انا لسا جايب عربية 128 موديل 75

[cena1000]

المشاركة الأصلية كتبت بواسطة sayed2077 الف شكر على ردك الجميل ده ومعلش اى عربية بيبقى فى الاول بس لما تظبط كله كله هيتظبت معاك واللف مبروك عليك العربية ومتنساش تركب وانت عند الكهربائى مفتاح فصل علشان العربية متسسرقش ومش هيكلفك اكتر من 20 جنية و تخلية يحطوا فى مكان مستخبى ولو الدريكسيون بيسوجر عندك قبل ما تنزل من العربية سوجر الدركسيون او لو بايظ المسوجر بتاعه هات كلابشات بتكلبش البنزين فى الدركسيون وربنا يديك خيرها ويبعد عنك شرها يارب اخوك فى الله سيد

الحمد لله انا روحت امبارح للكهربائى كان سير الدينامو واقع و قالى كده غلط اوى و جبتلة سير جديد و ركبة وشغل الكهرباء كلها عشان كلها كانت فاصلة و بقى كلوا تمام بس حصلت حاجة وحشة اوى انى بعد اما خلصت الكهربائى روحت امون لقيت العربيةوقفت منى خالص بتدور عادى و كل حاجة بس بدوس بنزين مش بتمشى و بحس ان فى حاجات تحت بتلف و بتخبط فى حاجة المهم روحت جبت ميكانيكى الكلام دة كان الساعة 2 بليل و قالى دة من الكوبلن عشان الشاسية فتح و فك الكوبلن و عدلة لسا بدور بعد اما الميكانيكى مشى لقيتها زى مهيا المهم قمت خت منة 20 جنية و خليتة يجى يبص تانى قالى كده لازم تتعمل الشاسية بتاعها يتقوى عشان الركبة دى مش عارف بيحصلها اية فالكوبلن مش عارف بيحصلة اية ياريت تفهمنى اعمل اية بقى عشان انا بجد امباح تعبت اوى اوى و جبت عربية تجر العربية للجراج و كان يوم مقرف اوى و دفعت 20 جنية لعربية عشان الجر بس مع انها مسافة بسيطة بس مش مهم المهم قولى بقى اعمل اية وابدأ منين يعنى الكوبلن دة تبع العفشة اجيب بتاع عفشة يشفها ولا جيب سمكرى ولا اعمل اية الله يباركلك تجاوبنى و لو عندك حد كويس انا من الخصوص جمب المرج ياريت تدلنى علية و اكون شاكر ليك و اية حكاية الشاسية يفتح دى

[الكشفى]

اسمحلى انت اشتريت عربيتك موديل 75 كام ودة للاستفادة مش للنقد

[sayed2077]

لاحظ يا اخى انا كونت كاتب لك ايه هنا

:وديتها لعفشجى عمل ترصيص وظبط زاوايا وربط عفشة كاملة وعمل الكشف عليها وتغير ما يلزم ولو انت شاكك انك لسه جديد فى السواقة وممكن ما تخدش بالك من الطريق وتاكل مطبات بسرعة فخلى بالك ان ده بيفتح الشاسية بس الكلام ده لو العربية مش نضيفة بس لو هيا نضيفة مش بتفرق قوى مثال مثلا خدت مطب جامد اوى ولقيت بعده العربية بتحدف يمين شمال يبقى اعرف ان فيه حاجة حصلت للشاسية فممكن العفشجى لو لقى الشاسية ضعيف عموما والعربية حالتها مش ولا بد و من اول مطب الشاسية هيفتح منك فخلية يظبطهولك انه بيركب شدادات للشاسية بحيث الشاسية ميفتحش منك .

الكلام ده انا كتبه فى النصايح اللى كونت كاتبها

المهم انت بتروح مش عند عفشجى انت بتروح عند سمكرى بيقيس لك المسافة من المساعد للمساعد وانت تطلب منه يعملك الشداد للشاسية علشان ميفتحش تانى وان شاء الله مش هتفتح تانى ابدا بس روح عند سمكرى نضيف

وان شاء الله هتبقى فل بس ارجو ذكر سعر العربية كام بس للعلم بالشىء

اخوك الصغير سيد

وادعيلى اجيب 18 سنه علشان اطلع الرخصة بقى ههههههههه

[sayed2077]

يا اخى للمره الثانية هتروح عند سمكرى وتقولة انا الشاسية فتح منى و هو هتلاقية راح قايس المسافة من المساعد للمساعد باداة قياس مخصوصة لذلك و على ما اعتقد هيقولك احنا ممكن نلحم بس بس لو لحم المشكلة هترجع تانى ولو بعد فترة فانت بتطلب منه يعملك شداد للشاسية علشان ميفتحش وبتبقى عباره عن حاجه كده زى عصاية حديد بتربط المساعد بالمساعد علشان ميفتحش بعد كده تانى ولازم تكون متاكد من انه سمكرى نضيف علشان لو كان مش ولا بد ممكن يعملها اضيق من اللازم فتلاقى سحب العربية ضايع او تلاقيه فاتحه اكثر من اللازم وتلاقى المشكلة ممكن ترجع تانى والعربية متمشيش فلازم سمكرى نضيف وتسال البلد كلها عليه علشان تتاكد منه وعموما انا من المعادى فحضرتك بعيد عنى وانا للامانه معملتش حكاية الشاسية قبل كده ومجربتش اى سمكرى الى الان فانت اسال حبايبك او قريباك او صحابك عن سمكرى نضيف خالى بالك انا كررت كام مره سمكرى نضيف علشان لو الدنيا تعملت مظبوط حضرتك هتنسى حكاية الشاسية ديه خالص بعد كده بس مع العلم انك لو عملت حكاية الشدادات ديه فده اعتقد بيقلل تمن العربية شوية بس الكلام ده لو حضرتك ناوى تبيع قريب بس فعلا هى ديه الطريقة الافضل علشان تنسى مشكلة الشاسية خالللللص وتشيلها من دماغاك

اخوك الصغير سيد

[cena1000]

انا مش عايز ابيع ولا حاجة بس بجد انا قرفت من يوم بتاع امبارح خالص انا جايب العربية ب 9000 و مش عارف اعمل اية دلوقتى كلمت العفشجى بيقولى هتهالى هنعملك مش عارف ايةصليبة فى الكوبلن عشان مش يفك وانت ماشى او حاجة زى كده و حط فى اعتبارك ان العربية واقفة دلوقتى مش بتمشى غير بعربية زيها بتجرها ففى سمكرى جمب الجراج اشوفة حكاية الشداد عنده ولا اية ؟