عايز رأيكم فى الاقتراح ده

[ironheart]

طيب ينفع مستقبلا اجيب امبليفير على السمعات الجديدة وهحس بفرق
وكنت عايز اجيب واحد بس المشكلة ما بحبش زحمة كتير فى العربية بحب البساطة

[Injection]

هو من ناحية ينفع ينفع, أنما لو حضرتك بتفكر تجيب أمبليفاير, السماعات ديه فى بداية السلم بتاعه, يعنى لو جيبنا أمب 400 وات, دى فى الأول وفى الأخر 180 وات بس, هى مناسبة للكاسيت, لكن حرام تجيبهم لأمبليفاير, فيه سماعات تانية تركب وتديك قيمة أعلى للفلوس اللى هتتدفع فيها.

وطالما حضرتك بتحب البساطة جرب السماعات دى, مش هتعملك فرح, بس صوتها هيبقى كويس جدا جوه العربية, بمراحل عن السماعات الأصلية.

أنما الأمبليفاير محتاج قصة تانية خالص, سماعات أعلى, ولو جيبته وجبتله 4 سماعات هيبقى القنوات ال 4 بتوع الكاسيت فاضيين, وممكن ساعتها تجيبلهم هما كمان سماعات ويبقى عندك 8 سماعات.

او بنفس الأمبليفاير, ممكن تركب عليه سماعتين أقوياء وبازوكا أوصب, و4 سماعات على الكاسيت ويبقى عندك 6 سماعات وصب.

[gadix]

المشاركة الأصلية كتبت بواسطة Injection بص ياباشا, النظام عندك ضعيف جدا, وعايز أقلك أنك لوجبت سماعات نضيفة بس, هتحس بفرق بين السماء والأرض. الصب ياباشا مابيركبش فى أى حتة, الصب لازمله صندوق علشان يطلع الصوت, لو جربت تسمع صب 1000 وات من غير صندوق هتلاقيه ولا سماعة من اللى ب 15 جنيه, لكن فى صندوق أو بازوكا الوضع هيتقلب تماما. لكن فى حاجة جت فى بالى, الرف هيبقى مقفول على الصندوق بتاع العربية, يعنى الصب هيركب على الرف كأنه فى صندوق, لكن صندوق العربية مش مقفول تماما, فبالتالى لو ركبتهم على الرف مع كل خبطة بيز هتسمع زن وقرف من الهواء اللى عمال يخرج ويدخل صندوق العربية. لكن فى فئة من الصبات أسمها فرى أير, دى ينفع تتركب بدون صندوق, وهى دى اللى ينفع تركبها على الرف وتسمع منها بيز, لكن صب عادية على الرف مش هتسمع البيز بتاعها غير وأنت واقف بره العربية, علشان العربية هتتحول لصندوق للصب بس زى الفقرة اللى فوق.......... عايز رأيى, هات سماعتين بايونيير بيضاوى للرف اللى ورا فى حدود 400 وات ماكس (ممكن أقل سنة), وسماعتين مدورين فى نفس الحدود, وسماعتين تانيين مدورين فى حدود 200 الى 300 وات ماكس, وجى أم 4 قنوات 400 وات كينوود, هتركب عليه السماعتين البيضاوى والسماعتين المدورين الأقوياء , والسماعتين الفاضلين يركبوت على الكاسيت على طول. كده تبقى عملت نظام أحسن من الصب, النظام اللى حضرتك كنت عايز تعمله حتى لو عملته بصب free air البيز هيغطى على صوت السماعات, ومش هتقدر تستخدم الصبات بقدرتهم الا لو حطيت تويترات أو سماعات بيضاوى كومبوننت علشان تعادل البيز. أما نظام محطوط فيه سماعات كومبوننت (يعنى بتطلع بيز وتريبل وميد رينج) صوته بيطلع متناسق ومفيش حاجة اعلى من التانية.

ماشاء الله واضح ان حضرتك فاهم
انا مفهمتش اي حاجة
ايه الفرق بين البيضاوي و المدور؟
و اسمها ايه السماعات الي بيبقي فيها تويتر؟

[Adham]

شنطة الجيتز الهاتش باك حاتديلك صوت بيز كويس زي الصندوق تقريباً

ركب رف خشب ام دي اف اكسية موكيت و ياسلام لو يكفي صب 10 بوصة يبقى تمام

بس هات صب نضيف و امبليفير محترم بلاش سيمفوني و هات براند محترم

سيبك من حكاية فري اير دي اكذوبة و هات صب بيونير او كلاريون او جي بي ال او الباين و امبليفير برضة ماركة منهم و اسمع صوت نضيف

و ثبت الرف كويس بمسامير رباط علشان ما يلبش و يعمل ديستورشن, و حط فريم كاوتش حوالين نمرة العربية لانها وجودها في ضهر الشنطة حايخليها تعمل احلة ذبذبة و زن مع الووفر

و ممكن تحط ميدرينجات في الابواب و تويترين وراء المرايات

لان وجود صبات الكومبونانت في الابواب بيطلع صوت وحش

[Injection]

المشاركة الأصلية كتبت بواسطة Adham شنطة الجيتز الهاتش باك حاتديلك صوت بيز كويس زي الصندوق تقريباً ركب رف خشب ام دي اف اكسية موكيت و ياسلام لو يكفي صب 10 بوصة يبقى تمام بس هات صب نضيف و امبليفير محترم بلاش سيمفوني و هات براند محترم سيبك من حكاية فري اير دي اكذوبة و هات صب بيونير او كلاريون او جي بي ال او الباين و امبليفير برضة ماركة منهم و اسمع صوت نضيف و ثبت الرف كويس بمسامير رباط علشان ما يلبش و يعمل ديستورشن, و حط فريم كاوتش حوالين نمرة العربية لانها وجودها في ضهر الشنطة حايخليها تعمل احلة ذبذبة و زن مع الووفر و ممكن تحط ميدرينجات في الابواب و تويترين وراء المرايات لان وجود صبات الكومبونانت في الابواب بيطلع صوت وحش

بس كده الشنطة هتوش برضه ياكبير وتعمل ديستورشن, لو فى مسمار أو فبرة مش متثبتة كويس وهتبوظ الصوت, ومعظم شنط العربيات بتبقى ماليانة حاجات مش متثبتة, ولا أيه رأى حضرتك, وخاصة أنها فعلا صغيرة وزى الصندوق بالظبط, والواحد بيتجنن على مايقفل الصندوق كويس ويخليه AIR TIGHT, ودى شنطة والصب هتعمل تيارات هواء وأصوات عجيبة.