نصيحة لشراء اول سيارة

[dr inas]

المشاركة الأصلية كتبت بواسطة aymanlaw الموضوع سهل جداً لسبب واحد ,وهو إن مافيش حد خراج من بتهم علشان يعمل حادثه اويخبط عربيته حتى ولوكان سائق مايكروباص وطبعاُ البلطجى ده هتلاقيه سواق ملاكى او مايكروباص يعنى مش كل سواق مايكروباص بلطجى مع إحترامى لكل سواقين الأجرة عموماُ لأنهم نازلين يشوفوا اكل عيشهم لذلك وحضرتك نازله من البيت وهتركبى عربيتك حطى فى بالك دائماً إن كل العنده عربية بيخاف عليها وباالتالى فكل واحد عايز يحافظ على سلامة العربية وانه ميغرمش نفسه كل شوية مصاريف وايضاً دائماً تعرفى ان مافيش حد عاوز بعرض نفسه لمشاكل السير فى الطريق يعنى كل من هو سائق بيحاول يتفادى اخطاء غيره بما فى ذلك إن حضرتك تتفادى اخطاء الغير والأهم ان تكون اعصابك هادئة ومتنفعليش تحت اى ضغط خليكى فى طريقك وفولى لنفسك ان اجدع سواق بيغلط والعربية بتطفى منه وإنه ممكن يحك فى عربية جانبه وممكن ميكروباص يزنق عليه او هو يزنق على ميكروباس المهم الخطأ وارد من اى شخص بيسوق ولكن هل كل هذه الهواجس ممكن تهبط معنوياتنا باالطبع لا ,لأن لو الأنسان خاف وتحول الخوف الى فوبيا مش هنخرج من البيت ونمشى حتى على رجلينا ,,توكلى على الله ومتهابيش اى موقف وسوقى وكأنك طول عمرك بتسوقى وزى ماقلت لحضرتك مافيش حد نازل من بيتهم بيسوق علشان يخبط غيره ولكن ضعى فى إعتبارك ان كل البيسوق بيعمل حساب غيره ويخلى باله من العربية الجنبه اوالقادمة من الخلف اوالهتحود يمين اوشمال ,,الموضوع كله بيبقى ماشى باالفطره والتعود خدى البمادرة وتفقوى على نفسك هتلاقى الأمر فى غاية البساطة,انا عايز اقول لحضرتك انا اول مرة سوقت فى حياتى كنت بسوق امام الجندى المجهول فى مدينة نصر سنة 79 وكان ايمها الطريق ده بيبقى بليل فاضى باالمقارنة بهذه الأيام ولكن كانت العربيات مسرعة بشكل جنونى لأن الطريق ماكنش زحمة زى الأيام دى ومع ذلك سوقت فى اول طلعه كنت مرعوب لأتى شايف عربيات بطير جنبى ولكن مع تانى لفه اخدت حبوب الشجاعة ومشيت عادى جداً وكنت لما اميل على عربية جانبى غصب عنى كان هو بيهرب منى يعنى بيحافظ على نفسه وعلى اخر الليل كنت راجع باالعربية من عند الجندى المجهول لغاية حدائق القبة واناسايق عادى وانتهت الرهبه وإنى إزاى هسوق فالزحمه نسيت كل ده لأنى اتحطيت جوه المعمه فالازم اخلص علشان استمر يبقى لازم اسوق وارمى الخوف امامى واحط فى اعتبارى إن كل البيسوق خايف على عربيته وانااولهم فاكلنا بنخلى بالنا من بعض ,,وربنا يسلم طريقك وطريقنا جميعاً

جزاك الله خيرا.... كلماتك مشجعة جدا...

[dr inas]

طيب في مشاكل بتواجهني احب اخد رأيكم فيها...أنا اشتريت الفيرنا م 2007 اوتوماتيك من شهر ونصف بالضبط وغيرت سرفيس كامل وكشفت عليها ف بنزينة وكمبيوتر وقالوا كويسة جدا... وبدأت اتعلم عليها مع مدربة من شهر ونزلت بيها بالضبط 5 مرات... اول مرتين كانت كويسة... ثالت مرة فرامل اليد سابت وغيرت سلك فرامل اليد والميكانيكي قال ان المدربة استعفت ع فرامل اليد لانها بتوقفني بيها ع طول.. رابع وخامس مرة ظهرت المشكلة دي.. مش عارفةادوس بنزين ع الشعرة زي مابتقولي المدربة لانها مش بتمشي لما بعمل كده واضطر ادوس بنزين جامد والموتور يعمل صوت وحش... ده غير ان فرامل الرجل لما اهدي بيها مثلا في اشارة وارجع اشيل رجلي من عليها العربية مش بتمشي الا لما ادوس بنزين... وفي برضه حاجة غريبة؟ مؤشر البنزين مدي اشارة انه فارغ Empty بينما العربية متفولة... المدربة قالت لي العربية فيها مشكلة ورحنا للميكانيكي مع العلم اني اول مرة اسوق واتعامل مع ميكانيكي... المهم قال زيت الفتيس عايز يتغير قلت له انه متغير من 6 اسابيع فقط قال يبقى حط لك زيت سئ غيري وهاتي موبيل.. رحت البنزينة قال لي اتاكدي الاول ان العيب من الزيت مش من الفتيس نفسه.. روحي الحي السابع شوفي الفتيس... علما باني من مدينة نصر... انا بصراحة خفت لاني معرفش حاجة ولا اعرف ميكانيكي معين واسمع ان الفتيس الاوتوماتيك غالي... اتصرف ازاي دلوقت كمبتدأة؟؟؟؟ اسفة على الاطالة...

[manarabdlshakor]

يفضل بعد ما تتعلمى السواقة عربية صغيرة مش كبيرة

[dr inas]

شكرا يا منار على اهتمامك...

انا جبت الفيرنا وخلاص.. انا فعلا كنت عايزة عربية صغيرة.. بس مش سهل تلاقي اللي انت عايزاه في المستعمل.. موضوع تقدير ابعاد العربية ده صعب... والتركيز في المرايات... انا جايبة سواق حاليا يعلمني لان المدربة بتتنرفز علي... هعمل ايه مفيش قدامي غير الصبر... وعدم الالتفات لاي كلام عن اني اخدت حصص كتير ووقت طويل وخوافة... الى اخره... انا خبطتها كذا مرة بس هعمل ايه... مفيش قدامي خيار تاني... لازم اتعلم السواقة ان شاء الله...

[nktis]

سيادتك اللي مصعبه الموضوع يا دكتوره , و للاسف كل لما بنكبر يبقي التعليم اصعب بس مش قوي ...
جمدي قلبك شويه و سوقي , انا واحد كنت باركب موتسيكلات و متعلم سواقه علي دبابه نص نقل و كنت زي حضرتك كاره السواقه و نعيان هم , و كنت عايز اجيب عربيه صغيره او هاتش باك مخصوص عشان الابعاد و اللي شوفته من كبر ابعاد النص نقل و في الاخر ربنا رزقني بنوبيرا 2 و هي عربيه ضخمه غير ما كنت عايز تماما ...
السواقه جمديه قلب و ممارسه يوميا و كمان سيادتك معاكي اوتو يعني فرامل و بنزين و اسهل بكتيررررر من المانوال ...
بالتوفيق ان شاء الله ...