1000 سى سى 3 سلندر 130 كيلو فى 35 لتر ازاااى!!!!!!!!

[Vanditta]

المشاركة الأصلية كتبت بواسطة ahmed_eng2001 فيه مشكلة حصلت معايا قبل كدة و اكتشفتها بعد فترة كان فيه تنقيط خفيف من خرطوم البنزين الى داخل على الكاربراتير .... البنزين كان بينزل على الموتور من فوق ... و كان بيتبخر على طول ... و الميكانيكى اكتشف الموضوع ده حضرتك راجع على الوصلات و التسريب

تصدق ممكن جدا يكون فى تسريب بس مش باين هحاول برضو اشيك تانى على الوصلات
بس حضرتك اماكان عندك المشكلة دى هل كان استهلاك البنزين عالى اوى للدرجة دى ؟؟!

[esafegypt]

والله انا ليا قريب عنده سويفت 1300 وبيشتكى بردوا ان استهلاك البنزين ذاد عنده اوى بس انت بتقول ان موتورك 1000 فيبق كده اكيد فى مشكلة وعموما ممكن تغسل العربية غسله كويسة وانفخ حولين الموتور بالهوا وكده وبعد كده فول التانك وامشى بيها او اصبر يوم وشوف وشم بردوا لو فى تسريب هيكون باين اوى بعد غسيل العربية بس خلى البنزينه تظبطلك بالهواء الاماكن اللى انت شاكك فيها انها بتسرب علشان متشتغلش نفسك كتير وتحط ايدك على المشكلة فين

[حسام البورسعيدى]

لازم تلاحظ هل عندك دخان اسود طالع من الشكمان ولا لأ ؟؟؟؟

لو فى دخان اسود يبقى ده كربون نتيجه عدم حرق البنزين بكفائة .. يعنى محتاج ظبط للكربراتير ...

اما لو مفيش دخان يبقى فى عندك تسريب فى دوره البنزين او يكون مؤشر البنزين هو اللى مش مظبوط نتيجه خلل فى الحساس بتاعه على العوامه (وده احتمال وارد اوى) ...