العربيه بتسخن علي الطريق السريع بشكل غير عادي

[ahmed1981]

المشاركة الأصلية كتبت بواسطة new.man مساء الخير يا جماعه انا عندي العربيه ال 128 بتسخن جامد علي السريع و المروحه تفضل شغاله الكلام ده بالصبح يبيقي خلاص المؤشر قرب يوصل للمنطقه الحمراء بس ثابت علي الجزء اللي هو فيه لكن في الليل تسخن و ترجع تاني عادي فياتري ايه المشكله

يعني أثناء النهار العربية بتسخن جامد على السريع
والمروحة تشتغل وتفضل شغالة
لكن أثناء الليل لا تحدث هذه الأعطال

المشكلة ممكن تكون رادياتير أو مروحة أو طرمبة أو ثرموستات كوعة مسدود ..... وفي أسوء الحالات ممكن يكون الموتور مفوت أو الوش مقفع

أولاً:
مبدئياً لابد تعمل غسيل للرادياتير
غسيل بمعنى أن يتم فك العلب وإستخدام سيخ لتنظيف مواسير الرادياتير ماسورة ماسورة ويستخدم في تنظيفه ماء النار
وبعدين يركبه
ويعمله وهو راكب في العربية دورة تنظيف لإخراج أي رواسب في الدائرة بالكامل والعربية دايرة

ثانياً:
المراجعة على قوة المروحة
ممكن تكون المروحة بدأت تبوظ والجلب بتاعتها خربت وبالتالي سرعتها قليلة
المفروض بتاع الرادياتيرات بخبرته يقول المروحة ضعيفة ولا سليمة
والتأكد أيضاً من جودة توصيلاتها الكهربائية لأن لو التوصيلات تعبانة المروحة هتكون بطيئة

ثالثا:
بتاع الرادياتيرات يتأكد إن الطرمة كويسة عن طريق التأكد من أن التقليب كويس وبيزيد مع زيادة دوسة البنزين

رابعاً:
لو الكوعة عندك فيها ثرموستات إلغيه بدون فصل

مع ملاحظة أن إلغاء الثرموستات في السيارات الغالية غلط كبير
لكن في ال 128 لازم تلغيه

خامساً:
المراجعة على تربيط سلك الأرضي (-) من البطارية في جسم العربية وفي الموتور

أخيراً تطلع تجرب
أهم ملاحظة وإنت بتجرب إن المروحة لما تشتغل الحرارة لازم تنزل وبعدين تقوم المروحة فاصلة

متتسرعش في شراء رادياتير إلا لو بعد فكه للتنظيف وجد فيه عيوب لا يمكن إصلاحها

-

[new.man]

المشاركة الأصلية كتبت بواسطة ahmed1981 يعني أثناء النهار العربية بتسخن جامد على السريع والمروحة تشتغل وتفضل شغالة لكن أثناء الليل لا تحدث هذه الأعطال المشكلة ممكن تكون رادياتير أو مروحة أو طرمبة أو ثرموستات كوعة مسدود ..... وفي أسوء الحالات ممكن يكون الموتور مفوت أو الوش مقفع أولاً: مبدئياً لابد تعمل غسيل للرادياتير غسيل بمعنى أن يتم فك العلب وإستخدام سيخ لتنظيف مواسير الرادياتير ماسورة ماسورة ويستخدم في تنظيفه ماء النار وبعدين يركبه ويعمله وهو راكب في العربية دورة تنظيف لإخراج أي رواسب في الدائرة بالكامل والعربية دايرة ثانياً: المراجعة على قوة المروحة ممكن تكون المروحة بدأت تبوظ والجلب بتاعتها خربت وبالتالي سرعتها قليلة المفروض بتاع الرادياتيرات بخبرته يقول المروحة ضعيفة ولا سليمة والتأكد أيضاً من جودة توصيلاتها الكهربائية لأن لو التوصيلات تعبانة المروحة هتكون بطيئة ثالثا: بتاع الرادياتيرات يتأكد إن الطرمة كويسة عن طريق التأكد من أن التقليب كويس وبيزيد مع زيادة دوسة البنزين رابعاً: لو الكوعة عندك فيها ثرموستات إلغيه بدون فصل مع ملاحظة أن إلغاء الثرموستات في السيارات الغالية غلط كبير لكن في ال 128 لازم تلغيه خامساً: المراجعة على تربيط سلك الأرضي (-) من البطارية في جسم العربية وفي الموتور أخيراً تطلع تجرب أهم ملاحظة وإنت بتجرب إن المروحة لما تشتغل الحرارة لازم تنزل وبعدين تقوم المروحة فاصلة متتسرعش في شراء رادياتير إلا لو بعد فكه للتنظيف وجد فيه عيوب لا يمكن إصلاحها -

اولا اشكرك علي اهتمامك جدا

انا فعلا غسلت الريدياتير بس مفكش الخزن فتقريبا الراجل ده مش امين

الاني عرفت انه لازم يفك الخزن و يسلك و ينضف

عموما انا مركب مروحه دايو للريدياتير و هي بتاخد الريدياتير كله و كمان صوتها اهدي و اقوي من المروحه العاديه و كفايه انها فيبر

و عاملها توصللات عالبطاريه علطول

بالنسبه للترموستات اكيد متشاله بس لسه عايز اعمل دوره تنضيف للخراطيم اللي داخله الموتور و كده يمكن يكون فيها مشاكل ايضا

لكن بالنسبه للموتور الموتور قوته جيده جدا

و الطرمبه التقليب بتاعها كويس جدا و ده بشوفه لما بفتح الريدياتير و ازود بنزين

فأعتقد فعلا ان اخر حل هو ان الريدياتير يتفك الخزن و يتسلك كويس و ننضف دوره الميه بتاعت العربيه

شكرا جزيل لحضرتك

[ahmed samir mosa]

اعمل تنظيف للرديا تير فكو عند بتاع الردياتير وخلية يغسلة

[يوسف نوور]

الحرارة عالية تمام بس المياه بتنقص ولا لا علشان نعرف نتتبع العطل فين وبعدين ندور علي كل الاسباب السهلة والمحتملة اولا علشان منكلفش نفسنا علي الفاضي مثلا غطاء الريداتير السوستة بتعته شغلة طب الفرامل محملة شوية علي الطنابير طب نحط حاجة من اللي بتنضظف مسار التبريد علشان لو فيه رواسب ......وهكذا

[EgyZizo]

أنا عندى المياه بتنقص بأزود ازازة (لتر تقريباً) كل أسبوع
والسخونة بتبقى على السريع فقط.