محتار ما بين 128 ولا مازدا 323

[ahmed1981]

لو تقدر على سعر ال 323 الحالة النظيفة يبقى هاتها

لكن قطع غيارها أغلى من ال 128

لكن لو 323 حالة وحشة يبقى بلاشها خالص

[ابو جودة]

المازدا سيارة ممتازة ركبتها 4 سنوات انعم واقوى من 28 وموفرة فى البنزين وقطع غيارها مش غالية ولو تحب تتعرف على السيلرة وقطع الغييار يوجد ميكانيكى فى القلعة امام دار المحفوظات اسمة بلبل مازدا متخصص هو دة السبب فى ركوبى السيارة اربع سنوات عندة قطع غيار جديبد ومستعمل وكل شى عن العربية ولا تتردد فى الشراء ولكن يجب ان تكون العربية سليمة واللة الموفق

[good1977]

المشاركة الأصلية كتبت بواسطة فادى المازدا مش انعم و لا حاجة, هى اكبر من ال128 قليلا و محركها 1300 مش 1100. السؤال الذى يطرح نفسه لماذا تباع سيارة اجدد و اكبر من ال128 بنفس سعرها؟! هذا هو بيت القصيد.

ممكن ترد على السؤال اللى حضرتك قولتة؟

[elbrof_2006]

مازدا 323 أفضل بكتير من 128
في كل حاجه طبعًا بس لو حالتها كويسه

تسلملي ياغالي
ولك كل احترامي وتقديري
تقبل مروري
تحـ elbrof ـياتي

[مهند سالم]

إزاي قدرت تقارن بينهم أصلا، لا وجه للمقارنة، مازدا 323 أفضل من ال128 في كل شيء وبدون الدخول في تفاصيل، هي أفضل حتى في تفاصيل التقفيل البسيطة.
لكن الناس بتحب ال128 بسبب انتشارها ورخص قطع الغيار، وبصراحة هي قطع غيارها فعلا رخصية، لكنها مش معمرة؛ لأنها يا صيني يا مصري.
أما المازدا 323 فقطع غيارها موجودة ومعمرة، بس الياباني أغلى شوية، وأنا بأقول الياباني لأن قطع غيارها في منها الصيني وفي منها التايواني وفي منها التركي وفي منها الياباني، وإنت واختيارك وإمكانياتك، لو عايز تجيب حاجة رخيصة زي قطع غيار ال128 هات الصيني وهتلاقيه بنفس الثمن، يعني الكوبلن الصيني بتاع ال128 بنفس سعر الكوبلن الصيني بتاع المازدا 323، بس إنت ليه تعمل كدة طالما قدامك الحاجة الياباني المعمرة.
صدقني حرام عليك تقارن بينهم أصلا، وأنا بأتكلم عن تجربة، تجربة المازدا 323 كانت ناجحة جدا، وهي عربية تحببك في السواقة وما تحسسكش إنك راكب عربية قديمة ، بالعكس إنت بتمشي بيها راس براس مع الحديث ؛ لأنها بتجيب 140 ، و150 كيلو بسهولة وبنعومة.
أما تجربة ال128 فكانت فاشلة جدا، عربية ضعيفة وتقفيلها وحش وقطع غيارها غير معمرة.
فأرجو منك لو لاقيت 323 بحالة نظيفة ألا تتردد (وبرده أهم حاجة الحالة). وربنا يوفقك