ماهوه افضل زيت محرك ل 128

[Mohamed Zaher]

المشاركة الأصلية كتبت بواسطة ahmed_592005 متي يجب تغيير الزيت

اختبر بمقاس الزيت .. لو لقيته تحت العلامه السفليه يبقى خلاص الزيت كده يتغير
وشوف لونه بقى غامق اوى ولا لسه
ولو تعرف تشم ريحته كويس بس دى عايزه مناخير جامده اوى عشان تعرف اتحرق اد ايه
وطبعا ممكن كمان بدرجة اللزوجة انك بتحط نقطه بين صوابعك وتفركها

[medo_z1980]

انا كنت بحط زيت تعاون سوبر ستان 2000 كيلو و كنت بكسر بيه حوالى 500 كيلو زيادة و كان بصراحة ممتاز
و دلوقت جربت شيل 20-50 وده 3000 و كان بحوالى 75 و بصراحة لغاية دلوقت شغال تمام و وصوت الموتور فيه أفضل.
المهم حالة الموتور
و تشوف بياكل زيت يعنى بتلاقى الزيت ناقص وانت بتغيره كتيير !!

[m_elmasoudy]

المشاركة الأصلية كتبت بواسطة Mohamed Zaher اختبر بمقاس الزيت .. لو لقيته تحت العلامه السفليه يبقى خلاص الزيت كده يتغير وشوف لونه بقى غامق اوى ولا لسه ولو تعرف تشم ريحته كويس بس دى عايزه مناخير جامده اوى عشان تعرف اتحرق اد ايه وطبعا ممكن كمان بدرجة اللزوجة انك بتحط نقطه بين صوابعك وتفركها

معلش وياريت حضرتك تعذرنى .. بس كلام حضرتك مافيهوش شئ من الصحة (مع إحترامى) لأن عمرماكان نقصان الزيت هو الدليل على معاد تغييره .. كل زيت وله عمر .. لكن اللى حضرتك بتقوله ده غير صحيح .. وياريت اللى مش متأكد من معلومة معينه مايقولهاش لأن ممكن اللى سألك ياخد بكلامك وينفذه .. وطبعا ده حفاظاً على مصداقية الموقع العريق ده اللى بأنتميله من فترة كبيرة .. وإعذر صراحتى .. نهارك سعيد

[borio1704]

المشاركة الأصلية كتبت بواسطة star_poison زيت التعاون الازرق SG ممتاز للفيات 128 و 131 و 132 و 125 و 127 للفيات عموما القديم منها والحديث ملحوظه هامه التعاون SG 1500 كيلو وعامل 85 جينه اما التعاون SF 1000كيلو و عامل 60 جينه

تغيير الزيوت قبل 5000 كيلو أنا بعتبره فلوس بتترمى على الأرض

خلي بالك إن الزيوت اللي مستوى الخدمة بتاعها SG تعتبر مواصفتها أعلى بكتير من كل عربيات الفيات اللي حضرتك ذكرتها

الحالة الوحيدة اللي ممكن تنزل فيها الزيت قبل 3000 كيلو هي إن العربية نفسها ماتكونش بتمشي أكتر من 500 كيلو في الشهر

عايز تعرف معلومات أكتر عن الموضوع ده... ممكن تتدخل على الوصلة دي:
http://masrmotors.com/vb/showthread.php?t=72173


...