نزول ميه من الشكمان

[sayed2077]

اخى العزيز صقر

الشكمان لما ينزل مايه يبقى حاجه من الاتنين

1:ان الماتور كويس وكل حاجه فيه مظبوطه ومتناغمه مع بعضاها بكفائة عالية

أو

جوان وش السلندر فيه حاجه وبقى بيسرب مايه للسلندرات فلو العربيه بتاكل مايه معاك
يبقى روح لميكانيكى فورا

وياريت تعمل اللى هقولك عليه

فى النهار وفى نور ربنا كده هتفتح غطاء الردايتير و القربه وتبص فيهم هل المايه مخلوطه بزيت فيهم ولا المايه صافيه ومفيهاش اى اثار زيت خالص

وهتشوف الزيت هل لونه بقى عامل زى الطيحينه ولا الزيت عادى مفيهوش اى حاجه غريبه

لو لقيت كله تمام يبقى متحوطش فى بالك وامشى عادى

بس لو لقيت اى حاجه من اللى بقولك عليها فوق ديه فيجب عدم تشغيل المحرك والذهاب فورا الى اقرب ميكاننيكى وتخليه يبوصلك على الدنيا فيها ايه بالظبط ولو كان فيه المشكال اللى بقولك عليها يبقى هيعملك جوان وش سلندر وفى الحاله ديه يبقى الافضل ليييك انك تعمل طقم شنبر بالمره علشان يبقى كله مره واحده ووجع دماغ واحد وربنا ييسرلك الامور وابقى قولى هل لاقيت حاجه من اللى بقولك عليها ولا لا مستنى ردك

اخوك فى الله سيد

ازيك اخي سيد ومش عارف اشكرك ازاي وجاري العمل بما قولت وساوافيك به

[ehab62]

المشاركة الأصلية كتبت بواسطة صقرمصر ازيك اخي سيد ومش عارف اشكرك ازاي وجاري العمل بما قولت وساوافيك به

مع احترامى لجيع اراء الاعضاء نزول مياه من الشكمان فى الصباح الباكر او لما بيكون الجو بارد ده عشان تكثيف البخار اما فى الجو الحار او الجو العادى ويوجد تعريق من الشكمان فده معناه ان الحريق جيد وعادى جداا ان الموتور يكون مفوت كمان مش خفيف بس الحريق بتاعه جيد

المشاركة الأصلية كتبت بواسطة ehab62 مع احترامى لجيع اراء الاعضاء نزول مياه من الشكمان فى الصباح الباكر او لما بيكون الجو بارد ده عشان تكثيف البخار اما فى الجو الحار او الجو العادى ويوجد تعريق من الشكمان فده معناه ان الحريق جيد وعادى جداا ان الموتور يكون مفوت كمان مش خفيف بس الحريق بتاعه جيد

شكرا لمرورك اخي الكريم ايهاب وده كلام منطقي جدا

المشاركة الأصلية كتبت بواسطة sayed2077 اخى العزيز صقر الشكمان لما ينزل مايه يبقى حاجه من الاتنين 1:ان الماتور كويس وكل حاجه فيه مظبوطه ومتناغمه مع بعضاها بكفائة عالية أو جوان وش السلندر فيه حاجه وبقى بيسرب مايه للسلندرات فلو العربيه بتاكل مايه معاك يبقى روح لميكانيكى فورا وياريت تعمل اللى هقولك عليه فى النهار وفى نور ربنا كده هتفتح غطاء الردايتير و القربه وتبص فيهم هل المايه مخلوطه بزيت فيهم ولا المايه صافيه ومفيهاش اى اثار زيت خالص وهتشوف الزيت هل لونه بقى عامل زى الطيحينه ولا الزيت عادى مفيهوش اى حاجه غريبه لو لقيت كله تمام يبقى متحوطش فى بالك وامشى عادى بس لو لقيت اى حاجه من اللى بقولك عليها فوق ديه فيجب عدم تشغيل المحرك والذهاب فورا الى اقرب ميكاننيكى وتخليه يبوصلك على الدنيا فيها ايه بالظبط ولو كان فيه المشكال اللى بقولك عليها يبقى هيعملك جوان وش سلندر وفى الحاله ديه يبقى الافضل ليييك انك تعمل طقم شنبر بالمره علشان يبقى كله مره واحده ووجع دماغ واحد وربنا ييسرلك الامور وابقى قولى هل لاقيت حاجه من اللى بقولك عليها ولا لا مستنى ردك اخوك فى الله سيد

اخي سيد الرداتير مفهوش اي زيت وكذلك الزيت مفهوش اي طحين او ماء عليه مع تحياتي اخوك في الله صقر