استفسار الى اصحاب الخبره في السيارات المستعمله

[Bahi]

جزانا واياكم وان شاء الله نباركلك على العربية الجديدة فى القريب العاجل ... ملحوظة: أعتقد انك ميالة للكيا (برايد) أكثر وذلك لأنك وضعت موضوعك تحت الكيا وليس الفيات (أونو) ومن وجهة نظرى ميولك قد تكون سليمة كأول سيارة لك. أستخيرى وتوكلى على الله.

[lolly136]

المشاركة الأصلية كتبت بواسطة dodod متشكره جدا على الرد وانا كده اتاكدت اني مش فاهمه اي حاجه في موضوع العربيات ده انا كنت عامله موضوع فعلا ودخلت دلوقت حددت السعر لعلى وعسى http://www.masrmotors.com/vb/showthr...106#post267106 وانا فعلا اول مره اعرف ان فيات اونو قطع غيارها غاليه وقليله بس كنت عوزه اسال برده هي عمرة الميكانيكا او عمرة الكهرباء شئ كويس ولا سئ؟؟ وانا سمعت ان كيا بريد موتورها 1000او1100 فلما الاقي واحده1300 هل ده كويس ام سئ؟ وشكرا على الرد

الكيا برايد العصفورة موتور 1100 سي سي صناعة كورية
ولبرايد السيدان موتور 1300 سي سي تقفيل مصري

[Bahi]

حالة السيارة هى العامل الرئيسى فى الاختيار بين البرايد والأونو لأن تكلفة الاصلاحات عالية وتنقسم الى:
1- قطع الغيار
2- مصنعية الحرفى (كهربائى - ميكانيكى)

وبما ان حضرتك ناوية تشترى سيارة مستعملة فأن المتغير الوحيد تقريبا -دون الدخول فى تعقيدات وفنيات كثيرة من ناحية جودة التصنيع (تثبيت العوامل الأخرى Ceteris Paribus)- هو أسعار قطع الغيار لأنك لن تستخدمى التوكيل ولكن حرفيين خارجيين لن يفرقوا فى المصنعية بين كيا وفيات. لذلك فيفضل المقارنة بين أسعار قطع غيار السيارتين أيضا بالاضافة الى حالة السيارة.

[dodod]

المشاركة الأصلية كتبت بواسطة حسام البورسعيدى طبعا عمره الموتور انواع .. فى حاجة اسمها نص عمره .. ودى تغيير حاجة اسمها الشنابر فى داخل الموتور بسبب ان عزم العربية بقى ضعيف و جابت دخان ابيض من الشكمان .. ودى مش مشكلة لما تشترى عربية مغيره شنابر لان كده الموتور يعتبر زى الجديد .. وفى عمره كاملة ودى خراطه البساتم او تغييرها و خراطة جسم الموتور من تحت ووش السلندر .. ودى منصحكيش تشترى عربية موتورها عامل عمره كاملة لان الموتور هيكون ضعيف لان خرط الموتور بيزود الفراغات بين اجزاؤه فيقل العزم .. اما تغيير اجزاء العفشة دى حاجة كويسة لان العفشة ليها عمر افتراضى وخصوصا هنا فى شوارع مصر فلازم يتعملها صيانه كل فتره .. وكمان البطارية والكاوتش ليهم برضه عمر افتراضى والبطاريه الجافه احسن بكتير لانها مش محتاجة صيانة دورية بعكس العادية بتحتاج كل فتره صيانه .. وطبعا حضرتك مش فاهمه ايه معنى اجزاء الموتور ووظايفها فأنصحك تشوفى الموضوع ده هتفهمى كل حاجة عن الموتور ببساطة شديده .. شرح اجزاء السيارة بالصور .. (الجزء الاول : المحرك) .. حصريا من حسام البورسعيدى ... http://www.masrmotors.com/vb/showthread.php?t=35617 تحياتى يا فندم ..

متشكره جدا على التوضيحات المبسطه دي والشرح جميل جدا ومعلومات ستوضع في الاعتبار
جزاك الله خيرا

[dodod]

المشاركة الأصلية كتبت بواسطة lolly136 الكيا برايد العصفورة موتور 1100 سي سي صناعة كورية ولبرايد السيدان موتور 1300 سي سي تقفيل مصري

طيب انا بشوف كيا بريد 1300 دي ايه وهل دي متركبلها موتور مش بتاعها ؟وهل ده سئ؟ علشان انا عوزه عربيه تنفعني في السفر وفي نفس الوقت صغيره مش عوزه السيدان

وشكرا على الاهتمام