|
#1
13-10-2010, 11:15 PM
|
|||
|
|||
تجربة قيادة كرايسلر تاون اند كنترى
النهارده كان يوم مش عادي بالنسبالي لما انتهزت فرصة اني كنت في مامورية بره للشركة عندنا ولما رجعت بركن عربيتي لقية عربية مدير الشركة عندي مركونه تحت عماره لسه بتتبني
المهم طلعت الشركة قولتله وطبعا انا طالع ومتاكد 200% اني هاخد منه المفتاح لانه مشغول بصفة مستديمة ومش هيكون عنده وقت انه ينزل يشلها المهم قولتله ان عربيتك في خطر وممكن العماره تقع عليها ههههههههههههههه ديه لسه بتتبني ياابني ماهو ممكن يكون اللي بناها معندهوش ضمير ويكون غاشش في الاسمنت ههههههههههههههههههههه لا بجد قولتله حضرتك عربيتك مركونه تحت العمار اللي لسه بتتبني وممكن يقع عليها بويا من اللي بتتدهن بيها واجهة العماره قالي بتعرف تسوق اتوماتيك وانا طبعا مبسوقش غير مانيوال المهم طبعا قولتله بعرف لاني متعودتش اني اقول علي حاجه اني مبعرفهاش ههههههههههههههههههههههه خصله فيا ما يعلم بيها الا ربنا المهم خدت المفاتيح وطيران علي العربية المهم فتحت الباب ودخلت جواها حاجه وهم اولا اتصدمت لاني ملقتش فتيس واتصدمت اكتر لما ملقتش فرامل يد عربية كلها شاشات من جوه وزراير في كل حته في العربية قولت يادي النيله التجربة فشلت ولا ايه انا لازم اتحرك بالعربية الغريبة ديه المهم من هنا لهنا روحت جيت ادور العربية لقيت المفتاح اتشفط من ايدي جو الكونتكت والعربية دارت لوحدها ايه شغل العفاريت ده بقا المهم قعدت ادور علي حاجه امشي بيها العربية ديه لقيت دراع صغير طالع جنب دراع المساحات شكله غريب قولت اما اجرب كدا اشوفه بيعمل ايه ممكن يكون هو ده الفتيس وقد كان اول ما مسكته وحركته لقيته بيقرا معايا في التابلوه علي حروف الاتوماتيك ال D R N P وهكذا المهم جيت اتحرك بالعربية علي ال D العربية متحركتش يادي النيله لقية لمبة فرامل اليد منوره طيب فين فرامل اليد بتاعة العربية المعفرته ديه وطبعا بعد 10 دقائق من البحث عن فرامل اليد لقية في دواسه تالته تحت قولت يادي النيله ايه الحكاية الاتوماتيك دواستين بس التالته ديه بتعمل ايه المهم جيت ادوس عليها العربية عشقت في الارض اكتر طلع هو البريك قعدت احاول ارفعه تاني مش راضي نزل وحالف ما يطلع من هنا لهنا لقية في زرار في التابلوه مكتوب عليه بريك دوست عليه لقية الفرامل رفعت قولت اخيرا ده ايه الذل ده المهم اتحركت بالعربية حسيت اني راكب اتوبيس مش عربية وحاجه عجيبة انا خدتها لفه من حلوة سواقتها حاجه وهم بجد حسيت اني كنت راكب معزة مش فيرنا هههههههههههههههههه وديه صورة العربية    انا فعلا مكنتش عايز انزل منها بس اعمل ايه ادعولي اعرف اقلبها منه قبل ما اسيب الشركة واطلع معاش ههههههههههههههه 
|
|
#3
14-10-2010, 10:50 PM
|
||||
|
||||
|
رد: تجربة قيادة كرايسلر تاون اند كنترى
اكيد تجربة ممتعة يا احمد باشا ، بس مش بذمتك الفيرنا احسن و اسهل ، هههههههههههههههههه
|
|
#4
15-10-2010, 05:57 PM
|
|||
|
|||
رد: تجربة قيادة كرايسلر تاون اند كنترى
تسلملي يا جميل ونورت الموضوع وتقبل تحياتي
طبعا يا بشمهندس الفيرنا احسن بكتير علي الاقل مبتعزبش بيها كدا وانا بطلع بيها
|
|
#5
15-10-2010, 07:55 PM
|
||||
|
||||
|
رد: تجربة قيادة كرايسلر تاون اند كنترى
اول مره اشوف تجربه عربيه بطريقه كوميديه بالاسلوب دا
الله يفضحك يا احمد مطرح ما انت قاعد ايه اللي بتقوله دا 
__________________
حـازم خـضـر
|
 |
|
|
