فيديو جميل جدا للداستر

[stonecoldmido5]

المشاركة الأصلية كتبت بواسطة مدحت البلبيسى شكرا لرد حضرتك هوة انا متردد علشان شكل التابلوة بس كلامكم على الاداء مريحنى لان ناس قالتى مش هتستحملك بس حضرتك طمنتنى بس ياترى الموديل 2013 هوة بينزل دايما بعد شهر 6 صخ فى الغلب الماركات ياترى هتنزل بالشكل الجديد

لا شكر علي واجب حضرتك تؤمر , و اللة شكل التابلووة مقبول الي حد ما المهم انه بيتكون من الاساسيات اللي موجودة في اي عربية , معلهش اللي قال لحضرتك انها مش هتستحمل اكيد ما ساقهاش لان دي اهم ميزة فيه و في شركات تخليص جمركي في ميناء دمياط و اسكندرية ابتديت تشتريها علشان تستحمل السفر في كل انحاء الجمهورية و علشان تستحمل الخدمة الشاقة و الدليل برضه الفيديوهات اللي ع النت دي ليها كمية فيديوهات اوف رود بتفكرني بالرانجلر ( مع الفرق طبعا) , تمام بينزل بعد شهر 7 , تقريبا مفيش اي تعديلات شكلية بس انا سمعت انها هتنزل اوتوماتيك بس مش دفع رباعي و ابتديت تتحجز من دلوقتي .

[مدحت البلبيسى]

شكرا لردك طمنتنى لانى بسافر كل يوم انا ساكن فى الشرقية كل الناس عمالة تخوفنى من قطع غيارها الغالية وكمان انها مش متوفرة ولو حصل حاجة فيها هدوخ وممكن مالاقيهاش وبكونى بسافر كتير لانى مدير بشركة ادوية على الشرقية والسويس وبورسعيد واسماعلية وكل يوم فى مكان فيهم وانها ماتستحملش الرينو البهدلة والله انا محتار بينها وبين الانترا والكيا سول وكل واحدة فيها مميزات وعيوب انا اقتنعت بكلامك عن الداستر كل مشكلتى دلوقتى وخوفى قطع الغيار ولو قدر الله عطلت او حصل حاجة هاعمل اية لانى بجرى كتير

[stonecoldmido5]

المشاركة الأصلية كتبت بواسطة مدحت البلبيسى شكرا لردك طمنتنى لانى بسافر كل يوم انا ساكن فى الشرقية كل الناس عمالة تخوفنى من قطع غيارها الغالية وكمان انها مش متوفرة ولو حصل حاجة فيها هدوخ وممكن مالاقيهاش وبكونى بسافر كتير لانى مدير بشركة ادوية على الشرقية والسويس وبورسعيد واسماعلية وكل يوم فى مكان فيهم وانها ماتستحملش الرينو البهدلة والله انا محتار بينها وبين الانترا والكيا سول وكل واحدة فيها مميزات وعيوب انا اقتنعت بكلامك عن الداستر كل مشكلتى دلوقتى وخوفى قطع الغيار ولو قدر الله عطلت او حصل حاجة هاعمل اية لانى بجرى كتير

للامانة قطع الغيار مش متوفره بصورة كبيرة خارج التوكيل , بس كل حاجة موجودة في التوكيل و اسعارها قريب من اللوجان بس نصيحة لازم تأمن عليها لو حضرتك جبتها 0