|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
سيارة هاتش باج فى حدود 40 الف
السلام عليكم
معايا 40 الف و عاوز اجيب بيهم عربية حالتها كويسة لانى مليش فى العربيات ومش بحبها يعنى مش عاوز عربية تتعبنى وتكرهنى فى العربيات انا مش فارق معايا هاتش باج ولا لأ بس ياؤيت تكون عالية شوية عشان انا ساكن فى مكان شبة زراعى |
#2
|
||||
|
||||
رد: سيارة هاتش باج فى حدود 40 الف
الصينى بيحقق المعادلة دى
موديل حديث + اوبشن مع سعر معقول ليك فى الصينى ؟
__________________
يااااااااااااا رب إرحمنا بقدرتك علينا |
#3
|
|||
|
|||
رد: سيارة هاتش باج فى حدود 40 الف
بص ياباشا مامدام دخلت في فئة الهتشباك يبقي انتا كده جيت في ملعبي علشان انا كمان من هواه الهاتشباك
نقول بسم الله 1- عندك الكيا برايد هتشباك موديل 97:99 الكوري العربية دي معايا انا شخصيا ،،، عربية ممتازة بكل المقاييس عالية جدااا عن الارض انا بكون مركب معايا 3 وراء ولا في الدماغ مطبات ،، اقتصادية جداا في البنزين وقطع الغيار ،، بس عيبها انها فاضية يعني من غير كماليات ،،، وفي منها طبعا بكماليات يعني تكييف وزجاج كهرباء ،،، وتقدر بالمبلغ اللي معاك ده تشتري عربية من الموديل ده تكون زيرو في حدود مثلا 35.000 او اقل ,والعربية عن تجربة شخصية ممتازة وتقدر من الاخر تحوش جنبها 2- رينو كليو هاتشباك + بيجو 206 موديل 2001 :2004 --- عربيات ممتازة وتقفيل فرنساوي مش مغربي وكماليات كتير جدااا خصوصا في الرينو بس عيبها زي عيب كل الفرنساوي ان قطع غيارها غالية شوية مقارنة بالكوري مثلا انما اكيد ارحم من الالماني بشكل عام --- وانا عن نفسي قريب هبيع عربيتي وهركب رينو كليو 1200 سي سي او 1400 سي سي علشان هي بتنزل ب 2 موتور --- والصيانة سهلة يعني مش معقدة زي الالماني والامريكي --- وعربيات عالية عن الارض وظريفة والسعر في حدود 35.000: 40000 بالكتير 3-في كمان الفورد فيستيا موديل 1996 :2000 عربيات حلوة بس عيبها الصيانة لازم تكون عند حد متخصص فيها وكمان قطع الغيار غالية شوية مقارنة بالفرنساوي والكوري وبرضه في حدود 30.000 بالكتير اووووي 4- الياباني باه تقريبا مفيش في الياباني حاجة هتشابك تناسب السعر ده غير التويوتا اكوا هتشباك ودي نادرة اوووي لما تلاقيها 5-في الاوبل كورسا 1997 بس العربية دي مشكلتها انها كانت نازلة 3 سلندر والصيانة بتاعتها مقرفة جدااا زي كل الالماني عموما عاوز واحد يكون معاه علشان يقدر يصرف عليها هو عموما خليك في الرينو كليو او البيجو 206 او الكيا برايد هتشباك والعربية الكيا دي عن تجربة شخصية والله عربية ممتازة جداا وتقدر تحوش جنبها من مرتبك والصيانة سهلة وقطع الغيار في الذيذ بس انتا دور علي حاجة تكون سليمة ومكيفة علشان ما تزهق منها في الحر والصيف وهتكون في حدود المبلغ اللي انتا بتتكلم فيه ده ويفيض معاك كاش كمان علشان لو عاوز تظبط فيها حاجة بعد ما تجيبها وتعملها الصيانة بتاعتها كمان بعد الشراء |
#4
|
|||
|
|||
رد: سيارة هاتش باج فى حدود 40 الف
نسيت معلش اقولك علي عربية كمان هتشباك تحفة اسمها سيات ابيزا 1994 عربية تحفة تحفة تحفة --- وكان بينزل منها بتكييف وباور وكمان -- ولو لقيت حاجة سليمة منها هتبقي ركبت عربية هايلة وقوية واقتصادية 100/100 بس اوعي تلبس في حاجة قديمة وملعوب فيها علشان هتتعب اووي
بالتوفيق ان شاء الله |
#5
|
|||
|
|||
رد: سيارة هاتش باج فى حدود 40 الف
الف شكر يا ستاذ ahmed.mt911
|
|
|