيل فلتر الزيت القديم ويحط الفلتر الجديد ويحط الزيت الجديد وتديله 5 او 10 جنية براحتك يعنى وتمشى فتره وتابع بقى الزيت بينقص ولا لا وتشوف العربيه هتدخن ولا لا لان دلوقت علشان يبيع عربيه الماتور بتاعها تعبان بيجيب علبة زيت شنبر يحطه على الزيت بتاع العربيه فمتدخنش خالص وتكون كأنها جديده نوفى والماتور سليم فحضرتك تعمل اللى قولتلك عليه بالحرف وابقى قولى عملت ايه بس اعارض التدخين مش هتظهر اول ما تحط الزيت الجديد هتقعد فتره عقبال ما الاعراض تظهر لو الماتور مش سليم مثلا اسبوع ولا حاجه علشان تكون اثار زيت الشنبر لو اللى قبلك كان حاطه تكون راحت اخوك فى الله سيد

بس هوه الحمد لله الموتور صوته ناعم والعربيه مش بدخن خالص بس مش عارف ده من موضوع الزيت الي انت قلت عليه ولا الموتور اصلا سليم بس هنكتشف بقي بعد ماعمل الي انت قلت عليه بس الحمد لله انكم طمنتوني انها مش مشكله عويسه يعني وهتابعكم عملت ايه ان شاء الله وشكرا يا سيد باشا

المشاركة الأصلية كتبت بواسطة sayed2077 زيت الشنبر ده زيت بيبقى محطوط فى علب زى الكانز كده بتبقى العلبه حوالى نصف كيلو العلبه تمنها فى حدود 15 جنية بيستخدم ان لو المكنه خفيفة وبتطلع دخان وكدا حضرتك لما تيجى تغير زيت مثالا لو العربيه بتاخد 4 كيلو زيت بيحط 3.5 كيلوا زيت والنصف كيلوا اللى فاضل بيحط زيت الشنبر اللى قولتلك عليه وبيخلى الماتور ميطلعش دخان خالص وبيقلل من تأكل الزيت واحتراقه طبعا فيه بعض معدومى الضمير بيبقى العربيه بتاعته لما يجى يبعها وعاوز ميطلعش فيها عيب بيحطلها زيت الشنبر ده علشان الماتور يبان انه سليم و 100 100 ده استخدام ليه وطبعا ده حرام واللى بيعمل كدا بيبقى بيغش الواحد وهيتحاسب يوم القيامه اما مثالا ممكن تستخدم زيت الشنبر ده فى استخدامات مشروعه كثيره مثالا ماتورك خفيف وانت رايح تفحص والفحص هيقولك صلح الماتور الاول وانت معاكش فلوس التصليح فبتجيب علبه وتحطها والماتور بيبقى كويس مثالا انت عربيتك بتدخن وبتاذى الناس اللى حواليك بدخانك بتجيب علبه وتحطها فمش بتطلع دخان خالص وطبعا لو استخدمت زيت الشنبر يفضل انك مع كل مره بتغيرزيت تحط معاه علبة زيت الشنبر بس خلى بالك الزيت ده بيتحط للعربيات اللى ماتورها مفوت بس اوعى تحطها فى عربيات سليمه لانى معرفش ايه اللى ممكن يحصل منه فى العربيات السليمه اخوك فى الله سيد

شكرا علي المعلومات المفيده وجزاك الله كل خير ليا سؤال صغير انا عندي العربيه بتاكل زيت وفيها بخره ممكن اذود نصف كيلو زيت شنبر عليها ولا لا زم اغير الزيت كله مع العلم ان الزيت نضيف علشان كل كام يوم بذود زيت وهل ليه اضرار في انتظار ردك الغالي

[sayed2077]

المشاركة الأصلية كتبت بواسطة farouk89 بس هوه الحمد لله الموتور صوته ناعم والعربيه مش بدخن خالص بس مش عارف ده من موضوع الزيت الي انت قلت عليه ولا الموتور اصلا سليم بس هنكتشف بقي بعد ماعمل الي انت قلت عليه بس الحمد لله انكم طمنتوني انها مش مشكله عويسه يعني وهتابعكم عملت ايه ان شاء الله وشكرا يا سيد باشا

حضرتك تؤمر يا استاذ فاروق واى حاجه تحصل ابقى اكتبها وان شاء الله هرد عليك على طول باذن الله لو ربنا ادانى عمر

[mo-momo]

هو موضوع ان الزيت اسود ده عادى والطبيعى فى اى عربيه ودليل ان الزيت بيقوم بدوره بس حكايه انو بينقص بقى فى حاجات لازم تفحصها زى الجوانات و الكارتيره و طبه الكارتيره نفسها و ممكن الفلتر نفسه وممكن يكون طقم الشمبر يا معلم و ده بقى نص عمره بس ان شاء الله يكون حاجه بسيطه