اشترى سيراتو ولا النترا ؟؟؟

[hamed2020]

انا بصراحه مجربتش انا اصلا مش بحب و لاركبت كوري لحد دلوقت
بس عربيه بالسعر ده و فيها abs we ebd و انظمه أمان زي كده ممكن ميكونش فيها قصه عدم الثبات
بس هي الفانتزيا بقت بكام بيتهيالي اخر سعر سمعته ١٧٠ لو فكرت فيها هيكون احسن بكتير بس انا مش عارف سعرها كام دلوقت لكن هي برقبه الجوز

[eng/walaaeldeen]

السلام عليكم
لو المقارنه بين الأثنين فقط
ارشح الألنترا طبعا
والله المستعان

[Toyota Corolla]

لو المقارنة مقتصرة عليهم فقط فسوف أختار الالنترا رغم انهم تقريبا نفس العربية مع اختلاف الشكل .

[AbOnOrA]

بالنسبة للثبات الموضوع نسبى جداً يا جماعة انا ركبت الالنترا الجديدة ديه وكانت بتاعة واحد صاحبى كان راكب قبلها صينى وكان مبسوط جداً من ثباتها وعفشتها بالمقارنة بعربيتة القديمة وانا كان معايا البى ام لما ركبتها حسيت انى راكب عربيه ضايعة فى الثبات مقارنة بعربيتى فهو الموضوع نسبى جداً لو انت واخد على ثبات الاوربى مش هتلاقى الثبات اللى يعجبك خالص فى الالنترا او السيراتو ولو الثبات واداء العفشه عموماً اولوية بالنسبالك يبقى تفكر فى الرينو فلوانس او تزود وتجيب سكودا

[ahmed198619]

المشاركة الأصلية كتبت بواسطة hamed2020 انا بصراحه مجربتش انا اصلا مش بحب و لاركبت كوري لحد دلوقت بس عربيه بالسعر ده و فيها abs we ebd و انظمه أمان زي كده ممكن ميكونش فيها قصه عدم الثبات بس هي الفانتزيا بقت بكام بيتهيالي اخر سعر سمعته ١٧٠ لو فكرت فيها هيكون احسن بكتير بس انا مش عارف سعرها كام دلوقت لكن هي برقبه الجوز

يريت والله تكون لسة ب 170 دة انا كنت جبتها من غير م افكر
بس للاسف فانتازيا فول اوبشن اتوماتيك 205 كان الكلام دة من شهرين تقريبا قبل زيادة كل العربيات
اكيد دلوقتى مش اقل من 220 والله اعلم