|
#1
20-02-2013, 07:45 AM
|
|||
|
|||
اصلحها ولا ابيعها ولا اولع فيها واريح نفسى .. مستنى رايكم ...
السلام عليكم
فى البداية هيا عربية 128 موديل 1988 موتور 1100 سى سى اشترتها من 8 شهور ب 15.5 مكنش ليا فى العربيات اوى وقتها .. المهم العربية فضلت شغالة معايا حوالى 4 شهور كويسة بس العجلتين الى ورا قالبين من تحت لجوه ومن وره لبره قلبتين فى واحد يعنى بعد ال 4 شهور الكبالن باظط قولت اروح اغير كبالن واسيب موضوع العجل الى قالب ورا ده لبعدين .. رحت للميكانيكى قلتله يغير الكبالن وهوه بيغيرها قالى خلى بالك علشان الشاسيه مفتوح فاحنا نجيب اكس اطول شوية من الى راكب علشان ميحملش على الشاسيه وبما انى مش فاهم قلتله تمام دوس يا معلم .. غير الاكس الشمال الى ادام بواحد اطول وغير صليبة كردان لنفس المكان وغير الكبالن الاتنين .. طلعت اجرب العربية لقيتها بتتنطط فى الملفات على سرعة رجعتله .. قالى ( ليس فى الامكان ابدع مما كان والشاسيه مفتوح ) المهم مشيت من عنده وبعدها بقيت اسمع اصوات شخللة فى العربية فرحت لعفشجى غيرلى بطاحة ومقص للجنب الشمال برده وقلتله على حوار الاكس الى الميكانيكى عمله قالى ده حمار فين الاكس القديم ادتهوله فراح مركبه .. المهم طلعت من عنده جربت العربية لقيت الشخللة قلت قلت تمام تانى يوم بجرى على البحر باليل 110 وداخل على ملف بسيط مش قاصى المهم حطيت سنت الفرامل بتاعة الملف العربية عملت لقة كده جابتنى من اقصى الشمال لاقصى اليمين بعرض 6 حارات تقريبا حوالى 4 مرات كانت هتقلب وهتعدى الجزيرة وتروح الناحية التانية المهم ربنا قدرنى ولميتها الحمد لله .. تانى يوم ببص على العربية لفت نظرى ان العجلة الشمال الى ادام الى اتعمل فيها كل ده قالبة لجوه لدرجة انها ماشية على سيفها وده الى كان هيموتنى مع العجلتين الى ورا الى اصلا قالبين من الاول .. الحمد لله .. المهم رجعتله قالى دى الركبة الشمال عايزة تتغير انا كنت خلاص مش مقتن باى حاجة بيقولها لانى داخله بالعربية بايظة والعجلتين الى مسطرة اخدها بعد ما صلحها بالعجلة قالبة لجوه المهم رحت لعفشجى غيره قالى عمل رجلاش للمساعد القلبة قلت كتير عن الاول بس لسة قالبة برده .. رحت لعفشجى تالت قالى الركبة الشمال عايزة تتغير وراح مغيرها .. وبرده العجلة قالبة زى ماهيا .. رحت لعفشجى رابع قالى الركبة ملحومة غلط ومش فى مكانها جيت بعدها واحد جاى عكس بربع نقل دخل فيا وش فى وش فى الجنب الشمال برده راح الجنب كله مضغوط لوره .. وبعدها العربية جابت اسطوانة وديسك .. وبعدها فى الشتواية الحلوة الى فاتت المية دخلت جواها مش عارف منين والارضية غرقت فكيت الارضية لقيت صاج الارضية الى تحت السواق رايح فى داهية والى تحت الكرسى الى جنبه ماسك نفسه شوية والباقى كويس والعتبة الشمال برده عاوزة تتغير ومعرفش اليمين ايه نظامها ... ملحوظات * دفيرة الكهرباء الكهربائى قالى دى مش جويسة ومعمولة بلدى * طبلة الكونتاكت كل شوية بتبوظ مغير 4 فى 8 شهور * الرداتير الراجل قالى ده مهرى بس شغال معايا كويس بدون مشاكل وحاليا مرمية زى الكلبة تحت البيت ... مميزاتها .. او الحسنتين الى فيها * ماتورها كويس * بطارية كويسة * 4 جنوط * 4 فرد تيوبلس عريض * 2 زجاج كهربا * سنتر * سروجى كويس هل ممكن تبقى عربية ؟؟ ولا ابيعها ؟؟ ولا اولع فيها بجاز ؟؟؟؟؟ اسف للاطالة .. بس ده كله برده ميجيش حاجة من الى انا شوفته بانتظار ردودكم وارائكم .... 
