ياريت حد يقدر يساعدني في مشكلتي مع الفليشيا

[zico2009]

انا عربيتي فليشيا 97 مكيفة مشكلة المشاكل فيها انها مش مزبوطة بمعني انها علي السلانسية مثلا 8.5 يفضل يرعش رعشة بسيطة جدا وفعلن بحث ان العربية بتعلي وتوطي بس رعشة بسيطة اوي جدا وكل ما ازبط السلانسية مفيش فايدة غير ان لما بشغل الانوار ساعات الاربي ام يوطي عادي ينزل وساعات ميتحركش خالص في نفس الوضع مع العلم ان العدادات سليمة
ولو عملت مشوار كبير العربية بتوطي لوحدها مش عارف ليه برده

السخان شغال فجأة مبقاش شغال والميكانيكي قالي عادي بتاع الكربيتريات يزبطة هو مش بايظ !

اخيرا العربية المية بتنقص يعني كل مشوار ازودها هل كل الفليشيا كدة ولا ايه علما بأن مفيش طحينة ودورة الزيت نضيفة ووش السليندر نضيف بس لازم ازود المياة
العربية مبتسخنش الحمد لله اقصي ظروف تحت النص مع التكييف
وهل تشغيل التكييف مده طويلة في خطر علية او علي العربية وشكر
واسف علي الاطالة
بس يارب اعرف االحل فين بالزات في موضوع الرعشة عشان انا تعبت غير اني حاسس بزايدة في الحرق بتاع البنزين وبحط 92
يارب اي حد يفدني عشان العربية حلوة وبحبها

[zico2009]

ياريت حد يساعدني
المشكلة من الكاربيراتير ولا السبراتير ولا ايه يارب حد يرد عليا ارجوكم

[moghader]

بالنسبة للrpm بيقولو ان فى icفى التابلوة بيضرب وبيعوز يتغير وبيتغير عندورشة المهندس الموجودة فى وكالة البلح على فكرة عندى نفس العيب بتاع الrpmفى سيارتى الفليشيا بس انا من طنطا والكاربراتير مفهوش حاجة لأن الIC بيهيس.
اما بالنسبة لنقصان مياة التبريد فأولا عليك مراجعة دورة التبريد وتأكد من سلامتها وفى الغالب بيكون غطاء قربة الماء عايز يتغير لأنه بنظام صمام ضغط وبيبوظ بسرعة وهناك نوعان الأصلى تقريبا40 جنية والصينى 15 جنية. اتمن اكون قدرت افيدك
وياريت تطمنى وتعرفنى عملت ايه

[mazenossama]

المشاركة الأصلية كتبت بواسطة moghader بالنسبة للrpm بيقولو ان فى icفى التابلوة بيضرب وبيعوز يتغير وبيتغير عندورشة المهندس الموجودة فى وكالة البلح على فكرة عندى نفس العيب بتاع الrpmفى سيارتى الفليشيا بس انا من طنطا والكاربراتير مفهوش حاجة لأن الIC بيهيس. اما بالنسبة لنقصان مياة التبريد فأولا عليك مراجعة دورة التبريد وتأكد من سلامتها وفى الغالب بيكون غطاء قربة الماء عايز يتغير لأنه بنظام صمام ضغط وبيبوظ بسرعة وهناك نوعان الأصلى تقريبا40 جنية والصينى 15 جنية. اتمن اكون قدرت افيدك وياريت تطمنى وتعرفنى عملت ايه

الحمد لله اخيرا حد رد عليا مشكور يا اخي والله علي مشركتك
بس انا العداد سليم والرعشة خفيفة جدا في المؤشر ويصحبها في نفس الوقت رعشة في المتور ضعيفة اوي وعايزة تركيز غير ان انا ظابط rpm علي 8.5 تقريبا او 9 وبردة وهي علي السلانسيه بتبقي في رعشة في العربية مكنتش موجودة والمرايا بتتهز وتروح الهزة مع اقل ضغطت بنزين ياريت نفسي اعرف العيب منين كربراتير ولا كهربا ولا ايه عشان انا زهقت حقيقي

[moghader]

السلام عليكم
أريد ان اوضح لك ان عداد الrpmبدأ فعلا معى بحركة خفيفة حتى تفاقم الأمر