مشكلة تنك البنزين بيتملي النص بس | فيات 128

[msm_classic]

الملاحظ عند تفويل التنك في الحاله دي انه مابيتمليش
يعني لو فضلت تعبي البنزين ببطء شديد هتاخد معاك
انا عندي العربيه بتنطر البنزين بعد 5 لتر والتنك فاضي تماما وبتنيني املها واحدة وحدة لغايه 20 لتر بالعافيه وبعد كدة صاحب البنزينه بيطردني ومازال التنك فيه 10 لتر فاضي
مرة استعبط وقدرت ومليته لغايه مالبنزين استقر في الزور بس خدت 10 دقايق دقريبن والناس كانوا عاوزين يولعوا فيه
فالمشكله معتقدش خبطه .... او حاجه سدة التنك .... في حاجه خنقه خرطوم فايظ الهوا والله اعلم

[hamed2020]

التنك مسدود

[eng/walaaeldeen]

المشاركة الأصلية كتبت بواسطة msm_classic الملاحظ عند تفويل التنك في الحاله دي انه مابيتمليش يعني لو فضلت تعبي البنزين ببطء شديد هتاخد معاك انا عندي العربيه بتنطر البنزين بعد 5 لتر والتنك فاضي تماما وبتنيني املها واحدة وحدة لغايه 20 لتر بالعافيه وبعد كدة صاحب البنزينه بيطردني ومازال التنك فيه 10 لتر فاضي مرة استعبط وقدرت ومليته لغايه مالبنزين استقر في الزور بس خدت 10 دقايق دقريبن والناس كانوا عاوزين يولعوا فيه فالمشكله معتقدش خبطه .... او حاجه سدة التنك .... في حاجه خنقه خرطوم فايظ الهوا والله اعلم

السلام عليكم
msm_classic المشكله عندك في الكوعه بتاعة التنك غيرها هترتاح في ملئ البنزين وممكن تكون عايزه تتعدل بس مش تتغير كمان
والله المستعان

[Muhammad A]

مدخلش المسداس للاخر وانت بتمون

[omardealo]

المشاركة الأصلية كتبت بواسطة msm_classic انا عندي نفس المشكله دي وغيرت الزور من غير مافك التنك والمشكله مازالت موجودة انا عاوز افكه بايدي لعدم ثقتي في المكانيكيه التنك كان تمام لغايه ما الميكانيكي فكه عشان شغل سمكرة وغيرلي خرطوم فايظ الهوا لانه كان ناشف فجبتله واحد تاني طويل وقلتله يبقى يقسه ومن ساعتها وانا متعزب مع اني نفخت في خرطوم الفايظ لحسن يكون متني او مسدود بس لقيته سالك انا اتعقدت من المكانيكيه وعاوز افك التانك بنفسي ارجو حد يفدني عن نصائح فك التنك تحياتي

ياسلام عليك هو دا بالظبط اللى حصل معايا
روحت عملت سمكره وفكيت التنك ، ولما جيت اركبه كان خرطوم الفايز مشقق فغيرته وركبنا التنك تاني ومن بعدها الحوار دا ظهر ، وروحت للميكانيكي ، مش مصدقني وبيقولي ايه اللى انت بتقوله دا ... اقوله التنك مبياخودش غير النص قالي طيب هنروح البنزينه سواء ونفول قولتله ياسلام اروح البنزينه افول ب 50 جنيه عشان تصدقني ... انا الحوار دا خانقني فعايز اعرف مصدر المشكلة عشان اروحله اقوله نفذ كذا

المشاركة الأصلية كتبت بواسطة jamil ممكن يكون راكب مايل او مش مظبوط اتأكد من تركيبه الاول

الميكانيكي نزل من تحت وبص على التنك من غير ما يفكه وقالى كل حاجة تمام ، وقالي خرطوم الفايز مالهوش دعوة بالكلام دا

المشاركة الأصلية كتبت بواسطة eng/walaaeldeen السلام عليكم ممكن يكون التنك مخبوط او فيه اعوجاج فلا يؤخذ الكميه كلها او يكون في شيئ من الداخل واخد نصف الحجم الداخلي وممكن يكون التنك مش بتاعها وراكب واحد اصغر فك التنك وشوفه من الداخل ولو فيه اي خبطه ردها والله اعلى واعلم والله المستعان

ياباشا التنك بتاع العربيه من ساعة ما اشتريتها من 3 سنين والحوار دا حصل بعد فك التنك وتركيبه مرة اخرى وتغيير خرطوم الفايز ، والتنك مفيهوش لا خرم ولا خبطات