يارجالة, جبتلكوا صور لولا, عربيتى.

[وائل البطاوى]

ربنا يباركلك فيه

[xabi]

هى العربية شكلها كده من زمان, الواحد خلص تعليم خلاص, وحضرتك الوحيد اللى فهمت وجهة نظرى, أنا عندى الناس تبصلى من تحت لفوق كل مامشى بالعربية بس أدورها تشتغل وتوصلنى بأمان ومتعة (غرز بقى وموتور شغال) ولا أن حد يقعد يكتب معلقات وقصائد فيها والاقيها مسروقة أو مخبوطة أو تعطل منى بسبب الحسد, وأكتشفت من حكاوى ناس كتير أن الحاجات دى بتحصل معاهم بصورة متكررة.

وأنا من الناس اللى بيحبوا نظام ال sleeper فى العربيات لو فاهم قصدى.

وشكرا لكل الرجالة الذوق اللى عبرونى لغاية دلوقتى.[/QUOTE]


والله لو اللى فى دماغى يبقى صح..انت ايه بقى اللى فى دماغك

[Injection]

ربنا يباركلك فيها

ربنا يخليك, وشكرا على مرورك ودعوتك.

والله لو اللى فى دماغى يبقى صح..انت ايه بقى اللى فى دماغك

أنا متهيألى اللى فى دماغك هو الى فى دماغى, بس عموما هى العربية بعيدة كل البعد عن أنها تكون sleeper دلوقتى.

مثال:-

2004 Subaru Forester XT 2.5L 224hp turbo H4 (STi motor) throw on the STi turbo, pull out 300hp/300tq Get yourself an STI in sheeps clothing. I've also always been partial to the A2 GTIs with a turbo VR6 swap.

هاه بقى, أنت بتفكر قى أيه؟

[sad-bird]

هههههههههههه
ربنا يديلك خيرها ويكفيك شرها
ياعم انجكشن انوي انت بس التظبيط وهتلاقي مصر موتورز كلها معاك
على فكرة اكتر واحد دماغه في التظبيط ( في حدود علمي ) نور بيجو قوله بس انت عاوز تعمل ايه وفكروا سوا

اما بقى عن مواسير الصرف الصحي اليل مش عاجبه الناس فدي تتحمل اكتر 100 مرة من الخراطيم بتاعت العربيات لكن مشكلتها تركب فين ان علشان عندك المساحة واسعة تساعدك وتفكيرك صح وسيبك من اللي يتريق عليها

لكن اللي نفسي اعرفه هو الاكصطدام بتاعك ده اكصدام والا جر شكل لا يمت للعربية باي صلة ولو عاوز رأيي جرنال ولزق دوكو وغطي الجزء اللي فوق الاكصدام وعلبة اسبراي دهبي هيبقى افضل من كده بكتير ده مؤقتا لغايه لما تظبط الدنيا لو ناوي على التظبيط يبقى ظبط مرة واحده

ومتقلقش كورسير هيجي يقف معاك عند الميكانيكي لو اني معتقدش انك محتاج تروح لميكانيكي انت محتاج تغسلها وتعمل سمكرة ودوكو بس

[Injection]

المشاركة الأصلية كتبت بواسطة sad-bird هههههههههههه ربنا يديلك خيرها ويكفيك شرها ياعم انجكشن انوي انت بس التظبيط وهتلاقي مصر موتورز كلها معاك على فكرة اكتر واحد دماغه في التظبيط ( في حدود علمي ) نور بيجو قوله بس انت عاوز تعمل ايه وفكروا سوا اما بقى عن مواسير الصرف الصحي اليل مش عاجبه الناس فدي تتحمل اكتر 100 مرة من الخراطيم بتاعت العربيات لكن مشكلتها تركب فين ان علشان عندك المساحة واسعة تساعدك وتفكيرك صح وسيبك من اللي يتريق عليها لكن اللي نفسي اعرفه هو الاكصطدام بتاعك ده اكصدام والا جر شكل لا يمت للعربية باي صلة ولو عاوز رأيي جرنال ولزق دوكو وغطي الجزء اللي فوق الاكصدام وعلبة اسبراي دهبي هيبقى افضل من كده بكتير ده مؤقتا لغايه لما تظبط الدنيا لو ناوي على التظبيط يبقى ظبط مرة واحده ومتقلقش كورسير هيجي يقف معاك عند الميكانيكي لو اني معتقدش انك محتاج تروح لميكانيكي انت محتاج تغسلها وتعمل سمكرة ودوكو بس

ربنا يكرمك ياباشا زى ماكرم جابر, فكرة الماسورة جامدة فعلا, أسمها cold air intake ومعمولة علشان تدخل هوا ساقع للموتور بدل متاخد هوا سخن من الحوض, وبما أن الشكل مش فارق معايا, فا قلت أقضيها صرف صحى, وفرقت جامد فى السحب.

الأكصدام شكله كده علشان العبد لله فكه ورشه بنفسه, و أساسا اللى مركبه كان مركبه بمسامير, فهو يعتبر الى حد ما ضايع الى أن أعمله عند سمكرى أو حد بتاع فيبر.

وأساتذة التعديل فى المنتدى كتير, ونور بيجو واحد منهم, بس فيه أعضاء كتير دماغهم فى المجال ده, وربنا يقدرهم وأشوف منهم اللى راكب أودى rs4 واللى راكب m3 واللى راكب أيفو واللى راكب هيونداى كوبيه وكل واحد عارف نفسه.
والحمد لله أنا عارف أنا عايز أعمل أيه وأعدل فى أيه وأجيبه منين وأزاى, بس فلوسى ياباشا ضايعة على الشرب (بيبسى وعصاير) وهبل كتير(سماعات مالهاش لازمة, أمبليفاير صينى وتجارب تانية فاشلة) وهكذا بس الحمد لله تجاربى الفاشلة علمتنى كتيييييير, والواحد بيحاول يساعد أهه أن محدش يقع فى نفس خطأه.

تصدق بأيه ياباشا لو قلتلك أن أول أمبارح عجلة نامت منى وأنا ماشى, وغيرتها بأستبن عامل زى بتاع التكوسة مالوش شكل ولا ملامح, ده غير أنى كنت طلعت بيه على رصيف قبل كده, وشكله عامل زى دائرة وجزء منها خط مستقيم ولما بلف الدركسيون وأنا واقف باسمع صوته بيحك فى الأرض.

ولسه كنت بجرى بالعربية النهاردة على طريق المطار على 140 وباخد ملفاته على 110وخفت أزود لتيجى بقعة ميه تحتيه أروح أنا فى الباى باى.

أنا أعرف ميكانيكى دايو كويس جدا, وهروحله قريب بأذن الله يظبطلى حاجات كتييييير, أنما شكلها بصراحة عاجبنى كده, وممكن أردها عروسة قبل الفحص وكده.

عايزين نشوف عربية حضرتك بقى, الصور اللى فوق صور موبايل مخدتش منى أى مجهود, يلا بقى عايزين نتعقد شوية.