|
|
#2
20-02-2013, 08:15 AM
|
||||
|
||||
رد: اصلحها ولا ابيعها ولا اولع فيها واريح نفسى .. مستنى رايكم ...
بص يا باشا أولا حضرتك منين ثانيا حالة صاج السيارة أية وياريت لو صور ليها ثانيا لو العربية محتاجة شغل هتصرف عليها ولا لا ثالثا بالنسبة لو حضرتك من إسكندرية وعايز عفشجى محترم من الآخر عندك الأنجو عند غيط العنب أو الحاوى عند القبارى ولو عايز ميكانيكى أدلك على واحد بيخاف ربنا ومحترم جدا السمكرى نفس الكلام بس بعد أذن حضرتك يفضل صور للعربية وعلشان حضرتك تبقى عارف أهم حاجة بالسيارة هى الصاج الموتور مش مهم الف جنية أجبلك موتور ويبدو من كلام حضرتك العربية عايز شغل فى العفشة وشغل فى الصاج وأن شاء الله بسيطة متقلقش كل هيبقى تمام وفى أنتظار رد حضرتك.
أخوك محمد
الإسكندرية محرم بك 
__________________
|
|
#3
20-02-2013, 09:36 AM
|
||||
|
||||
|
رد: اصلحها ولا ابيعها ولا اولع فيها واريح نفسى .. مستنى رايكم ...
لو عاوز العربية ترجع زى ما كانت
طلع الموتور غير الصدر الامامى وعدد 2 ركبة استثمارى محمل جديد طبعا السمكرى يظبط الشاسية بالمقاسات الاستنادرد وتلم اى شرخ في الحوض وتسقط موورك ولما تكرب العفشة وخصوصا المساعد الامامى لازم يركب في المنتصف بالظبط يعنى العجل يبقى عدل بنسبة 100% من غير استعمال التخويش اللى عملة العفشجى في المساعد ومن الخلف فك السوست اللى بالعرض وقنطر السوست لتحت شوية وخليهم من المنتصف بارتفاع 27 سم عشان العجل الخلفى يبقى عدل تماما
__________________
يااااااااااااا رب إرحمنا بقدرتك علينا 
|
|
#4
20-02-2013, 09:14 PM
|
|||
|
|||
رد: اصلحها ولا ابيعها ولا اولع فيها واريح نفسى .. مستنى رايكم ...
انا جارك ياباشا فى محرم بك  بالنسبة لحالة الصاج هيا راشة بره وجوه ف الى انا شايفه الارضية بس الى ادام بالنسبة ل هصرف عليها ولا لاء .. هيبقى على حسب هصرف كام وهيكون ب نتيجة اكيدة وهترجع زى الاول ولا لاء .. بالنسبة بقى للحاوى الى فى القبارى انا رحتله و قلبنى مش عارف بقى مجتش معاه ولا ايه .. اخوك محمد
|
|
#5
20-02-2013, 09:27 PM
|
|||
|
|||
رد: اصلحها ولا ابيعها ولا اولع فيها واريح نفسى .. مستنى رايكم ...
شكلك فاهم ياباشا .. يارب يكون الشفاء على ايدك بس ياريت تقولى ايه المقصود بالصدر الامامى .. وبالنسبة للرجلاش الى عمله العفشجى ممكن نقفله باننا نلحم ورده عليه بالمقاس القديم لحام كهربا .. صح ولا ايه ؟ واخيرا .. المشكلة تكمن فى انى مش لاقى سمكرى يعمل القصة دى بمقاسات كله شغال بالنظر وبالحب ...... وانا معنديش استعداد اجازف بصراحة لانى تعبت
|
 |
|
|
