يارجالة, جبتلكوا صور لولا, عربيتى.

[hazem_khidr]

ربنا يباركلك فيها يا انجكشن
العربيه بفلوس بسيطه ممكن ترجعها زي ما كانت بس اصبر لحد ما تتعلم خالص

[xabi]

ايه الجمال ده يا انجكشن...ده انت فرقت عربيه واحد صاحبى..العربيه بتاعته كل يوم واحد بيتعلم عليها وكل يوم بتاخد خبطه شكل لغايه لما معدتش تفرق بين وشها وضهرها..انا لو منك اسيبها كده ومصلحش فيها حاجه..تبعد عنك العين

[Injection]

المشاركة الأصلية كتبت بواسطة abo-salama أوعى تزعلى منى يا راجل ياطيب العربية حلوة بس سيادتك مش مهتم بيها بس انت راجل طيب زى حلاتى مش بهتم بالعربية مع انى بعشق العربيات

والله يا أبو سلمى أنا بموت فى العربية دى بس مشكلتى حاجتين الكسل و أن الشكل مايفرقش معايا.

المشاركة الأصلية كتبت بواسطة hazem_khidr ربنا يباركلك فيها يا انجكشن العربيه بفلوس بسيطه ممكن ترجعها زي ما كانت بس اصبر لحد ما تتعلم خالص

يا حازم باشا أن خلصت تعليم من زمان, وبقالى سنة معمالتش حادثة أو أحتكيت بحد خالص وبمشى فى شوارع تعتبر حيوية وزحمة جدا, هى العربية شكلها شوارع كده, ويسمع من بقك ربنا ياباشا وأرجعها عربية تانى.

المشاركة الأصلية كتبت بواسطة xabi ايه الجمال ده يا انجكشن...ده انت فرقت عربيه واحد صاحبى..العربيه بتاعته كل يوم واحد بيتعلم عليها وكل يوم بتاخد خبطه شكل لغايه لما معدتش تفرق بين وشها وضهرها..انا لو منك اسيبها كده ومصلحش فيها حاجه..تبعد عنك العين

هى العربية شكلها كده من زمان, الواحد خلص تعليم خلاص, وحضرتك الوحيد اللى فهمت وجهة نظرى, أنا عندى الناس تبصلى من تحت لفوق كل مامشى بالعربية بس أدورها تشتغل وتوصلنى بأمان ومتعة (غرز بقى وموتور شغال) ولا أن حد يقعد يكتب معلقات وقصائد فيها والاقيها مسروقة أو مخبوطة أو تعطل منى بسبب الحسد, وأكتشفت من حكاوى ناس كتير أن الحاجات دى بتحصل معاهم بصورة متكررة.

وأنا من الناس اللى بيحبوا نظام ال sleeper فى العربيات لو فاهم قصدى.

وشكرا لكل الرجالة الذوق اللى عبرونى لغاية دلوقتى.

[ahmed-alaa]

ايه يا باشا الجمال ده ما شاء الله ده انت مطلع عينها
ربنا يباركلك فيها ويديك خيرها

[issoPolo]

انت ساكن في ابراج الشرطة ولا ايه؟