الله يحرقهم كلهم !

[alaa1968]

عزيرى الدكتور ..لا تحزن واحتسب خسارتك عند ربنا .. انا حصل معى حادثة كان ممكن تبقى كارثة من فترة وانا على الدائرى قرب الوراق فوجئت بخبطة شديدة فى الزجاج الأمامى وانا بسرعتى فقمت بدون وعى ومن الخضة بالضغط على الفرامل بشدة ....... الحمد لله لم يكن ورائى مباشرة احد ولكن شباب صغار اطلقوا على حجر فى حجم قبضة اليد اثناء مرورى وللحظ السعيد الحجر ضرب الزجاج الأمامى من عند السقف وعمل انبعاج شديد مكان الخبطة والأغرب ان الزجاج ما انكسرش والعيال جريت و نزلت من على جنب الطريق حاولت اجرى وراهم واجيبهم لكن كانوا اختفوا ولاد الكلب انا باتخيل ان لو كان ورايا عربية اخرى ووقوفى المفاجىء دة كان حصل اية اولو الطوبة صدمت الزجاج الأمامى من المنتصف كان حصل ايه لكن ربنا قدر ولطف وربنا يخدهم ز

[atgps]

المشاركة الأصلية كتبت بواسطة elmanahry دكتور بولبلان قلبى معاك وربنا يعوضك لانى تعرضت لنفس الامر بعد خروجى من نادى القوات المسلحة بالمنيا حيث وجدت فجوة فى رفرف السيارة اللانوس كانها رصاصة اطلقت على الرفرف وطبعا لم تكن رصاصة والا اخترقت الصاج وعندما راها العديد اجمع ان احدهم استعمل شاكوش بعنف وبقصد وايضا احد معارفى رمى احدهم على سيارته الجيتا حجر وهو يسير على كورنيش المنيا فاخترقت الزجاج الخلفى والذى فعل ذلك شاب صغير وهرب فى الاتجاه المضاد والحمد لله لم يصاب اولاده بسؤ وغير الزجاج باربعة الاف جنيها الفاضل ارجو من سيادتك ان تقدم بلاغ فى القسم التابع له حتى انك لو رائيت هذا الشخص لاتتطر للاشتباك معه بالايدى ولا تنزل لمستواه لان هؤلاء بلطجية وفارغين ويروح يعمل تقرير طبى وشغلانة وسيادتك طبيب وليك مكانتك ولنا الله فى مجتمع تفشى فيه لغة الحقد والعنف

dr-elmanahry المحترم، أنا معاك فى كل اللى قلته ولكن الذهاب الى قسم الشرطة فلن يفيد، لأنه لايوجد متهم ولن يتحركوا بالطبع فلابد من وجود المتهم مع الدليل، وأقول ذلك ولدى العديد من القصص التى لم يتحرك فيها رجال الشرطة الا بتقديم لهم الدليل الدامغ على طبق من فضة مع احتفاظهم بالحلاوة كما يسمونها (مش عارف على ايه)

[mohamed ibiza]

ربنا يعوض عليك يا دكتور انا مريت بالكلام ده من تجريح و خدش لحد خبطه في وش العربية كلفتني 250 جنيه !!

ربنا يعوض عليك و يا ريت تشتري غطا للعربية و تبص عليها كل حبه من الشباك لكن بجد الناس مؤذيه

[horas3000]

ربنا يعوض عليك يا دكتور
و ينتقم من اللي عمل كده اشد انتقام
طبعا انا عارف ان المنظر هيضايقك و يغضبك كل ما تشوفة لكن سيبها كده اهي تاخد العين زي ما بيقولوا
مع محاولة مراقبة الوضع لعدم تكرره و امكانية القبض علي المختل اللي عمل كده و ده ملوش ديه يعني اعمل فيه الي انت عايزة و بعدين تاخده علي القسم.
اما لو مقدرتش و صلحت العيب فالافضل وضع العربية في جراج او تغطيتها

و في حل احسن الا و هو انك تكسوها استكر شفاف او بنفس لون العربية ان امكن للحماية لكن للاسف معرفش اماكن بيعة في مصر و لو وصلتله يا ريت تقولنا عشان انا ناوي اعملة في عربيتنا اللي في مصر عشان استريح من موضوع الخدوش ده

[m_o_sakr]

حسبى الله و نعم الوكيل, ربنا يكون فى عونك يا دكتور والله, ناس معندهاش احساس ولا دم ولا اعتقد انهم ناس من اصله, دول اكيد حيوانات او اشباه حيوانات حتى, لأن الحيوانات لا تأذى بدون سبب